Abagore bakora ubucuruzi bwambuka umupaka mu mahugurwa

Abagore bakora ubucuruzi bwambuka umupaka mu mahugurwa

Abagore bakora ubucuruzi bwambukiranya umupaka cyane cyane uw’u Rwanda n’u Burundi baratangaza ko biyemeje kureka magendu.

Mu gihe bamwe mu bacuruzi bagaragaza ko abakora magendu babibonamo inyungu nyinshi kuko baba batanishyura imisoro, abagore bakora ubucuruzi bwambukiranya imipaka ubu biyemeje  kureka magendu, bityo imisoro batanga ikagira uruhare mu kwiyubakira igihugu, dore ko ariko banavuga ko ibihano bihabwa abafatanwe magendu nabyo bitaba byoroshye nk’uko byemezwa na Mwiza Amina wo mu murenge wa Nyamata mu karere ka Bugesera.

Ati “ nyuma yo guhugurwa n’ikigo cy’igihugu cy’imisoro n’amahoro dusanze tugomba kureka buno bucuruzi butemewe kubakibukora kuko bugira ingaruka ku babukora no kugihugu muri rusange”.

Abo bagore bavuga ko n’ubwo baba bashaka gukira byihuse ariko nabo baba baziko barimo gukora ibinyuranyije n’amategeko.

Mbabazi Tharcia uhagarariye koperative y’abagore bakora ubucuruzi bwambukiranya imipaka yavuze ko iby’imisoro babimenye neza, ko bagiye guhindura imikorere kandi ko batazongera kunyura mu nzira zitemewe kuko basanze bahombyaga Leta.

 

Rukundo Julius ushinzwe ubukungu n’iterambere mu karere ka Bugesera

“Ubu tugiye guhindura imikorere bitewe n’uko tumaze kumenya ko imisoro ntacyo itwaye, cyane ko imisoro imwe yakuweho kandi ari byo twatinyaga. Tugiye kugira izindi ngamba duhindure imikorere. Tugiye gutangira gusorera Leta kuko turabishaka. Twamaze kumenya ko gusorera Leta ari inyungu igaruka igafasha abaturage bose,  natwe turimo.”

Umuyobozi w’akarere ka Bugesera wungirije ushinzwe ubukungu n’iterambere Rukundo Julius yabwiye abo bagore ibyiza byo gusora ndetse anababwira icyo imisoro ikora.

Ati “ amafaranga y’imisoro n’amahoro niyo akorwamo ibikorwa remezo byose mubona, birimo imihanda, amashuri abana banyu bigiramo ndetse n’amavuriro mwivurizamo none se nimudasora muzabona ko ibyo bikorwa by’iterambere byagerwaho gute?,

Yasabye bamwe biyise amazina atandukanye nk’abafutuzi, abasherisheri, abacokori n’andi ko bagomba kubireka maze bagakurikira inzira abandi bacamo.

Ubushakashatsi bwakozwe n’ikigo cy’imisoro n’amahoro bwerekana ko ubucuruzi bwambukiranya imipaka bukorwa n’abagore bagera kuri 75%, aho ngo usanga ubwinshi muri bwo bukorwa mu nzira zitemewe n’amategeko zirimo kwihishahisha inzego za gasutamo no kutishyura imisoro n’amahoro.

Icyo kigo kivuga ko kimaze guhugura abagore barenga 1000 mu rwego rwo gusezerera ubwo bucuruzi butemewe.

 

 

Tags: , , , , , , ,

No comments yet.

Leave a Reply

Gleme Irakoze, première Rwandaise dans la poésie des vaches

Avec la poésie, Gleme Irakoze gagne entre 100 et 150 milles Francs Rwandais par mois

Irakoze Gleme, jeune poète de 19 ans, habite dans la cellule de  Nyabagendwa, Secteur de Rilima, District de Bugesera. Iarkoze […]

Nyamitanzi: Arashimira Depite Uwamama wamuhesheje matera yari yarayimwe n’inzego z’ibanze

Yambabariye nyuma yo gusubizwa matera ye,yasabiye umugisha abayimuhesheje

Yambabariye, umuturage wo mu kagari ka Nyamitanzi,umudugudu wa Rutabo avuga ko ashimira cyane Depite Uwamana Marie Claire ndetse n’ubuyobozi bw’akarere […]

Gakenke: Yihangiye umurimo arangije amashuri yisumbuye none byamuteje imbere

Munganyinka Marie Hycenthe wo mu murenge wa Gakenke mu karere ka Gakenke yarangije kwiga amashuri yisumbuye mu mwaka wa 2011, […]

Gicumbi – Gukorana n’ibigo by’imari byatumye abagore biteza imbere

Abaturage bayobotse ibigo by’imari biciriritse mu kuzigama Abagore bo mu karere ka Gicumbi barishimira intambwe bamaze kugeraho yo kuyoboka amabanki […]

Ngororero : Abakora uburaya barifuza inkunga ngo babureke

Aka gace kitwa « mukajagari » niho usanga indaya nyinshi

Abagore n’abakobwa bakora akazi k’uburaya mu mujyi wa Ngororero mu karere ka Ngororero  bavuga ko batishimiye uburyo batabona ababafasha ku […]

Rusizi: Abakoraga uburaya  babonye ikibafasha kubuvamo, babureka  

abakoraga uburaya babonye ikibafasha kubuvamo, babureka

Bamwe mu bakora umwuga w’uburaya mu karere ka Rusizi baravuga ko babonye inkunga ibafasha kwibumbira hamwe bagashinga koperative babasha kwiteza […]