Icyi giterane cyamaze iminsi itatu cyasojwe tariki 12/05/2013, abanyamuryango ba “mother’s Union “bavuga ko bateguye iki giterane mu rwego rwo gusabira ingo zitabanye neza.

Umuhuzabikorwa w’umuryango w’abagore b’abakiristo “Mother’s Union” Mukakanuma Angelique avuga ko batekereje kuri icyo giterane ngo bahugurane mu kurushaho guteza imbere ingo zabo basangira ubuhamya  ndetse banagirana inama.

Yabivuze muri aya magambo agira ati” Icyatumye duhura ni ukugirango tujye hamwe tugirane inama twige kubibazo byugarije umuryango  nyarwanda cyane cyane imibanire mibi iri mu ngo. Twungurana ibitekerezo kuburyo umudamu yagira uruhare rugaraga mu kubana neza n’umugabo , abaturanyi n’inshuti.”

Umuyobozi w’akarere ka Ngoma ,Nambaje Aphrodise, nawe wari witabiriye iki giterane  yabwiye aba bagore ko bafite uruhare rukomeye mugutuma ingo zimera neza  abasaba kurangwa n’impuhwe za kibyeyi bityo amahoro aturuka kuri bo agakwira hose.

Pasitori  uyoboye proisse y’abangirikani (EAR)  ya Musamvu ,mu ijambo rye yagaragaje ko ibiterane nkibi ndetse n’umuryango mother’s Union bigenda bitanga umusaruro ukomeye mu kubaka ingo  muri icyi gihe havugwa ibibazo mu bashakanye.

Yagize ati ”Uyu muryango umaze iminsi ukora ibikorwa byo kubaka ingo bunga ababa batabanye neza mungo ndetse n’imiryango igera ku munani imaze gusubirana ibifashijwemo n’uyu muryango, kuko bo babasha kugera kure mu ngo bakaganiriza abafitanye ibibazo.”

Akomeza avuga ko icyi giterane cyatanze umusaruro ukomeye kuko cyane cyane abagore  bagera kuri 50 bihannye ko bisenyeraga ingo zabo ndetse banabisabira imbabazi bavuga ko batazongera.

Muri iki giterane habayemo n’umwanya wo kuremera abatishoboye babaha imyambaro itandukanye ndetse banafashwa mubikoresho bitandukanye byo mu rugo.

Umuryango Mother’s Union ugizwe n’abanyamuryango 97,nyuma y’icyi giterane bakaba barungutse abandi bagera kuri 12.

The post Ngoma: Abagore bibumbiye mu muryango “Mothers Union” wo mu itorero rya EAR Musamvu bakoze amasengesho yo gusabira ingo appeared first on Women Hall.

Umubyeyi witwa Ntitegekerwa Marie Francine arasaba ababyeyi bagenzi be kurera neza abana babo kugira ngo jenoside itazongera kubaho ukundi. Ibi yabisabye ku cyumweru tariki ya 12/05/2013 ubwo yatangaga ubuhamya mu muhango wo kwibuka by’umwihariko abatutsi biciwe mu cyahoze ari komini Rukondo (ubu ni mu murenge wa Mbazi mu karere ka Nyamagabe), bw’inzira igoranye yanyuzemo mu gihe cya jenoside yakorewe abatutsi muri mata 1994 ahunga ngo akize amagara ye n’ay’umwana we mu gihe umugabo we yari amaze kwicwa.

Ntitegekerwa yavuze ko ababyeyi bakwiye kwita ku burere bw’abana babo kandi bakababera intangarugero kuko bakura bakora ibyo bumvanye n’ibyo babonanye ababyeyi babo.

Ati: “Abantu bakoze biriya (jenoside yakorewe abatutsi) nahamya neza ko n’uburere bwari burimo kuko umwana akora ibyo yabonye iwabo bakora cyangwa se yumvise bavuga, nabyo akabikora. Turasabwa kurera abana kandi tukagira uko tubarera”.

Ubutumwa bwo guha abana uburere bukwiriye kandi bwagarutsweho na Dr Havugimana Emmanuel, umwarimu muri kaminuza nkuru y’u Rwanda nawe wari witabiriye uyu muhango wo kwibuka by’umwihariko abatutsi biciwe muri komini Rukondo dore ko ari naho avuka, wavuze ko ibyo ababyeyi babwira abana babo mu ngo ari inyigisho zikomeye kuri bo, bityo bakaba basabwa kubabwiza ukuri.

