Marita Mugumyabanga na Antoniya Mukabuyenge batuye mu kagari ka Rango B ho mu Murenge wa Tumba, Akarere ka Huye, bagaragaje ishimo bafitiye umuryango wa FPR ku cyumweru tariki ya 25 Ugushyingo. Hari mu birori byo kwizihiza isabukuru y’imyaka 25 ya FPR muri aka kagari ka Rango B batuyemo.

Abwira abari baje muri ibi birori bose, Mugumyabanga yateruye agira ati “Nkomoka mu Karere ka Nyaruguru nyamara ntibyabujije ko hano mu Karere ka Huye bampa ikibanza nuko mbona aho gutura. FPR ntibarobanura ngo uturuka aha n’aha.”

Mugumyabanga, n’ikiniga, akomeza agira ati “Nari umukene inyuma y’abandi bose. Ariko FPR yararebye iti  ntukwiye kwitwa Cabacaba. Bampaye igishoro cy’ibihumbi 60, nguramo igare rinyonga none ubu mbasha kugura ubugari n’ibishyimbo byo kugaburira abana.”

Nyuma yaho, uyu mubyeyi yaje no guhabwa inka, none ubu ngo abana be n’ab’abaturanyi babasha kunywa amata.  Mugumyabanga ati “inka bampaye nayise inkorabikino kuko yakoze ibikino mu muryango wa Nyandwi Claude na Mugumyabanga Marita. Sinkiri Cabacaba ahubwo nabaye Mubyeyi”.

Ikindi Mugumyabanga yishimira ni uko atakiri umukene cyane nk’uko byahoze. Ati “Kubona umukene nkanjye nsigaye mbasha guhagarara mu bantu bangana gutya nkavuga ibyo FPR yankoreye na byo ni intambwe kuko mbere nkikennye cyane ntari gutinyuka.”

Antoniya Mukabuyenge we ari mu baremewe bahabwa matela kuri uriya munsi w’ibirori. Ibyishimo byamuteye yabivuze muri aya magambo “nari nsanzwe mfite indi matela abana banjye bampaye, ariko no kuba FPR baranzirikanye bakampa n’iyi biranshimishije kuko binyeretse ko nitaweho”.

Ikindi Mukabuyenge yishimira ni uko FPR yatumye atekana. Avuga ko FPR itaraza, umuryango yashatsemo utamwishimiraga ku buryo batanashakaga ko abyara. Yabivuze muri aya magambo “Naratwitaga nkirirwa nterwa amabuye, kandi nta wundi byabagaho mu muryango nashatsemo. Ubungubu abana banjye ntibakiri ibicibwa. Umwana wanjye arakora umurimo agahembwa akamererwa neza.”

Mukabuyenge yunzemo agira ati “ Ubu nsigaye nisanzuye cyane, numva nta n’icyo naba, kuko nshyigikiwe. Icyaba cyose natabaza bakantabara vuba. N’ubwo inzu ntuyemo iri hafi kungwaho nzi ko FPR izanyubakira indi”.

 

 

Share Button

No comments yet.

Leave a Reply

Gatsibo: Why pregnant women should avoid herbal cures

Gatsibo: Why pregnant women should avoid herbal cures

Pregnant women or those trying for a baby should not take herbal remedies because of the risk of dangerous side […]

Rwimiyaga: hari ibibazo bigaragara mu Akagoroba k’ababyeyi

Rwimiyaga: hari ibibazo bigaragara mu Akagoroba k’ababyeyi

Itsinda ry’akagoroba k’ababyeyi ryari rigizwe n’abagore bakorera mu isoko rya Rwimiyaga. Hari hibumbiyemo abagore 158 bizigamaga amafaranga 200 uko bateranye, […]

Gatsibo: Ababyeyi batwite barasabwa kwirinda imiti ya Kinyarwanda

Umuyobozi w’ibitaro bya Kiziguro Dr. Mukama Twagira Diocles

Ubuyobozi bw’ibitaro bya Kiziguro butangaza ko hafi 85% by’ababyeyi bagira ibibazo babyara, ngo ari ababa barabanje kwivuza mu Kinyarwanda. Ubwo […]

Ruhango: Umugore amaze kugera kuri byinshi abikesha igare

Ruhango: Umugore amaze kugera kuri byinshi abikesha igare

Uzabakiriho Agnes, utuye mu murenge wa Byimana, amaze imyaka 15 akora akazi ko gucuruza imyenda akoresheje igare, akavuvuga ko igare […]

Gisagara: Kwiteza imbere byagaruye amahoro iwabo

Abagore bo mirenge ya Kansi na Save mu Karere ka Gisagara bagabiwe inka na Jeannette Kagame, zabafashije kugarura umutuzo iwabo.

Abagore bahawe inka bahamya ko mbere batarahabwa izi nka bari bakennye ndetse bikabakururira umwiryane mu ngo kuko abagabo babaga bashinja […]

Ruhango: Umugore umaze imyaka 26 mu bucuruzi bw’inkweto arasaba bagenzi be kutitinya

Mukamana Tamari umudamu umaze umyaka 26 acuruza inkweto, avuga bimaze kumugeza kuri byinshi, we n’umuryango we, agasaba abagore bagenzi be […]