A bategarugori bo mu karere ka Gisagara baratangaza ko bamaze gusobanukirwa n’ibyiza byo kuba mu matsinda y’intambwe, aho baganirira bakanagurizanya amafaranga abafasha kwikemurira ibibazo abandi bakanayakoresha udushinga duto twabateza imbere. Bavuga ko bagifite imbogamizi y’ubukene bakaba bifuza ko akarere kajya kabafasha nabo bakaba baterwa inkunga nka za Koperative.

GISAGARA ABATEGARUGORIAbagore bo mu karere ka Gisagara bagiye bibumbira mu matsinda y’abantu 30, bakagira igihe cyo guhura bakaganira ndetse bakanatanga umusanzu bavuganyeho, nyuma ugize ikibazo akaba yagurizwa, cyangwa se ushaka kugira icyo akara cyamuteza imbere akagurizwa bikurikijwe n’umusanzu yagiye atanga. Kuri ubu aya matsinda aracyagenda atanga amafaranga ari hagati ya 100 na 300 buri cyumweru hakurikijwe uko abanyamuryango babyumvikanye.

Mukamana Alphonsine utuye mu murenge wa Gikonko, avuga ko itsinda rye ubu ryamuhaye amafaranga ibihumbi 10 (10.000) ubu akaba apima ikigage. Kuri we ngo ni igikorwa cyamufashije kuko abasha gukemura utubazo two mu rugo, abana be 2 ntibabure uko bajya mu bwisungane mu kwivuza kandi n’itsinda rye akaryishyura nta kibazo agize.

Musaniwabo Anisie uhagarariye itsinda “tuzamurane badamu” ryo mu murenge wa Save akagari ka Gatoki, avuga ko kuri ubu bamaze kubona ko nta cyasimbura itsinda, gusa ariko ngo baracyahura n’ikibazo cy’ubukene bigatuma badashobora gutanga umugabane utubutse bityo ntibabe bakora imishinga igaragara, icyo bifuza ngo ni uko akarere kajya kabafasha nabo bakitabwaho nka za koperative.

Iki kibazo ariko nanone cy’ubukene ngo baba bagiterwa n’uko bakitinya maze ntibashobore kuba bakwaka inguzanyo muri za sacco ngo bazamuke. Gasengayire Clemence uhagarariye inama y’igihugu y’abagore mu karere ka Gisagara, avuga ko ubu icyo bari gukora ari uguhugura aba bategarugori, bakigishwa gukora imishinga ndetse no gutinyuka kugana za sacco, ibi kandi ngo bikaba bizatanga umusaruro kuko abagore bagera kuri 300 bamaze guhugurwa na RDB nabo bakaba bazahugura abandi bose mu karere maze bakamenya uko bakwivana mu bukene n’uko bajya banononsora imikorere yabo.

Aba bagore bafite icyizere ko ubuzima bwabo buzarushaho kugenda buba bwiza kuko ngo aho bari ubu atariho bari mbere y’uko batangiye gukorera mu matsinda bashyize hamwe.

 

 

Share Button

Tags: ,

No comments yet.

Leave a Reply

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]

Kagame UPs HeForShe Commitment to 500,000 Champions

President Paul Kagame greets excited locals in Ngoma District on 1st leg of his 3-day tour of the Eastern Province.

From 100,000 commitment to raise that number of Rwandans backing the global HeForShe campaign, Rwanda made a new move this […]

Bahamya ko basezeye ubukene kubera kwizigama amafaranga make

Abagore batishoboye basezeye ku bukene kubera kwizigama amafaranga make, babasha kwikenura bafungura amaduka, abandi bagura amatungo n’imirima kandi biyishyurira n’ubwisungane […]

Battle For Rwanda’s Most Innovative Girl Begins

Battle For Rwanda’s Most Innovative Girl Begins

This Saturday, April 30, a group of Rwandan girls talented in technology will be presenting highly innovative projects in a […]

Ibiganiro ku ihohoterwa byatangiye guhindura imibanire y’abashakanye

Abaturage bo mu Karere ka Muhanga baravuga ko ibiganiro bahabwa ku ihohoterwa rishingiye ku gitsina byatangiye guhindura imibanire y’abagore n’abagabo. […]

Muhanga: Ababyeyi batewe impungenge no kunanirana kw’abana

Bamwe mu babyeyi bo mu Karere ka Muhanga baravuga ko bahangayikishijwe n’abana babananira kandi batabuze ibibatunga mu iwabo. Ababyeyi bavuga […]