“Akazi ko gutwara abantu kuri moto n’igitsinagore kiragashoboye” – UmumotarikaziMukeshimana Adidja utwara abagenzi kuri moto avuga ko igitsinagore kidakwiye kwitinya ku mirimo imwe n’imwe imenyerewe nk’iyigitsinagabo kuko n’abagore bayishobora. Uwo mukobwa w’imyaka 22 atwara moto muri sentere ya Kiramuruzi mu karere ka Gatsibo na Rukara mu karere ka Kayonza.

Avuga ko umwuga w’ubumotari yumva awukunze kandi umuhesheje ishema kuko kuva akiri umwana yumvaga ashaka kuzaba umushoferi. Uko agenda akura ngo yarabiharaniye kugeza abonye uruhushya rwo gutwara moto.

Avuga ko abakobwa badakwiye kwisuzugura ngo babeho mu bukene kandi hari imyuga bashobora gukora ikabinjiriza amafaranga batitaye kuvuga ngo ni iy’abagabo.

Agira ati “Abakobwa baripinga [barisuzugura] cyane bakumva ko ubumotari ari umwuga w’abagabo gusa. Abatekereza gutyo baracyari hasi cyane, njyewe mbona narateye imbere biranshimisha, ni yo mpamvu mbwira abandi bakobwa ko babyitabira kuko byabafasha kuva mu bukene”

Mukeshimana avuga ko n’ubwo atarabasha kubona moto ye bwite abasha kubona amafaranga yo kumutunga no kumukemurira ibindi bibazo. Mukeshimana yishyura amafaranga ibihumbi bitatu ya ‘versement’ buri munsi kuri nyir’iyo moto akoresha.

Iyo babagenzi batabonetse ngo akorera amafaranga ari hagati y’ibihumbi birindwi n’ibihumbi icumi ku munsi, ayo mafaranga akaba ashobora kwiyongera iyo umunsi wagenze neza nk’uko abivuga.

Yongeraho ko ateganya kwigurira moto ye bwite kuko ari byo byatuma atera imbere ku buryo bwihuse. Gusa ngo mu ntego afite harimo no kuzatera intambwe akaba umushoferi w’imodoka zitwara abagenzi nka Kwasiteri [Coaster] cyangwa izindi modoka ziciriritse.


Share Button

Tags: , , , , , ,

No comments yet.

Leave a Reply

Gatsibo: Why pregnant women should avoid herbal cures

Gatsibo: Why pregnant women should avoid herbal cures

Pregnant women or those trying for a baby should not take herbal remedies because of the risk of dangerous side […]

Rwimiyaga: hari ibibazo bigaragara mu Akagoroba k’ababyeyi

Rwimiyaga: hari ibibazo bigaragara mu Akagoroba k’ababyeyi

Itsinda ry’akagoroba k’ababyeyi ryari rigizwe n’abagore bakorera mu isoko rya Rwimiyaga. Hari hibumbiyemo abagore 158 bizigamaga amafaranga 200 uko bateranye, […]

Gatsibo: Ababyeyi batwite barasabwa kwirinda imiti ya Kinyarwanda

Umuyobozi w’ibitaro bya Kiziguro Dr. Mukama Twagira Diocles

Ubuyobozi bw’ibitaro bya Kiziguro butangaza ko hafi 85% by’ababyeyi bagira ibibazo babyara, ngo ari ababa barabanje kwivuza mu Kinyarwanda. Ubwo […]

Ruhango: Umugore amaze kugera kuri byinshi abikesha igare

Ruhango: Umugore amaze kugera kuri byinshi abikesha igare

Uzabakiriho Agnes, utuye mu murenge wa Byimana, amaze imyaka 15 akora akazi ko gucuruza imyenda akoresheje igare, akavuvuga ko igare […]

Gisagara: Kwiteza imbere byagaruye amahoro iwabo

Abagore bo mirenge ya Kansi na Save mu Karere ka Gisagara bagabiwe inka na Jeannette Kagame, zabafashije kugarura umutuzo iwabo.

Abagore bahawe inka bahamya ko mbere batarahabwa izi nka bari bakennye ndetse bikabakururira umwiryane mu ngo kuko abagabo babaga bashinja […]

Ruhango: Umugore umaze imyaka 26 mu bucuruzi bw’inkweto arasaba bagenzi be kutitinya

Mukamana Tamari umudamu umaze umyaka 26 acuruza inkweto, avuga bimaze kumugeza kuri byinshi, we n’umuryango we, agasaba abagore bagenzi be […]