gahunda yo kurwanya ubukene  yarahagurukiwe binyujijwe mu bagore n’urubyiruko by’umwihariko. 

Nk’uko bivugwa na bamwe mu bayobozi mu karere ka Rulindo, ngo kurwanya ubukene bizagerwaho ,ari uko abagore n’urubyiruko bahagurutse bagakora.

Impanvu ngo ni uko muri ibi byiciro, usanga hari bantu bafite imbaraga n’ubushake byo gukora.

Ngo kuba kandi bizafata no ku rubyiruko n’abagore ahanini ,ngo ni uko ari bo mbaraga z’igihugu zizateza ubukungu imbere, ibi ngo bikaba bizatuma habaho impinduka nini mu batuye akarere ka Rulindo ,kandi no mu gihugu hose.

Gusa ariko ngo n’ubwo kugabanya ubukene muri aka karere bizibanda cyane kuri ibi byiciro by’abagore n’urubyiruko,ngo birabasaba ahanini gukora cyane,bisunga ibigo by’imari biciriritse na za sacco,mu rwego rwo gusaba inguzanyo.

Nk’uko kandi bitangazwa n’abagore ndetse n’urubyiruko bo muri aka karere ,ngo ubushake bwo gukora no kwiteza imbere barabufite ,ahubwo ngo icyo bakeneye cyane ni uguhugurwa ku bijyane n’imishinga y’ibyo bakora.

Ngo kuko basanga  ubumenyi bafite budahagije kugira ngo babashe kuzamura ubukungu mu karere batuyemo.

Nyiraguhirwa console,ukomoka mu murenge wa Buyoga, avuga ko bashaka gukora, ariko ngo  bibasaba nibura kubona amahugurwa ku bijyanye n’imishinga.

Aragira ati”abagore ubu twahagurukiye gukora ,ariko dufite ubumenyi buke ku birebene n’imishinga twakora,kuko abenshi muri twe ntitwageze mu ishuri.Icyo twunva cyakorwa kugira ngo twese tugire imyunvira imwe ni uko baduha amahugurwa bityo bikazamura imyunvire kuri bamwe muri twe.”

Ibivugwa na bamwe muri abo bagore kandi ,binavugwa na bamwe bo mu rubyiruko ,ngo ni uko  basanga hakagombye kubaho amahugurwa ahagije, agamije gukangurira urubyiruko gukora imishinga, kwiteza imbere no kuzamura ubukungu bw’igihugu.

Muhawenimana Eric,avuga ko bamwe mu rubyiruko batigeze babona amahugurwa ku bijyanye no gukora imishinga,kandi ngo bikenewe mu rwego rwo guhagurukira gukora mu rubyiruko.

Umuyobozi wungirije ushinzwe ubukungu mu karere ka Rulindo,Murindwa Prosper,avuga ko ubuyobozi bw’akarere bwiyemeje kuzamura imyunvire ku bagore ndetse  n’urubyiruko bo muri aka karere,ngo kuko asanga ari bo bagize umubare munini,bityo bakaba bafite n’imbaraga nyinshi.

 

 

Tags: , , , , ,

No comments yet.

Leave a Reply

Tears Of Joy As Jeannette Kagame’s Imbuto Foundation Celebrates 10 Years

Jubilations filled Rwanda’s ‘Petit Stade Amahoro’ in the capital Kigali on Sunday, July 5, as thousands of Rwandan girls, women […]

Ngoma: Women commend good leadership over changing mindset

Ngoma: Women commend good leadership over changing mindset

Oda Gasingizwa, the minister of gender and family promotion commended good leadership over changing women’s negative attitude into striving for […]

Ngoma: Hari abagore babuzwa gukora business n’abagabo babo

Ngoma: Hari abagore babuzwa gukora business n’abagabo babo

Bamwe mu bagore bo mu murenge wa Sake akagali ka Nkanga,akarere ka Ngoma baravuga ko babuzwa gukora business n’abagabo babo […]

Gakenke: Women experiencing better life in a cooperative

Striding through Gashenyi sector in Gakenke district, Victoire Nyirandorero, 28, cuts a striking figure. Wearing a white dress, black jacket […]

Gakenke: Abagore barishimira ko hari aho bavuye naho bamaze kwigeza

Gakenke: Abagore barishimira ko hari aho bavuye naho bamaze kwigeza

Abagore bo mu karere ka Gakenke bishimira intambwe bamaze gutera mu rwego rw’iterambere kuko benshi bamaze gusobanukirwa no gukora imirimo […]

Musanze: Abagore basezereye ubukene babikesha gukorera muri koperative

Musanze: Abagore basezereye ubukene babikesha gukorera muri koperative

  Abagore bimbuye muri Koperative “Hagurukana umwete -Cyogo” yo mu Karere ka Musanze mu Murenge wa Muko bahamya ko ubuzima […]