Mu duce twegereye parike

Mukakamari Dancille avuga ko abagore bamaze kugera ku rwego rushimishije mu Rwanda ndetse bakaba banagenda bagera ku ntera nziza mu kurengera ibidukikije

Uhagarariye ihuriro nyafurika ryita ku buringanire,iterambere ry’umuryango no kurengera ibidukikije,Mukakamari Dancille avuga ko mu Rwanda umunyarwandakazi amaze kugera ku ntera ishimishije mu nzego z’iterambere. Ibyo bikaba biterwa n’uko politike y’u Rwanda iha uruhare umugore cyane cyane mu nzego zifata ibyemezo nk’uko yabigarutseho.

Kugeza ubu ngo umunyarwandakazi usanga mu bikorwa bya buri munsi aho atuye atera intambwe ishimishije,aho abagore bitabira amakoperative,kubitsa no kugurizanya n’indi mirimo itandukanye ibateza imbere mu miryango,ugasanga kandi bafatanyije n’abagabo.

Dancie yongeraho ko ashimishwa no kumva ubuhamya bw’abagore ahanini mu nzego zabo kuva mu tugari,mu murenge,mu karere no ku rwego rw’igihugu,bavuga aho bavuye bakaba bageze. Avuga ko ari ibintu usanga bishimishije.

Gusa ngo kubirebana n’ibidukikije,Mukakamari Dancille avuga ko usanga bakiri inyuma kuko babyitabiriye batinze. Ni muri urwo rwego,nk’umushinga ARECO Rwandanziza abereye umuhuzabikorwa,biyemeje guteza imbere Umunyarwandakazi,kugira ngo agire uruhare mu kubungabunga ibidukikije kandi nawe yiteze imbere.

Ibi bikaba byarakozwe ,higishwa ahanini abagore bo mu duce duturiye pariki y’ibirunga n’uduce twa Gishwati ahazakorwa ishyamba ry’ikitegererezo”Forêt model”,ku birebana n’uburyo bwo gutubura igihingwa cy’umugano kirwanya isuri no kukibyaza umusaruro hakorwamo ibikoresho bitandukanye.

Kugeza ubu,ku bufatanye n’uyu mushinga ARECO Rwandanziza,abagore barimo gukangurirwa uburyo ibikorwa byo gutubura bikorwa. Ndetse usanga bitabira gukora amapipiniyeri.

Kugeza ubu usanga ibi bikorwa byitabirwa kuko ngo uretse n’uko imigano yazera igakorwamo ibindi,iyo hakozwe pipiniyeri,haterwa kimwe cya kabiri cy’ingemwe mu buryo bwo kurwanya isuri,ikindi kimwe cya kabiri abagore bakakigurisha bakiteza imbere nk’uko Dancilla abivuga. Urugemwe 1 rw’umugano bakaba barugurisha amafaranga igihumbi.

Gusa ngo abagore banashishikarizwa uburyo bwo kubyaza agaciro ibiti by’imigano,aho ikorwamo udutebo,imitako n’ibindi byiza bikundwa cyane ku isoko. Bitewe n’uko ibiti by’imigano atari byinshi mu Rwanda,akaba ariyo mpamvu biyemeje kubitera,bikazarwanya isuri kandi byanakwera bikabyazwa umusaruro bigateza imbere abari n’abategarugori

Dancille,avuga ko usanga abagore bamaze gusobanukirwa n’icyo kurengera ibidukikije haterwa ibyo biti bimaze ndetse ugasanga hagira uruhare mu kubibungabunga. Avuga ko bunguka amafaranga bakura mu gukora pipiniyeri,bakunguka ubumenyi,bakagira uruhare mu kurinda ubutaka no kwita ku mutungo kamere n’ibindi. Yongeraho ko ako ari akazi babonye kandi kazabafasha kwiteza imbere. Ari nayo mpamvu akangurira n’abandi bagore kubyitabira.

 

 

Share Button

Tags: , , ,

No comments yet.

Leave a Reply

Kagame Warns No Rwandan Child Should Be On Streets

Kagame Warns No Rwandan Child Should Be On Streets

Every Rwandan child should go to school for the country to prosper, otherwise there will be consequences. And President Paul […]

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]

Kagame UPs HeForShe Commitment to 500,000 Champions

President Paul Kagame greets excited locals in Ngoma District on 1st leg of his 3-day tour of the Eastern Province.

From 100,000 commitment to raise that number of Rwandans backing the global HeForShe campaign, Rwanda made a new move this […]

Bahamya ko basezeye ubukene kubera kwizigama amafaranga make

Abagore batishoboye basezeye ku bukene kubera kwizigama amafaranga make, babasha kwikenura bafungura amaduka, abandi bagura amatungo n’imirima kandi biyishyurira n’ubwisungane […]

Battle For Rwanda’s Most Innovative Girl Begins

Battle For Rwanda’s Most Innovative Girl Begins

This Saturday, April 30, a group of Rwandan girls talented in technology will be presenting highly innovative projects in a […]

Ibiganiro ku ihohoterwa byatangiye guhindura imibanire y’abashakanye

Abaturage bo mu Karere ka Muhanga baravuga ko ibiganiro bahabwa ku ihohoterwa rishingiye ku gitsina byatangiye guhindura imibanire y’abagore n’abagabo. […]