Ati: “inyigisho mutangira ku mashyiga zirakomeye. Mubwize abana ukuri”.

Imwe mu nzira yo guharanira ko jenoside itazongera kubaho ukundi ni ukwigisha urubyiruko amateka nyayo ya jenoside yakorewe abatutsi kugira ngo bakure bayazi bityo bazahangane n’uwo ari we wese washaka kubasubiza mu macakubiri yaje kubyara iyo jenoside.

The post Ababyeyi barasabwa kurera neza abana babo ngo jenoside itazongera kuba mu Rwanda. appeared first on Women Hall.

Depite Nyirabega Euthalie asaba abagore kwita ku burere bw’abana babo.

Ibi yabitangaje ubwo yifatanyaga n’abagore bo mu karere ka Nyanza mu nteko rusange yabo yabahuje tariki 27/03/2013 ikaba yabereye ahitwa ku Rwesero muri ako karere.

Nk’uko depite Nyirabega Euthalie yakomeje abisaba abo bagore umwana iyo abuze igitsure n’impanuro bya kibyeyi arangirika kandi ntawabumurenganyiriza.

Mu magambo ye bwite yagize ati: “Umwana utarahanuwe icyo yakora cyose ntawakimurenganyiriza”. Ibi yabivuze ashingiye ku kiganiro yabagejejeho kibanze ku gushishikariza abagore kwita ku burere bw’abana babo ngo kuko byagaragaye ko hari bamwe muri bo bamaze kudohoka mu nshingano zabo.

Yabasabye kujya bafata umwanya bakawuharira abana cyane cyane abakobwa  bakabamenyesha imihindagurikire n’imyororokere y’imibiri yabo.

Inyigisho zijyanye n’imyororokere y’umubiri w’umuntu ntigomba kumvikana nk’amahano ngo abantu babihishahishe babifate nk’ikizira mu biganiro kuko nicyo gituma bamwe babigoreka maze bigateza ingaruka mu muryango nyarwanda.

Depite Nyirabega Euthalie yahamagariye abo bagore kandi  kurushaho kwitabira umugoroba w’ababyeyi ngo kuko arwo rubuga ruzabafasha gukemura bimwe mu bibazo bahura na byo mu muryango birimo n’ibyo by’uburere bw’abana.

Umuhuzabikorwa w’Inama y’igihugu y’abagore mu karere ka Nyanza Kabazera Lucie yasobanuye ko iyo nteko rusange bahuriyemo kuva ku rwego rw’umudugudu kugeza ku rwego rw’akarere ka Nyanza bahujwe no kwishimira ibyagezweho ndetse n’inzitizi bagiye bahura nazo ku bitaragezweho kandi byari mu ntego zabo.

Mu byo bishimiye ni intambwe imaze guterwa n’abagore aho ubu bamwe muri bo babarizwa mu myanya ifatirwamo ibyemezo mu nzego zose z’ubuyobozi bwite bwa leta.

Avuga ku birebana n’inzitizi abagore bakomeje guhura nazo yashimangiye ko uburere bw’abana mu muryango bukirimo ikibazo ngo kuko hari abana bagita imiryango yabo bakajya mu buruya n’ubwomanzi.

Yatangaje ko ibyo bibazo byose bigomba kuzakemukira mu muryango abana bagahabwa uburere bukwiye n’impanuro zibabuza kujya muri ubwo bwiyandarike.

Iyi nteko rusange y’abagore bo mu karere ka Nyanza yahuriyemo abagera ku 150 bahagarariye inzego zabo kuva ku rwego rw’umudugudu kugeza ku rwego rw’akarere ka Nyanza.

The post “Umwana utarahanuwe icyo yakora cyose ntawamurenganya”- Depite Nyirabega Euthalie appeared first on Women Hall.

