A bagore bahagarariye amakoperative atandukanye akorera mu karere ka Nyamasheke barakangurirwa gushirika ubwoba bakayoboka banki baka inguzanyo kugira ngo biteze imbere.

Ubu butumwa bwatanzwe n’Umuyobozi w’akarere ka Nyamasheke wungirije ushinzwe imibereho myiza y’abaturage, Madame Gatete Catherine ubwo tariki ya 26/10/2012 yasozaga ku mugaragaro amahugurwa y’iminsi 5, yari ahuje abagore bahagarariye amakoperative 9 akorera muri ako karere.

Aya mahugurwa yari agamije kongerera ubumenyi abagenerwabikorwa mu gucunga koperative, kumenya gutegura imishinga no kwinjiza ihame ry’uburinganire n’ubwuzuzanye bw’abagabo n’abagore mu iterambere, yateguwe ku bufatanye bw’umuryango utegamiye kuri leta witwa HELPAGE-Rwanda, wita ku bikorwa byo gutunganya imihanda no kwita ku bidukikije mu Ntara y’Iburengerazuba, Isangano ry’Abari n’Abagore (Reseau des Femmes) ndetse n’akarere ka Nyamasheke.

Ubwo yasozaga aya mahugurwa ku mugaragaro, Umuyobozi w’akarere ka Nyamasheke wungirije ushinzwe imibereho myiza, Madame Gatete Catherine yasabye abahuguwe guhuza amasomo bize n’ibikorwa bifatika kandi bakarushaho gukorana na banki kugira ngo babashe gutera imbere.

Umuhuzabikorwa w’umuryango HELPAGE mu Ntara y’Iburengerazuba, Muvunyi Jean Damascene yasabye abagore babonye ayo mahugurwa kuticarana ibyo bahuguwemo ahubwo ko bakwiriye kubibyaza umusaruro ku buryo n’abatarahuguwe babungukiraho.

Abagore bo mu karere ka Nyamasheke bitabiriye aya mahugurwa batangaza ko batahanye ubumenyi buzatuma bahindura byinshi mu makoperative bahagarariye.

Uwizeyimana Marie Louise ni umucungamutungo wa Koperative Ingoboka yo mu Murenge wa Nyabitekeri. Avuga ko aya mahugurwa yatumye amenya gutegura umushinga washyikirizwa banki ukabona inguzanyo kandi ngo azakora ubuvugizi kugira ngo koperative ahagarariye igere ku rwego rwemerwa n’amategeko.

Aya mahugurwa yo kongerera ubushobozi abagore bari mu makoperative yaberaga mu kagari k’Ishara mu murenge wa Kagano mu karere ka Nyamasheke yahuriranye n’ukwezi k’umuryango, hibandwa ku iterambere ry’umugore wo mu cyaro.

 

Share Button

Tags: , , , , ,

No comments yet.

Leave a Reply

Rwandans Now Benefiting From New Maternity Law

Rwandans Now Benefiting From New Maternity Law

Mothers working for public and private employers can now begin applying for the newly enacted 12-weeks maternity leave to attend […]

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]

Bishimiye imbaraga babonye mu kurwanya ihohoterwa

Abahuguwe  bahawe inyemezabumenyi

Ubuyobozi bw’Umurenge wa Byimana mu Karere ka Ruhango, burashimira umuryango Global Community, umaze kubahugurira abazabafasha mu guhangana n’ihohoterwa ritandukanye. Ibi […]