Gukorera muri koperative bibafasha gukemura ibibazo by’ubukene bw’imiryango yabo

Abanyamuryango ba Koperative “Abibumbye” ikorera mu karere ka Kamonyi, bahamya ko gukorera muri koperative byahinduye imibereho yabo n’iy’imiryango yabo. Umukozi ushinzwe gukurikirana amakoperative we, akaba avuga ko muri rusange amakoperative yahinduye benshi mu batuye akarere.

Iyi koperative ihuje abanyamuryango 60 biganjemo abagore kuko abagabo bayirimo ari bane. yatangiye mu mwaka wa 2005, ihuje ababyeyi bari bafite abana bagaragaraho ikibazo cy’imirire mibi. Nyuma yo gukorera hamwe imibereho y’abanyamuryango yarahindutse ku buryo nta n’umwe muri bo ugifite umwana urwaye imirire mibi.

Asobanura ibikorwa bya Koperative, Perezidante wayo Yankurije Marie Jeanne, yadutangarije ko abanyamuryango bose batangiye bahurira ku murimo w’ubuhinzi, bahinga imboga mu gishanga cyo mu Kibuza, inanasi ndetse n’imyumbati  bahinga mu isambu akarere kabatije iri ku nkuka z’igishanga.

Ku nkunga y’umuryango wa Medicus Mundi, koperative yaguye ibikorwa ishyiramo ubworozi n’ubudozi, maze abanyamuryango bigabanyamo amatsinda, ku buryo buri gikorwa gifite abagikurikirana,1/3 cy’ inyungu ivuyemo igahurizwa muri koperative, naho 2/3 bikaba iby’umunyamuryango hashingiwe ku byo yinjije.

Abanyamuryango bakora imirimo ya Koperative iminsi 3 mu cyumweru, indi minsi bagakorera ingo za bo. Nyuma y’umwaka abanyamuryango bagabana inyungu zavuye mu bikorwa bya koperative.

Mukakarangwa Benilde , umunyamuryango wa Koperative ukora mu budozi, avuga ko mbere yo kuza muri koperative yaritinyaga, adashobora kugera aho abandi bari. Yize kudoda arabimenya none asigaye akorera amafaranga, agafatanya n’umugabo kubona ibyo urugo rukeneye.

Kubwa Muhimpundu Cansilda we,  kuba muri koperative byatumye amenya byinshi atari azi nk’umwuga w’ubudozi yamaze amezi atandatu awiga none yarawumenye. Mbere yajyaga asaba igitenge umugabo, ariko kuri ubu, asigaye abona amafaranga agahahira abana ibyo bakeneye.

Habimana Innocent, umukozi ukurikirana amakoperative mu karere ka Kamonyi, atangaza ko gukorera hamwe ni yo nzira yihuse y’iterambere. Uva mu mwaka wa 2008, umubare w’amakoperative ukaba waravuye kuri 50 kuri ubu ukaba ugeze ku 121; kandi abaturage bayitabiriye bakaba bamaze gutera intambwe mu iterambere.

 

 

 

Share Button

Tags: , , , , , , ,

No comments yet.

Leave a Reply

When to parenting necessitates compassionate punishment

When to parenting necessitates compassionate punishment

Being a parent doesn’t mean you will put aside your feelings of anger but as most of us have realized, […]

Meet The Most Hated Woman in FDLR

Meet The Most Hated Woman in FDLR

Esperance Uwineza has been thinking of reuniting with her husband after he escaped from the FDLR command base at Mweso, […]

Musanze: Abagore barishimira iterambere bamaze kugeraho

Abagore bo mu Murenge wa Muko mu Karere ka Musanze barishimira iterambere bamaze kugeraho babifashijwemo n’imiryango itandukanye itegamiye kuri leta. […]

Rwandans Now Benefiting From New Maternity Law

Rwandans Now Benefiting From New Maternity Law

Mothers working for public and private employers can now begin applying for the newly enacted 12-weeks maternity leave to attend […]

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]