A bagore bibumbiye mu matsinda y’intambwe, barasabwa kuyoboka ibigo by’ imali nka SACCO kuko  badashobora gutera imbere badakoranye  n’ ibyo bigo by’ imali. Ibi ni ibyagarutsweho mu mahugurwa y’iminsi itanu yashojwe kuri uyu wagatanu, yari agenewe abagore bahagarariye matsinda yo kwiteza imbere mu karere ka Gisagara. Aya mahugurwa akaba yarateguwe ku bufatanye n’ inama y’ igihugu y’ abagore  mu karere ka Gisgara n’ ikigo cy’ igihugu gishinzwe iterambere RDB.

 

Abagore bari mu matsinda y’intambwe

Abagore bari mu matsinda y’intambwe

Amasomo yatangiwe muri aya mahugurwa y’ iminsi 5, yagiye agaruka ku kwiyemeza umulimo no gutegura gahunda y’ ibikorwa by’ umushinga. Aba bagore basanzwe bibumbiye mu matsinda y’ intambwe bagarutse ku mikoranire y’ amatsinda y’ intambwe n’ ibigo by’ imali iciriritse.

Nk’ uko bamwe mu bagore babitangaje, ngo aya masomo yo kwiteza imbere   anafite akamaro kanini kuko gutera imbere k’ umugore biri mu bigabanya amakimbirane yo mu ngo. Abo bagore  ariko basanga kuba bagenzi babo batitabira gukorana n’ ibigo by’ imali iciriritse ari ugutinya ingwate.

Mukamana umwe muri aba bagore yavuze ko akenshi ikibazo cy’ingwate aricyo gituma bataka inguzanyo kuko ngo hari aho usanga n’umugabo mu rugo atemera ko utanga ingwate ku murima bafite cyangwa ikindi, atinya ko umushinga wazahomba maze bagasigarira aho.

Iki kibazo cy’ uko abagore batari bitabira gukora n’ ibigo by’ imali icirirtse nka SACCO, aho babitsa kandi bakaguza, ni bimwe mubyo Ikigo cy’ igihugu gishinzwe iterambere RDB cyashishikarije aba bagore. Rwabukayile Augustin   umukozi wa RDB aragira ati “icyambere kigaragara ni uko bagitinya gusaba inguzanyo mu banki kubera ingwate, twebwe rero icyo dukora ni ukubigisha tukabaha ibisobanuro bikwiye kugirango babashe kwitinyuka begere izo banki”

Ku ruhande rw’ inama y’ igihugu y’ abagore mu karere ka Gisagara, batangaza ko nyuma y’ aya mahugurwa hagiye gushyirwa imbaraga mu makoperative  ahuza abo bagore nk’ uko biri mu mihigo y’ akarere ka Gisagara. Gasengayire Clemence ahagarariye inama y’ igihugu y’ abagore mu karere ka Gisagara, atangaza ko amakoperative ane ari mu muhigo ko azashyirwamo imbaraga,ibyo ngo bikaba ari ibintu bizabafasha cyane.

Abagore bahuguwe bagera kuri 300, bakaba barahuguriwe kuri sites 5 muri aka karere ka Gisagara.

 

Share Button

No comments yet.

Leave a Reply

Ngororero : Abagore ngo bugarijwe n’ibibazo kurusha abagabo

Ngororero : Abagore ngo bugarijwe n’ibibazo kurusha abagabo

Mu isuzuma ry’imibereho y’abaturage b’akarere ka Ngororero ryakozwe muri uku kwezi kwa munani, u muryango ADI Terimbere wasanze abagore aribo […]

Gatsibo: Why pregnant women should avoid herbal cures

Gatsibo: Why pregnant women should avoid herbal cures

Pregnant women or those trying for a baby should not take herbal remedies because of the risk of dangerous side […]

Rwimiyaga: hari ibibazo bigaragara mu Akagoroba k’ababyeyi

Rwimiyaga: hari ibibazo bigaragara mu Akagoroba k’ababyeyi

Itsinda ry’akagoroba k’ababyeyi ryari rigizwe n’abagore bakorera mu isoko rya Rwimiyaga. Hari hibumbiyemo abagore 158 bizigamaga amafaranga 200 uko bateranye, […]

Gatsibo: Ababyeyi batwite barasabwa kwirinda imiti ya Kinyarwanda

Umuyobozi w’ibitaro bya Kiziguro Dr. Mukama Twagira Diocles

Ubuyobozi bw’ibitaro bya Kiziguro butangaza ko hafi 85% by’ababyeyi bagira ibibazo babyara, ngo ari ababa barabanje kwivuza mu Kinyarwanda. Ubwo […]

Ruhango: Umugore amaze kugera kuri byinshi abikesha igare

Ruhango: Umugore amaze kugera kuri byinshi abikesha igare

Uzabakiriho Agnes, utuye mu murenge wa Byimana, amaze imyaka 15 akora akazi ko gucuruza imyenda akoresheje igare, akavuvuga ko igare […]

Gisagara: Kwiteza imbere byagaruye amahoro iwabo

Abagore bo mirenge ya Kansi na Save mu Karere ka Gisagara bagabiwe inka na Jeannette Kagame, zabafashije kugarura umutuzo iwabo.

Abagore bahawe inka bahamya ko mbere batarahabwa izi nka bari bakennye ndetse bikabakururira umwiryane mu ngo kuko abagabo babaga bashinja […]