Ati “ N’aba bakobwa mubona bagenda batwara amada, hari umwana utazi igihe ashobora gutwara inda, hari umwana muganira akavuga ati njyewe ntwara inda ndi mu mihango. Hari ababyeyi bavuga ngo kubyigisha abana ni ukubigisha uburara, ariko si byo”

Ababyeyi bakwiye kuganiriza abana ba bo by’umwihariko bakaganiriza abakobwa ku buzima bw’imyororokere, kuko iyo batabigishije babona amakuru atariyo ku ruhande bikaba byabaviramo ingaruka mbi zirimo gutwara inda z’indaro no kwandura indwara zandurira mu myanya ndangabitsina nk’uko Depite Mukarindiro abivuga.

Agira ati “Uzareka kubimwigisha ahure na mugenzi we iruhande amubwire ati kubera ko urwaye ibiheri mu maso ugiye ukaryamana n’umuhungu byahita bishira ukagira akabiri keza. Ubwo icyo gihe niba ari umwana ushaka gusa neza atazi impamvu arwaye ibyo bishishi mu maso, azajya gushaka umuhungu ubimufashamo kugira ngo na we ashobore kujya yisiga bimubere”

Yasabye ababyeyi kujya baganiriza abana kugira ngo babategure mbere y’uko izo mpinduka zibabaho, kandi bakababwiza ukuri kugira ngo batazahura n’amakuru atariyo bakayafata nk’ukuri kandi ashobora kubaroha. “Tugomba kujya tubwiza abana ukuri, ntitugomba kubeshya abana bacu ngo tubabwire ngo abana bava mu mukondo, tugomba kubabwira tukabigisha mu kinyabupfura kandi umwana agafata akitwara neza”

Bamwe mu babyeyi bavuga ko n’ubwo bitoroha kuganiriza abana ku buzima bw’imyororokere biba bikwiye kubabwiza ukuri, kugira ngo bategurirwe neza ubuzima bwa bo bw’ahazaza, nk’uko Uwishema Donatira wo mu murenge wa Rwinkwavu mu karere ka Kayonza abivuga.

Uwishema avuga ko afite umwana w’umukobwa wiga mu mashuri yisumbuye, akavuga ko mu gihe cy’ibiruhuko agerageza kumwiyegereza akamwigisha ku bijyanye n’ubuzima bwe bw’imyororokere kugira ngo atitwara nabi bikamuviramo ibibazo. Ati “mwigisha ko adakwiye kuryamana n’abahungu, ariko by’umwihariko nkamubwira ko mu gihe cy’uburumbuke ashobora kugira ibibazo igihe aryamanye n’umuhungu cyangwa umugabo”.

Yongeraho ko byajyaga bimutera isoni kubiganiriza umukobwa we, ariko akihangana akabikora mu rwego rwo kumurinda ingaruka yahura na zo kubera kutabimenya. Agira inama abandi babyeyi bafite abana b’abakobwa kujya babaganiriza kenshi kugira ngo babarinde ibyo bibazo bashobora guterwa no kudasobanukirwa.

The post Ababyeyi b’abagore ni bo bafite uruhare runini mu burere bw’abana – Depite Mukarindiro appeared first on Women Hall.

 This was all thanks to the teachings given in the Parents Evening program honoring the dignity of both the girl child and women this march 2013.

One Samuel Ndungutse said “I decided to get married by law after attending ‘Akagoroba k’ababyeyi’ program and learnt that cohabiting couples cannot attain development just like a wed couple.”

Leaders attending mass wedding

For Senator Constance Mukayuhi Rwaka who was the guest of honour at the mass wedding, this is a big step for these couples and other cohabiting couples should take an example of this and tie the knot.

“The ‘Akagoroba k’ababyeyi’ program should help you solve other issues and problems you have towards development” said the senator.

 The senator reminded the wed couples to always plan for their children and their future before giving birth to them.

“You should promote gender equality and balance in your families by treating your children with equal rights whether in work, education and the way you love them. You should plan together as man and wife for the development of your families.”

The mayor of Bugesera district told the wed couples that marriage and family is not built with people’s strength nor properties but by love and understanding each other. “Families with domestic violence do not experience development; you have to avoid violence if you want to develop your families.”

Marie Chantal Uwingabiye the coordinator of National Women Council in Bugesera district says the month for promotion of women and girl child will end with about 600 cohabiting couples married by law.

The celebrations of the opening of this month coincided with the International Women’s day on the 8^th.March.2013.

