A bategerugori bagera kuri 300 bo mu karere ka Gisagara bamaze guhabwa amahugurwa na RDB ku kwihangira umurimo no kunoza imikorere, baratangaza ko bamaze gusobanukirwa na byinshi muri gahunda z’imikorere no guhanga umurimo ndetse bakaba batakinafite ubwoba bwo kwegera za Sacco zishobora kubaguriza amafaranga bagakora imishinga iciriritse. Bavuga ko biyemeje guhindura imikorere bakajya batanga serivisi nziza mu byo bakora.

ABATEGARUGORI BAHUGUWEAbategarugori bahuguwe n’ikigo cy’igihugu gishinzwe iterambere RDB, nyuma yo guhabwa impamyabumenyi zabo uyu munsi, baravuga ko inyigisho bahawe zabagiriye akamaro cyane kuko bamaze kumva imikorere ishobora kubateza imbere ndetse bakaba baniteguye gushyira mu bikorwa ubwo bumenyi bahawe buzabafasha guhindura imikorere no kwihangira imirimo kubatari bafite ibyo bakora bibabyarira inyungu.

Nzamurambaho Gaudence ni umutegarugori mu bahawe aya mahugurwa, mu buzima busanzwe akaba akora akazi ko gucuruza umusururu, avuga ko yigiyemo byinshi bizamufasha mu bucuruzi bwe, ubu akaba agiye kujya yita ku bakiriya be akabakira neza ndetse akanarushaho kugira isuku aho akorera. Ikindi ngo yamenye n’agaciro ko kwizigamira.

Uhagarariye inama y’igihugu y’abagore mu karere ka Gisagara Gasengayire Clemence nawe avuga ko yizeye neza ko aya mahugurwa bahawe agiye kubafasha no kubahindura cyane ko ajya kuyabasabira ari uko yabonaga imikorere yabo itameze neza, ariko kuva aho bahuguriwe bakaba nawe ngo bamwizeza ko bagiye guhindura imikorere kuko bumvise uko bakwiye gukora.

Aba bategarugori ariko n’ubwo bahabwa inyigisho nynshi, ngo ntacyo bahitirwamo gukora cyihariye n’ababahugura, ahubwo icyo babasaba ni uko ibyo bahitamo gukora kandi bumva bibonamo banabashije babikora neza uko bigomba kugirango bibashe kubagirira akamaro, ariko cyane cyane ibikorwa bishobora guha akazi n’abandi banyarwanda babikeneye.

Rwabukayire Augustin umukozi wa RDB aragira ati “Nta mupaka tugira, ntabwo tubasab gukora ibi ngo bareke ibi, ahubwo tubahugura ku kunononsora ibyo barimo bahisemo kandi bashoboye, tukabaha ubumenyi ku bintu byinshi bitandukanye bijyanye ku kugana amabanki, uhanga imirimo no kumenya gutanga serivisi nziza, gusa tukabashishikariza kwitabira ibikorwa byaha n’abandi akazi”.

Aba bategarugori bahuguwe ikindi bazakora ngo ni uguhugura abandi bagiye basigara ku misozi iwabo, nabo bakabafasha kumva no gusobanukirwa n’imikorere ifite intego.

 

 

 

 

Share Button

Tags: , , , , , ,

No comments yet.

Leave a Reply

Ngororero : Abagore ngo bugarijwe n’ibibazo kurusha abagabo

Ngororero : Abagore ngo bugarijwe n’ibibazo kurusha abagabo

Mu isuzuma ry’imibereho y’abaturage b’akarere ka Ngororero ryakozwe muri uku kwezi kwa munani, u muryango ADI Terimbere wasanze abagore aribo […]

Gatsibo: Why pregnant women should avoid herbal cures

Gatsibo: Why pregnant women should avoid herbal cures

Pregnant women or those trying for a baby should not take herbal remedies because of the risk of dangerous side […]

Rwimiyaga: hari ibibazo bigaragara mu Akagoroba k’ababyeyi

Rwimiyaga: hari ibibazo bigaragara mu Akagoroba k’ababyeyi

Itsinda ry’akagoroba k’ababyeyi ryari rigizwe n’abagore bakorera mu isoko rya Rwimiyaga. Hari hibumbiyemo abagore 158 bizigamaga amafaranga 200 uko bateranye, […]

Gatsibo: Ababyeyi batwite barasabwa kwirinda imiti ya Kinyarwanda

Umuyobozi w’ibitaro bya Kiziguro Dr. Mukama Twagira Diocles

Ubuyobozi bw’ibitaro bya Kiziguro butangaza ko hafi 85% by’ababyeyi bagira ibibazo babyara, ngo ari ababa barabanje kwivuza mu Kinyarwanda. Ubwo […]

Ruhango: Umugore amaze kugera kuri byinshi abikesha igare

Ruhango: Umugore amaze kugera kuri byinshi abikesha igare

Uzabakiriho Agnes, utuye mu murenge wa Byimana, amaze imyaka 15 akora akazi ko gucuruza imyenda akoresheje igare, akavuvuga ko igare […]

Gisagara: Kwiteza imbere byagaruye amahoro iwabo

Abagore bo mirenge ya Kansi na Save mu Karere ka Gisagara bagabiwe inka na Jeannette Kagame, zabafashije kugarura umutuzo iwabo.

Abagore bahawe inka bahamya ko mbere batarahabwa izi nka bari bakennye ndetse bikabakururira umwiryane mu ngo kuko abagabo babaga bashinja […]