N k’uko abagore bo mu karere ka Gisagara bagiye babyigishwa mu kwezi kwahariwe umuryango kwashojwe muri iki cyumweru dushoje tariki 9/11/2012 , ngo ni bo nkingi y’isuku igomba kuranga ingo. Ibi babyibukijwe banabwirwa ko ibyo bigishwa muri uku kwezi kose bitarangirira aho ahubwo ari ibikorwa bigomba guhoraho mu rwego rwo gufasha imiryango yabo.

ABATEGARUGORI NI BO NKINGI Y’ISUKU MU NGO

Isuku igomba kuranga urugo, haba mu barutuye no mu bikoresho byarwo ahanini ireba umugore kuko ariwe umenya urugo igihe kinini. Ibi biragarukwaho n’umuyobozi w’akarere ka Gisagara wungirije ushinzwe imibereho myiza madamu Donatille UWINGABIYE, aho ahamagarira abategarugori kwita ku bana babo bakabagirira isuku, kandi bakanamenya isuku yo mu ngo cyane cyane mu bikoresho bitangwamo amafunguro kugirango birinde indwara zishobora guterwa n’umwanda.

Yagize ati “kuba uku kwezi kwahariwe umuyango kwarashojwe ntibivuga ko ibikorwa bigomba guhagarara kuko ni ibya buri gihe. Isuku igomba kuranga ubuzima bwacu bwa buri munsi, niyo mpamvu rero nk’uko tuzi ko abagore aribo bamenya ingo cyane, bagomba kwita ku isuku y’abana cyane, ku yabo ubwabo, ibikoresho bitangwamo ibiribwa mbega bakamenya urugo rwose”.

Abaturage nabo bavuga ko inyigisho bahawe bazumvise kandi ko bazazikurikiza kuko ngo bamaze kumenya akamaro k’isuku n’imirire myiza haba ku bana cyangwa abantu bakuru.

Mukamabano Jeanne utuye umurenge wa Kigembe muri aka karere, avuga ko mbere atajyaga yita ku isuku ndetse ko yanabonyeko ari yo yatumaga abana be barware inzoka cyane, ariko ngo aho amaze kwigishirizwa ibijyanye nayo ndetse no kugabura amafunguro atunganye ku isuku n’intunga mubiri, ntazongera kubyirengagiza kandi ngo azabitoza na buri wese mu muryango we.

Ubuyobozi bw’akarere nabwo bwiyemeje kujya bukomeza gukebura abagore batuye muri aka karere ku buryo nta rugo na rumwe ruzasigara rurangwamo n’umwanda n’imirire mibi.

 

 

Tags: , , , ,

No comments yet.

Leave a Reply

Gleme Irakoze, première Rwandaise dans la poésie des vaches

Avec la poésie, Gleme Irakoze gagne entre 100 et 150 milles Francs Rwandais par mois

Irakoze Gleme, jeune poète de 19 ans, habite dans la cellule de  Nyabagendwa, Secteur de Rilima, District de Bugesera. Iarkoze […]

Nyamitanzi: Arashimira Depite Uwamama wamuhesheje matera yari yarayimwe n’inzego z’ibanze

Yambabariye nyuma yo gusubizwa matera ye,yasabiye umugisha abayimuhesheje

Yambabariye, umuturage wo mu kagari ka Nyamitanzi,umudugudu wa Rutabo avuga ko ashimira cyane Depite Uwamana Marie Claire ndetse n’ubuyobozi bw’akarere […]

Gakenke: Yihangiye umurimo arangije amashuri yisumbuye none byamuteje imbere

Munganyinka Marie Hycenthe wo mu murenge wa Gakenke mu karere ka Gakenke yarangije kwiga amashuri yisumbuye mu mwaka wa 2011, […]

Gicumbi – Gukorana n’ibigo by’imari byatumye abagore biteza imbere

Abaturage bayobotse ibigo by’imari biciriritse mu kuzigama Abagore bo mu karere ka Gicumbi barishimira intambwe bamaze kugeraho yo kuyoboka amabanki […]

Ngororero : Abakora uburaya barifuza inkunga ngo babureke

Aka gace kitwa « mukajagari » niho usanga indaya nyinshi

Abagore n’abakobwa bakora akazi k’uburaya mu mujyi wa Ngororero mu karere ka Ngororero  bavuga ko batishimiye uburyo batabona ababafasha ku […]

Rusizi: Abakoraga uburaya  babonye ikibafasha kubuvamo, babureka  

abakoraga uburaya babonye ikibafasha kubuvamo, babureka

Bamwe mu bakora umwuga w’uburaya mu karere ka Rusizi baravuga ko babonye inkunga ibafasha kwibumbira hamwe bagashinga koperative babasha kwiteza […]