The post Ntarama: 33 couples tie the knot in mass wedding appeared first on Women Hall.

Muri uyu murenge wa Kigarama batangiye uyu munsi mukuru bafasha umkecuru utishoboye kumuhomera inzu bamwubakira n’ akarima k’igikoni, hamwe no kumutunganyiriza ubusitani iwe mu rugo. umuhuzabikorwa w’inama y’igihugu y’abagore mu murenge wa Kigarama yavuze ko muri uyu murenge habarizwa abagore bagera ku 16,171 bakaba kuri ubu bamaze gufatanya mu bikorwa bitandukanye birimo guca nyakatsi ku buriri yagaragaraga mu ngo zimwe na zimwe zo mu murenge wa Kigarama akaba avuga ko babona nk’abategarugori bamaze kwiteza imbere mu bikorwa bitandukanye.

Tihabyona Jean de Dieu umuyobozi w’akarere ka Kirehe wungirije ushinzwe ubukungu yasabye abagabo gukomeza gufata neza abagore babo bagakomeza gufatanya muri byose birinda amakimbirane mu ngo ahubwo bagashaka ikibateza imbere.

Muri uyu murenge bakaba kandi bizihije uyu munsi mpuzamahanga  basezeranya imiryango  cumi n’ibiri yabanaga mu buryo butemewe n’amategeko,aho bibukijwe ko uburinganire n’ubwuzuzanye ari ubuyobozi bwiza bw’ibihugu aho abagore bibukijwe ko kugira uburinganire n’ubwuzuzanye atari ukujya mu kabari ngo ugereke akaguru ku kandi.

Depite Mujawamariya Berthe akaba yibukije abatuye umurenge wa Kigarama ko kuba bzizihiza uyu munsi mpuzamahanga w’umugore ari ibiba bigaragaza ko baba baha agaciro umugore,akaba abasaba nabo gukomeza biteza imbere mu byo baba bakora byose kandi bakomeza kwihesha agaciro.

Dr Daforoza Gahakwa umushyitsi mukuru muri uyu munsi mpuzamahanga w’umugore muri kirehe yibukije abagore ko bagomba kwihesha agaciro mu byo bakora byose kuko uburinganire n’ubwuzuzanye bihesha agaciro umuryango, yakomeje yibutsa abitabiriye umunsi mukuru ko igihugu cy’u Rwanda ari igihugu cyemera kandi kigendera ku ihame ry’uburinganire n’ubwuzuzanye bw’abagabo n’abagore nkuko biteganywa n’itegeko Nshinga rya  repubulika y’u Rwanda, abibutsa ko umuryango ufite agaciro aho usanga buri wese mu bawugize agira ijambo yisanzuye kandi yishimiye kuba muri uwo muryango.

Isi yose yizihiza umunsi mpuzamahanga w’abagore ku itariki ya 08 Werurwe buri mwaka, uyu mwaka umunsi mpuzamahanga w’umugore ufite insanganyamatsiko igira iti “uburinganire n’ubwuzuzanye bihesha agaciro umuryango”.

The post Kirehe- Ku munsi mpuzamahanga w’umugore basezeranije imiryango 12 yabanaga mu buryo butemewe n’amategeko appeared first on Women Hall.

Bishimiye gusezerana imbere y’amategeko

Imiryango 33 yabanaga mu buryo butewe n’amategeko yo mu murenge wa Ntarama mu karere ka Bugesera yasezeranye imbere y’amategeko ubwo hatangizwaga ukwezi kwahariwe umugore n’umukobwa.

Iyi miryango icyemezo cyo gusezerana imbere y’amategeko yagifashe nyuma y’inyigisho bagiye bahabwa mu kagoroba k’ababyeyi nk’uko byatangajwe na Ndungutse Samuel.

Yagize ati “ iki cyemezo nagifashe nyuma yo kujya mu kagoroba k’ababyeyi maze mbwirwa ko urugo rurimo umugabo n’umugore batasezeranye byemewe n’amategeko nta terambere bashoboraho kugeraho mu bijyanye n’ubukungu”.

Senateri Mukayuhi Rwaka Constance wari umushitsi mukuru akaba yashimiye intambwe iyo miryango yateye, ko bagomba gushishiriza n’indi miryango yindi ibanye mu buryo butemewe n’amategeko gutera intambwe nabo bateye.

