U mushinga PROFAM twese hamwe ishami rikorera muri Gisagara ufatanyije n’umushinga Internatioanal Alert  yakoresheje amarushanwa ku muco mu murenge wa Muganza mu rwego rwo guteza imbere ubumwe n’ubwiyunge mu banyarwanda.

GISAGARA: PROFAM

Ni ku itariki ya 19/7/2012  ku biro by’umurenge wa Muganza ahari hateraniye abaturage batari bake bo muri uyu murenge, buri kagari muri dutanu tw’uyu murenge kerekanye ibihangano byako haba mu byino, indirimbo, imivugo n’udukinamico duto maze nyuma habaho gutanga ibihembo hakurikijwe umwanya wahawe buri kagari.

Usibye kandi abaturage, aya marushanwa yari yitabiriwe n’uhagarariye PROFAM ku rwego rw’igihugu hamwe n’abakozi b’uyu mushinga ndetse n’abakozi bari baje bahagarariye International Alert ku rwego rw’igihugu bafatanya n’abakozi b’umurenge wa Muganza.

PROFAM nk’umushinga ugamije kugarura ubumwe n’ubwiyunge mu banyarwanda, muri uyu Murenge ngo uhakorera cyane ibikorwa byo guhugura abaturage ndetse ukanabafasha gutekereza ku dushinga duciriritse twabateza imbere ma bagaterwa inkunga n’umushinga International Alert.

Madamu Brigitte DUSABE uhagarariye PROFAM ku rwego rw’igihugu yavuze ko uyu mushinga icyo ugendereye ari ugufasha abaturage b’abanyarwanda kubona agaciro ko kuba hamwe bakabafasha gutsinda amakimbirane n’umwiryane uwo ariwo wose kugirango babashe gushyirahamwe bashake ibyabateza imbere kandi nyine ngo ibyo bikaba bitagerwaho igihe cyose abantu batarumvikana ngo bashyire hamwe.

Madamu Betty MUTESI waje ahagarariye International Alert nawe yunze mu rya Madamu Brigitte avuga ko abanyarwanda bahuye n’ibibazo ariko ko kugirango babashe kugera ku iterambere bifuza bagomba kubirenga bagashakira hamwe inyungi z’igihugu.

Yagize ati “Ni byinshi byadusenye, ariko ni ngombwa ko abanyarwanda twongera tugashyirahamwe tukiyubaka tukubaka n’igihugu duhereye mu mitima yacu, tukababarirana tugafatanya gusana ibyangijwe na Jenoside birimo umubano wacu cyane cyane”

Nyuma yo kwerekana ibihangano bitandukanye abaturage bahawe ibihembo bahereye ku kagari kabaye akambere ariko ka Cyumba gahabwa amafaranga ibihumbi mirongo ine (40.000) maze utundi tune twagiye dukurikirana natwo duhabwa amafaranga tugiye turushanwa ibihumbi 5, bivuga ko akagari ka nyuma kitwa Saga kahawe ibihumbi makumyabiri (20.000).

Muri iki gikorwa kandi hatanzwe impamyabumenyi ku bafashamyumvire bagera kuri 5 bo muri uyu murenge kandi bashimirwa muri runge akazi bakora kuko gafasha cyane mu mibanire y’abaturage.


 

 

Share Button

Tags: , , , , ,

No comments yet.

Leave a Reply

Pieces to wake up your work wardrobe

Pieces to wake up your work wardrobe

Do you ever feel like you are in a bit of a rut when it comes to getting dressed for work? […]

Household chores you should do every day

Make the bed

Getting out of bed in the morning is tough. Making the bed after you get out of it is totally […]

How to wear your flat shoes gorgeously

Although it is true that shoes with heels are often a bit more elegant and can be flattering for your […]

Umugore yafatanywe ibiro 30 by’urumogi mu gihe Polisi y’u Rwanda ikomeje ubukangurambaga bwo kurwanya ibyaha

Umugore ucyekwa gukwirakwiza  ibiyobyabwenge mu gihugu yafatiwe mu karere ka Rubavu ku itariki 26 Kamena ahagana saa kumi n’ebyiri za […]

Biyemeje kurwanya ingengabitekerezo ya Jenoside bahereye ku ishyiga

Hano abana bashyiraga indabo ku rwibutso rwa Jenoside rwa Rugarama

Abagore bo mu Karere ka Burera batangaza ko biyemeje kurwanya ingengabitekerezo ya Jenoside bahereye ku ishyiga, batoza abana gukora icyiza. […]

Abagore baributswa ko ari bo mbarutso y’amajyambere

Abagore bagize Inteko rusange bunguranye ibitecyerezo ku cyatuma barushaho gutera imbere

Abagore bo mu Karere ka Gatsibo bahagarariye abandi, bibukijwe ko ari bo mbarutso y’amajyambere bityo ko guhabwa agaciro bitavuze kwirengagiza […]