Rulindo: abagore n’urubyiruko barashimwa kubera uruhare bagira mu kubaka igihugu.

Urubyiruko hamwe n’abagore bavuka mu karere ka Rulindo barashimwa uruhare bakomeje kugaragza mu kubaka igihugu no gushaka kugiteza imbere.

Mu ihuriro ry’Inama nkuru y’Abagore hamwe n’inama y’Urubyiruko  mu karere ka Rulindo, yateranye kuwa gatanu,tariki 25/1/2013 Abagore ndetse n’urubyiruko bagaragaje ko bafite inyota yo gukora ngo barusheho kuzamura iterambere ry’igihugu cyabo.

Muri iri huriro kandi bateranye kugirango barebera hamwe ibyo bagezeho n’ibisabwa mu rwego rwo kongera imbaraga ngo bagere ku iterambere ryihuse.

Muri iyi nama ,urubyiruko ndetse n’abagore bakaba bakomeje  kugaragaza ko bafite ubushake bwo gukora ngo barusheho kwiteza imbere ,nk’uko  bagaragaza ko biteje imbere uhereye ku bikorwa byabo .

Mukakamari Cartas ,utuye murenge wa Shyorongi,mu isantre ya Kijabagwe,ni umugore witeje imbere ahereye ku mafaranga ibihumbi bitanu akaba ageze mu rwego rwo gucanira umudugudu akoresheje jenereta.

Yagize ati ”nahereye ku mafranga ibihumbi bitanu ,ubu ngeze ku rwego rwo kuba nfite abakozi mpemba ,nigishije abana batagiraga icyo bakora imyuga yo kudoda no kogosha.Naguze jenereta none ubu ncanira umudugudu dutuyemo nabo bakabasha kongera amasaha yo kubona ,no gukorera ahabona.”

 

Honorable Mukantaganzwa Pelagie, wari witabiriye ihuriro ry’inama y’abagore n’urubyiruko muri aka karere , akaba yari n’umushyisi mukuru ,yashimiye cyane uburyo urubyiruko n’abagore  bakomeje kugaragaza ubushake bwinshi mu kubaka igihugu.

Yatanze inama ndetse n’impanuro ku bagore n’urubyiruko.Yababwiye ko imbaraga zabo zihujwe zishobora gukora ikintu gikomeye kurushaho.

Yagize ati”Ndashima cyane urubyiruko n’abagore mu karere ka Rulindo,ukuntu mukomeje kugaragaza ubushake n’imbaraga mu kubaka akarere ndetse n’igihugu muri rusange.Mukomereza ho ,muri abantu benshi mu gihugu,mufite ubwenge n’ubushobozi.

Akomeza avuga ko ngo imbaraga zabo zishyizwe hamwe zakora ibintu byiza kandi byinshi.

Muri iri huriro,urubyiruko n’abagore bavuze ko bafite ubushake bwo gukora ariko amikoro akababana make ,ku buryo ngo bunva ubuyobozi bubigizemo uruhare byarushaho kubafasha bityo bakaba bakora bakiteza imbere.

Bakaba baraboneyeho no gusaba ubuyobozi bw’akarere ko bwajya bubafasha mu kubona inguzanyo mu bigo by’imari.

  

Share Button

Tags: , , ,

No comments yet.

Leave a Reply

Musanze: Abagore barishimira iterambere bamaze kugeraho

Abagore bo mu Murenge wa Muko mu Karere ka Musanze barishimira iterambere bamaze kugeraho babifashijwemo n’imiryango itandukanye itegamiye kuri leta. […]

Rwandans Now Benefiting From New Maternity Law

Rwandans Now Benefiting From New Maternity Law

Mothers working for public and private employers can now begin applying for the newly enacted 12-weeks maternity leave to attend […]

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]