“ akagoroba k’ababyeyi kagomba kubafasha gukemura n’ibindi bibazo mufite mu bishakira ibisubizo kandi bibaganisha ku iterambere”.

Yababwiye ko nubwo bari basanzwe babana ariko bagomba kubyara abana babanje kubateganyiriza ndetse babanje no gutekereza kubyo bazakenera igihe bakuze.

Ati “ mugomba kwimakaza umuco w’uburinganire mu naba banyu mubaha amahirwe angana muri byose, ari mu igabana ry’imirimo, ari mu rukundo bahabwa. Mugomba kwicara mu kajya inama hagati y’umugore n’umugabo mushakira hamwe icyateza imbere urugo rwanyu”.

Mu butumwa umuyobozi w’akarere ka Bugesera yahaye abasezeranye imbere y’amategeko yababwiye ko urugo rutubakwa n’imbaraga ko rutubakwa n’ibintu ahubwo ko urugo rwubakwa n’urukundo.

Ati “ ingo zihoramo amakimbirane nta terambere zigeraho, namwe mugomba guca amakimbirane kugirango mugere ku iterambere”.

Abaturage bari benshi

Uwingabiye Marie Chantal uhagarariye inama nkuru y’abagore mu karere ka Bugesera  yavuze ko ukwezi kwahariwe umugore n’umukobwa kuzarangira ingo zirenga 600 zibanye mu buryo butemewe n’amategeko zizasezerana byemewe n’amategeko.

Ibirori byo gutangiza ukwezi kwahariwe ukwezi k’umugore n’umukobwa, bikaba byahuriranye no kwizihiza umunsi wahariwe umugore uba ku itariki ya 8 werurwe za buri mwaka.

The post Ntarama : Imiryango 33 yatangiye ukwezi kwahariwe umugore n’umukobwa ibana byemewe n’amategeko appeared first on Women Hall.

Muri uyu mugoroba, abagize umuryango bakaba baganira kuri gahunda zitandukanye zireba umuryango wabo kandi bagafata ingamba zo kugira ngo ibibazo byugarije umuryango bikemuke.

Igikorwa cyo gutangiza uyu mugoroba w’ababyeyi ku rwego rw’akarere ka Nyamasheke kikaba cyatangiriye mu mudugudu wa Kacyiru, mu kagari ka Ntendezi mu murenge wa Ruharambuga.

Umugoroba w’ababyeyi watangijwe ku mugaragaro mu rwego rw’akarere ka Nyamasheke ufite umwihariko usumba ibyari bisanzwe byitwaga “Akagoroba k’ababyeyi” kuko ababyeyi batandukanye barimo abagore n’abagabo bari bawitabiriye kandi kikaba igikorwa kizahoraho, aho bazajya bicarana kugira ngo bacoce ibibazo.

Mu gutangiza uyu mugoroba ku mugaragaro, Umuyobozi w’akarere ka Nyamasheke, Habyarimana Jean Baptiste yasabye ababyeyi bo mu kagari ka Ntendezi ko bakwiriye guha agaciro uyu mugoroba w’ababyeyi kandi bagashishikarira gukemura ibibazo byugarije imiryango yabo.

Ikibazo cy’ingutu kiganje muri imwe mu miryango yo mu karere ka Nyamasheke, kimwe n’ahandi mu gihugu ni amakimbirane yo mu muryango, akenshi akunze kuba intandaro y’urugomo rujya ruhitana n’ubuzima bwa bamwe muri bo.

Habyarimana akaba yasabye ababyeyi bo mu kagari ka Ntendezi ko bakwiriye guha agaciro uyu mugoroba w’ababyeyi kugira ngo bawufatiremo ingamba zo gukemura ibibazo byavuka mu miryango ariko ukaba n’umwanya wo gutekereza kuri gahunda z’iterambere.

Nyiramukeshimana Thaciane w’imyaka  32 utuye mu mudugudu wa Nganzo mu kagari ka Ntendezi yadutangarije  ko uyu mugoroba uzamubera ingirakamaro kuko uzafasha ababyeyi kubaka neza ingo zabo birinda amakimbirane yajyaga akunda kuvuka mu muryango.

