Ababyeyi bigishijwe kubahirizaKuri uyu wa gatatu tariki ya 13/02/2013, ababyeyi barema isoko rya Nyamagabe riherereye mu murenge wa Gasaka mu karere ka Nyamagabe bigishijwe ku burenganzira bw’abana, ndetse banibutswa inshingano zabo zo kwita ku bana hagamijwe guca ubuzererezi ndetse no kujya bajyana abana bose ku ishuri.

Ibi byakozwe nyuma y’uko abana batagejeje ku myaka y’ubukure bazaga mu isoko bikoreye imitwaro inyuranye n’abatayitwaye batangirwaga bakicazwa hamwe, hanyuma hamwe n’ababyeyi bakaganirizwa. Ibi kandi bibaye nyuma y’inama zitandukanye zakozwe hagamijwe guca abana b’inzererezi bajyaga bagaragara hirya no hino mu dusantere tw’ubucuruzi cyane cyane mu mugi wa Nyamagabe.

Nyirazana Marie Chantal, umukozi ushinzwe iterambere ry’umuryango n’uburinganire mu karere ka Nyamagabe, atangaza ko iki gikorwa cyo guca abana bata amashuri bakaza kwirirwa ku muhanda no mu masoko ari igikorwa batangiye kandi bazakomeza kugeza abana bose basubiye mu miryango no mu mashuri.

Nyirazana yagize ati: “Iki ni igikorwa twatangiye kandi tuzanakomeza. Abana mutwumve, abafite ibibazo bitandukanye tuzafatanya namwe n’ababyeyi kugira ngo aho mwagombye kuba muri uyu munsi abe ariho tubasanga”.

Abana basaga gato 150 bafashwe baje mu isoko n’abandi bazerera ndetse n’ababyeyi batandukanye baganirijwe ku burenganzira bw’umwana burimo kwiga, kudakoreshwa imirimo mibi no kubitaho muri rusange, ndetse banamenyeshwa ibihano biteganirijwe abatuzuza inshingano zabo.

Muri iki gikorwa kandi hari ababyeyi batunguwe no kubona abana babo hari hashize iminsi batazi iyo baba, n’abandi bari baziko abana babo bagiye ku mashuri nyamara bibereye mu isoko.

Uwihoreye Marie Rose, utuye mu murenge wa Kigoma mu karere ka Huye ukorera mu isoko rya Nyamagabe yagize ati: “Umwana ndamubura akava mu ishuri akajya mu buboyi, hashira nk’icyumweru nkamubona. None nagiye kumuzana (aho yakoraga) ngo aze nawe afate inyigisho”.

“Nagiye kubona mbona baraje kumbwira ngo umwana bamufashe kandi nziko yagiye kwiga nkubitwa n’inkuba. Ubu rero icyo nzajya nkora, twegereye amashuri nzajya mbanza mugezeyo mbone nze ku kazi”, Ntwari, ukomoka mu murenge wa Maraba mu karere ka Huye udodera I Nyamagabe.

Ababyeyi twaganiriye batangaje ko iki gikorwa bakishimiye kuko hari abana baza muri ubu buryo bagahinduka mayibobo, bananenga bagenzi babo basibya abana kwiga ngo babatwaze imitwaro ndetse n’abatabakurikirana ngo bamenye aho baba n’ibyo bakora umunsi ku wundi.

Mu bana bafashwe harimo n’abaturuka mu nkambi ya Kigeme icumbikiye abanyekongo bahunze umutekano muke ubarizwa iwabo, ababyeyi babo bakaba basobanuriwe ko bagomba gukurikiza amategeko y’ u Rwanda mu gihe bakirurimo bakabarinda ubuzererezi ndetse no gusabiriza.

 

 

Share Button

Tags: , , , , , ,

No comments yet.

Leave a Reply

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]

Bishimiye imbaraga babonye mu kurwanya ihohoterwa

Abahuguwe  bahawe inyemezabumenyi

Ubuyobozi bw’Umurenge wa Byimana mu Karere ka Ruhango, burashimira umuryango Global Community, umaze kubahugurira abazabafasha mu guhangana n’ihohoterwa ritandukanye. Ibi […]

Imirimo ivunanye ngo ibangamira iterambere ry’umugore

Umuyobozi w'Akarere ka Karongi wungirije ushinzwe ubukungu, Bagwire Esperance (Ibumoso) na Uwiragiye Anathole  umuhuzabikorwa w'uyu mushinga mu gikorwa cyo kuwutangiza

Umuryango Action Aid uvuga ko kuba umugore akora amasaha menshi kandi imirimo ivunanye, biri mu bibangamira iterambere rye. Imwe mu […]