Kayonza: Hari abagore bamenye ibyo kwizigama kubera umushinga Women for Women

Bamwe mu bagore bo mu mirenge ya Nyamirana na Kabarondo mu karere ka Kayonza, bavuga ko bamenye kwizigama babyigishijwe n’umushinga Women for Women ukorera muri ako karere.

Uwo mushinga utoranya abagore b’abakene ukabafasha mu gihe cy’amezi 12, ayo mezi agashira hari intera bagezeho bivana mu bukene nk’uko bivugwa na Mukabaramba Imaculee wafashijwe n’uwo mushinga. Avuga ko uwo mushinga ufunguriza abagore ukorana na wo amakonti muri Sacco, ukabashyiriraho amafaranga 1000 buri kwezi mu rwego rwo kubatoza kwizigamira.

Agira ati “Twari twarabaye abakene mu bwigunge bw’abadamu nta mudamu winjiye muri Sacco, barazidufunguriza, kandi badushyiriraho amafaranga 1000 buri kwezi, kugeza igihe umwaka uzarangirira tukinjiza ibihumbi icumi muri Sacco”

Uretse ayo mafaranga Women for Women ishyirira abo bagore kuri konti, hari n’amafaranga make bagenerwa bakayashyira mu matsinda ku buryo umwaka ujya kurangira buri mugore amaze kubona amafaranga yagura itungo.

Abo bagore banigishwa uburyo bwo gutegura imishinga iciriritse yabafasha kwiteza imbere, cyane cyane ariko ngo bigishwa imishinga ijyanye n’ubuhinzi n’ubworozi.

Abagore bafashwa n’umushinga Women for Women bari mu cyiciro cy’abakene. Uretse kubafasha mu buryo bwo kwiteza imbere, abatazi gusoma, kwandika no kubara barabyigishwa kugira ngo mu gihe batangiye gukora imishinga iciriritse bamenye uburyo bwo kuyicunga no kuyikurikirana neza.

Ubufasha abo bagore bahabwa na Women for Women ngo bubagirira akamaro kanini kuko n’iyo umushinga uhagaritse kubafasha bakomeza kwiteganyiriza no kwiteza imbere nk’uko Mukakivuze Perusi wafashijwe n’uwo mushinga mu mwaka ushize wa 2012.

Women for Women ni umushinga ufite gahunda yo guteza imbere abagore bo mu cyaro. Buri mwaka utoranya abagore bitewe n’ubushobozi buhari bagafashwa mu gihe cy’umwaka, washira abo bakaba baracutse hagatoranywa abandi bagore.

 

 

Tags: , , , , , , ,

No comments yet.

Leave a Reply

Rusizi: Ngo bari bazi ko imibereho yabo irangiye ariko ubu baratemba itoto

Rusizi: Ngo bari bazi ko imibereho yabo irangiye ariko ubu baratemba itoto

Abaturage bo mu murenge wa Kamembe mu karere ka Rusizi kuri uyu wa 26/07/2015, baravuga ko nyuma ya Jenoside nta […]

Nyamagabe: Abagore bifuza ko Perezida Kagame agakomeza kuyobora kuko yabahaye ijambo

Abagore b’umurenge wa Buruhukiro, basabye abadepite ko bifuza ko ingungo y’101 yahinduka, Perezida Paul Kagame agakomeza kuyobora, kuko yabahaye ijambo, […]

Gleme Irakoze, première Rwandaise dans la poésie des vaches

Avec la poésie, Gleme Irakoze gagne entre 100 et 150 milles Francs Rwandais par mois

Irakoze Gleme, jeune poète de 19 ans, habite dans la cellule de  Nyabagendwa, Secteur de Rilima, District de Bugesera. Iarkoze […]

Nyamitanzi: Arashimira Depite Uwamama wamuhesheje matera yari yarayimwe n’inzego z’ibanze

Yambabariye nyuma yo gusubizwa matera ye,yasabiye umugisha abayimuhesheje

Yambabariye, umuturage wo mu kagari ka Nyamitanzi,umudugudu wa Rutabo avuga ko ashimira cyane Depite Uwamana Marie Claire ndetse n’ubuyobozi bw’akarere […]

Gakenke: Yihangiye umurimo arangije amashuri yisumbuye none byamuteje imbere

Munganyinka Marie Hycenthe wo mu murenge wa Gakenke mu karere ka Gakenke yarangije kwiga amashuri yisumbuye mu mwaka wa 2011, […]

Gicumbi – Gukorana n’ibigo by’imari byatumye abagore biteza imbere

Abaturage bayobotse ibigo by’imari biciriritse mu kuzigama Abagore bo mu karere ka Gicumbi barishimira intambwe bamaze kugeraho yo kuyoboka amabanki […]