Ibi byishimo by’umugoroba w’ababyeyi kandi bikaba byagarutsweho n’umuyobozi w’umudugudu wa Kacyiru mu kagari ka Ntendezi, Sinzabahara David na we wemeza ko uyu mugoroba uzabafasha kurwanya amakimbirane yo mu ngo yagaragaraga muri uyu mudugudu.

Uyu mugoroba w’ababyeyi wabanjirije umunsi mpuzamahanga w’abagore witezweho kuzaba igisubizo cy’ibibazo bitandukanye bigaragara mu muryango kandi ibitekerezo bizajya bitangirwamo bikazaba imbarutso y’iterambere ry’ababyeyi bawuteraniramo.

The post Nyamasheke: Imidugudu 588 yatangije “Umugoroba w’Ababyeyi” ku munsi ubanziriza Umunsi mpuzamahanga w’umugore appeared first on Women Hall.

Umunyamabanga nshingwabikorwa w’Umurenge wa Ngoma, Kabalisa Arsène, yagize ati “kuva kera na kare, Abanyarwanda baravuga ngo ‘ukurusha umugore akurusha urugo’. Umugore rero ni inkingi y’urugo, ni we shingiro rya byose mu rugo. Uyu munsi ni uwo gukosora uwaba ashaka kubyirengagiza.”

Umuyobozi w’Akarere ka Huye, Kayiranga Muzuka Eugène we yagaragaje ko abagore batagomba gusuzugurwa mu ruhare rw’iterambere ry’ingo zabo, yibutsa ko ubwuzuzanye hagati y’abashakanye ari ngombwa, kandi ko urugo rumwe rumerewe neza rwakagombye gufasha n’abatarabigeraho kugira ngo Abanyarwanda bose babashe gutera imbere.

Yagize ati “umugore wese yumve ko ashoboye, kandi ko uruhare rwe rugomba guhuzwa n’urw’umugabo we kugira ngo batere imbere. Umunsi w’abagore rero ni uwo buri wese agomba kwibaza ngo nihesha gute agaciro? Mfasha gute abatarumva ubwuzuzanye?”

Na none kandi, ngo uburinganire n’ubwuzuzanye ntibyakagombye kuba ikibazo gitera impagarara mu ngo, ahubwo umusingi w’ubufatanye hagati y’abashakanye. Ibi byagarutsweho n’ukuriye inama y’igihugu y’abagore mu Karere ka Huye, Uwamwezi Gloriose.

Yakomeje agira ati “uyu munsi turizihiza umunsi w’abagore ku nshuro ya 38. Hari aho twageze ariko hari n’aho dukeneye kugera. Uyu munsi buri wese yibaze ngo ‘ihame ry’uburinganire n’ubwuzuzanye ndyumva nte?’ Iri hame nirireke kuba impamvu yo guhangana ahubwo iyo gufatanya.”

The post Huye: Umugore ni inkingi y’urugo appeared first on Women Hall.

For a woman is the heart of a family, if she participates in reducing and eradicating domestic violence in families it can be possible.

Judith Musabyimariya the coordinator of CNF in Rulindo district said it is possible for domestic violence to be eradicated in the district and they started doing so by teaching women to play a part in this eradication of violence in families program.

“Women in Rulindo district are encouraging each other and learning what can bring harmony in their homes. Women meet in the evening in ‘Umugoroba w’ababyeyi’ program and discuss what should be done for the tranquility in their homes.”

According to Clotilde Zaninka the coordinator of CNF in the Nothern Province of Rwanda, if women want and put their strength in fighting domestic violence it can be eradicated completely.

“Women can prevent domestic violence, they do not have to participate in family conflicts but should be the first to calm the conflicts in their families” says Zaninka.

Women in the meeting

For Alfred Karekezi a worker in the Ministry of gender and family promotion (MIGEPROF), women in Northern Province of Rwanda should fight for development and there is no development with domestic conflicts in their families.

“A woman cannot develop when she is being abused and her family conflicting. All women should put more strength in eradicating domestic abuse and violence, for you to be productive in whatever you do.”

Women in Rulindo district say they are going to do all it takes to prevent and eradicate domestic violence and attain development.

The post Rulindo: women to participate in reduction of domestic violence appeared first on Women Hall.