A banyarwanda bakwiye gukomeza kwifatanya mu bikorwa byo  kwiteza imbere kuko byagaragaye ko iterambere ari kimwe mu bituma ubumwe n’ubwiyunge  bugerwaho. Ibi n’ibitangzwa n’abatuye umurenge wa Save nyuma yo kubona ibyo bagezeho babikesha umushinga w’ubumwe n’ubwiyunge Pro-Femmes TWESE HAMWE watewe inkunga na International Alert.

SAVE BAVUGA KO PRO-FEMMES YABAFASHIJE

Uyu mushinga wagiye uhuza amatsinda atandukanye, yibumbiyemo abarokotse Jenoside, abasezerewe ku rugerero, abafunguwe, urubyiruko mu rwego rwo kunoza imibereho ,imibanire n’ubwiyunge.

Bimenyimana Jean Baptiste, warokotse Jenoside yakorewe abatutsi ndetse na  Etienne Murwanashyaka, wafunguwe nyuma yo kwirega akemera icyaha akanasaba imbabazi , bavuga ko mbere byari bigoranye kubana  hagati y’uwishe n’uwiciwe, ariko  aho uyu mushinga  uziye, ukabigisha gushyirahamwe no gukora bakiteza imbere, imiryango yo mu murenge wa SAVE irangwamo imibanire igaragaza ubwiyunge.

Bimenyimana ati “Mbere narangwaga n’ubwoba igihe cyose, ngahora nishisha abaturanyi n’abandi bose twahuraga kuko numvaga bangirira nabi. Sinashoboraga kumva ko umuntu tudahuje ubwoko twabana ndetse nkanahora nigunze jyenyine. Nyuma naje kumenya iby’aya matsinda nyajyamo, tukaganirizwa, yugishwa gukorera hamwe ndetse n’imishinga iteza imbere. Ibi rero byaje kumfasha gutinyuka mbona ko ntabaho jyenyine kandi ko abantu bose atari babi. Uyu munsi mbana n’abantu bose kandi numva bimpaye amahoro kuruta mbere”.

Aba baturage bavuga ko uyu munsi bamenye ko iyo umuntu atagira umurimo cyangwa se ngo agire igikorwa kimuteza imbere ari bwo abona umwanya wo kwirirwa mu mateshwa no mu macakubiri. Pro-femmes rero ngo yabafashije kumenya kwishyira hamwe bagahugira mu gushaka ibikorwa bibateza imbere.

Jean Claude Kabalisa, umunyamabanga nshingwabikorwa w’umurenge wa Save nawe yemeza ko uyu mushinga utaraza,  umubano hagati y’abatuye uyu murenge wagaragaragamo ingengabitekerezo ya Jenoside  ndetse no guterana amagambo,  ariko ubu , ngo abaturage barafatanya mu kwiteza imbere.

Nkuko byemezwa na Donata Nibagwire, umukozi w’impuzamiryango Pro-Femmes Twese Hamwe, ushinzwe gukurikirana ibikorwa by’iterambere,ubumwe n’ubwiyunge mu Rwanda, intego  yuyu mushinga yagezweho, ngo kuko hari ibikorwa by’iteranbere byimakaza  ubwiyunge ndetse na banyirabyo bakaba bitangira ubuhamya. Avuga ko koko hari ibibazo bagitangira kuhakorera ariko ubu bakaba banahabona ibisubizo aho abantu basubiriye bakabana, bagafashanya uyu munsi bakaba bagendererana bakanasangira. Asaba aba baturage kutazasubira inyuma kandi nabo bakajya bitabira gufasha abo babona bakeneye kwigishwa.

Uyu mushinga watangiye mu mwaka wa 2007. Ukorera mu mirenge ya Kinyinya, Kimironko mu karere ka Gasabo, Save, Kigembe na Mukindo mu karere ka Gisagara ndetse n’imirenge ya Gatumba na Nyange mu Karere ka Ngororero. Iyi mirenge ikaba yaratoranijwe hagendewe ku mateka, imiterere,imibanire  n’imibereho y’abatuye iyi mirenge.

Tags: , , , , , ,

No comments yet.

Leave a Reply

Gakenke: Abagore barishimira ko hari aho bavuye naho bamaze kwigeza

Gakenke: Abagore barishimira ko hari aho bavuye naho bamaze kwigeza

Abagore bo mu karere ka Gakenke bishimira intambwe bamaze gutera mu rwego rw’iterambere kuko benshi bamaze gusobanukirwa no gukora imirimo […]

Musanze: Abagore basezereye ubukene babikesha gukorera muri koperative

Musanze: Abagore basezereye ubukene babikesha gukorera muri koperative

  Abagore bimbuye muri Koperative “Hagurukana umwete -Cyogo” yo mu Karere ka Musanze mu Murenge wa Muko bahamya ko ubuzima […]

Kirehe: Inteko y’abagore yasabwe kujya ikora igenabikorwa hagamijwe kwesa imihigo

Kirehe: Inteko y’abagore yasabwe kujya ikora igenabikorwa hagamijwe kwesa imihigo

Muri Kongere yateranye kuwa 24 Kamena 2015 yahuje inteko y’abagore bahagarariye abandi mu karere ka Kirehe bashimiwe ibikorwa by’indashyikirwa bagezeho […]

Ngoma: nubwo abana n’ubumuga bwo kutavuga ariga umwuga uzamugeza ku nzozi ze

Ngoma: nubwo abana n’ubumuga bwo kutavuga ariga umwuga uzamugeza ku nzozi ze

Nabagizente, umukobwa uri mu kigero cy’imyaka 35 ufite ubumuga bwo kutumva ntanavuge, atangaza ko nyuma yo kubona amahirwe yo kwigishwa […]

Foods to avoid during pregnancy

Every expectant mom knows there are certain foods that should be avoided during pregnancy to protect the health of their […]

Kuboha imisambi yabigize umwuga utunze umuryango we

  Mu gihe ibirago ndetse n’imisambi bigenda bicika hirya no hino bigasimburwa n’imikeka usanga hari bamwe mu baturage bagifite umuco […]