Ababyeyi  bagomba kubyara abo bashoboye kurera.

Bamwe mu babyeyi ngo basanga bagomba kubyara abo bashoboye kurera ,bityo nibura abana bakabasha kubaho neza bijyanye n’ubushobozi ababyeyi babo baba bafite.

Kubyara abana b’indahekana kandi biri mu bituma umubyeyi asaza vuba nk’uko ababyeyi ubwabo usanga babyivugira.

Ngo kuba umubyeyi yarabyaye  abana benshi kandi b’indahekana bituma ahora afite intege  nke kubera imiruho n’imihangayiko y’abo bana.

Ngo hari ababyeyi bamwe wasangaga mu gihe cyashize niba adafite inda ahetse gutyo gutyo ,ariko ngo muri iyi minsi byarahindutse.

Ikindi ababyeyi benshi usanga bahurizaho ,ngo ni uko kubyara abana b’indahekana bituma nta mahoro arangwa mu muryango ,ngo kuko akenshi usanga abagabo badakunda bene abo bana ,bigatera amakimbirane hagati y’abagize umuryango.

Gusa aba bayeyi bavuga ko imyunvire imaze guhinduka ku babyeyi b’abagore bamwe na bamwe batuye mu byaro.

Bavuga ko  akenshi wasangaga ari ho hari ibibazo byo kubyaragura kandi nta n’ubushobozi babaga bafite buhagije.

Bamwe mu babyeyi batuye mu murenge wa Kinihira ho mu karere ka Rulindo bavuga ko muri uyu murenge nta bagore bakibyara indahekana.Ngo bose bitabiriye kuboneza urubyaro.

Mukamana Leocadie,afite abana bane,kuri  we ngo asanga mu murenge wabo gahunda yo kubyaragura itakihaba.

Yagize ati”ababyeyi benshi mu murenge wacu bahinduye imyunvire nta wukibyaragura.Mbere wasangaga umugore yonsa agakura umwana ku ibere n’indi nda yagezemo ku buryo hari bamwe mu babyeyi batagiraga umwanya wo kuruhuka .muri iki gihe si ko bimeze ibintu byarahindutse.”

 Babyeyi kandi bavuga ko n’ubukungu bumeze nabi,ngo  nta watinyuka kubyara abana benshifite icyo abareresha.Kimwe mu byo bavuga kigoranye kugeza ubu ngo ni imyigire y’abana,bavuga ko iyo wabyaye benshi ,ngo batiga neza nk’uko bikwiye.

Aba babyeyi ngo basanga kubyara abana benshi ari ubujiji.ngo kuko usanga wongera umubare w’abana nyamara ubutaka butiyongera.

Kuba kandi ababayeyi barahinduye imyunvire ngo byabagiriye umumaro kuko n’ubukungu bwabo ngo bwariyongereye ugereranije na mbere batarahindura gahunda.


Share Button

Tags: , , , ,

No comments yet.

Leave a Reply

Gatsibo: Why pregnant women should avoid herbal cures

Gatsibo: Why pregnant women should avoid herbal cures

Pregnant women or those trying for a baby should not take herbal remedies because of the risk of dangerous side […]

Rwimiyaga: hari ibibazo bigaragara mu Akagoroba k’ababyeyi

Rwimiyaga: hari ibibazo bigaragara mu Akagoroba k’ababyeyi

Itsinda ry’akagoroba k’ababyeyi ryari rigizwe n’abagore bakorera mu isoko rya Rwimiyaga. Hari hibumbiyemo abagore 158 bizigamaga amafaranga 200 uko bateranye, […]

Gatsibo: Ababyeyi batwite barasabwa kwirinda imiti ya Kinyarwanda

Umuyobozi w’ibitaro bya Kiziguro Dr. Mukama Twagira Diocles

Ubuyobozi bw’ibitaro bya Kiziguro butangaza ko hafi 85% by’ababyeyi bagira ibibazo babyara, ngo ari ababa barabanje kwivuza mu Kinyarwanda. Ubwo […]

Ruhango: Umugore amaze kugera kuri byinshi abikesha igare

Ruhango: Umugore amaze kugera kuri byinshi abikesha igare

Uzabakiriho Agnes, utuye mu murenge wa Byimana, amaze imyaka 15 akora akazi ko gucuruza imyenda akoresheje igare, akavuvuga ko igare […]

Gisagara: Kwiteza imbere byagaruye amahoro iwabo

Abagore bo mirenge ya Kansi na Save mu Karere ka Gisagara bagabiwe inka na Jeannette Kagame, zabafashije kugarura umutuzo iwabo.

Abagore bahawe inka bahamya ko mbere batarahabwa izi nka bari bakennye ndetse bikabakururira umwiryane mu ngo kuko abagabo babaga bashinja […]

Ruhango: Umugore umaze imyaka 26 mu bucuruzi bw’inkweto arasaba bagenzi be kutitinya

Mukamana Tamari umudamu umaze umyaka 26 acuruza inkweto, avuga bimaze kumugeza kuri byinshi, we n’umuryango we, agasaba abagore bagenzi be […]