Ruhango : Bafite icyerekezo cyo kudatezuka ku kwiteza imbere bagejejweho na VUP

A Bafite icyerekezo cyo kudatezuka ku kwiteza imbere bagejejweho na VUP ni abagabo icumi n’abagore makumyabiri bibumbiye muri Koperative Abadatezuka ku murimo « KOABAMU » ikorera mu murenge wa Mwendo, ikaba yibanda ku buhinzi bw’imyumbati.

Umubyeyi Béatrice, ni Perezida w’iyi Koperative, avuga ko batangiye Koperative yabo mu mwaka wa 2009, igitekerezo cyo kwishyira hamwe bakaba baragihawe na Musabyimana Stéphanie ushinzwe ibikorwa bya VUP mu murenge wa Mwendo.

Umubyeyi Béatrice avuga ko abanyamuryango ba KOABAMU bari abakozi mu gikorwa cyo guharura umuhanda no guca amaterasi ku musozi wa Kanyarira muri gahunda y’ibikorwa rusange (Public Works) biterwa inkunga na VUP.

Ngo Musabyimana Stéphanie yabafashije kwishyira hamwe kugira ngo igihe ibikorwa bakoraga bizaba birangiye bazabashe gukomeza kwiteza imbere.

Umubyeyi Béatrice avuga ko Kopertive yabo yahawe inguzanyo ingana n’ibihumbi 880, ikaba yarabafashije gukodesha imirima bahingamo imyumbati, kuri ubu bakaba bafite imyumbati ku buso bugera kuri hegitari umunani.

Ngo KOABAMU bateganya kugura imirima yabo bwite, kwagura ubuso bahingaho imyumbati,  guhinga ibihingwa byera vuba birimo imboga, no korora inka za kijyambere, kugira ngo babashe kubona amata n’ifumbire.

Basobanura neza ko kugira ngo bazabigereho bazabifashwamo na SACCO, dore ko VUP yabatoje kuzigama, haba umunyamuryango ku giti cye na Koperative, hamwe no gusaba ndetse no gukoresha inguzanyo.

Inguzanyo zatanzwe na VUP mu murenge wa Mwendo mu gihe cy’imyaka itatu (2009-2012) zakoreshejwe mu mishinga 1247 y’ubuhinzi, ubworozi, n’ubucuruzi buciriritse. Muri iriya mishinga, 162 ni iy’amatsinda, isigaye ikaba iy’abantu ku giti cyabo.

Inguzanyo zose zatanzwe zigera kuri 154 191 034 Frs, naho imibare itangwa n’abahagarariye VUP mu murenge wa Mwendo ikaba igaragaza ko kugeza ubu abaturage 319 bavuye mu cyiciro cy’abatindi nyakujya n’abakene, bakaba barinjiye mu cyiciro cy’abifashije.

Habiman Félicien ni umunyamabanga nshingwabikorwa w’umurenge wa Mwendo, avuga ko VUP yazanye impinduka nziza zigaragara ku mibereho myiza y’abaturage.

Yemeza ko imishinga yose yazaniye inyungu ikomeye abaturage, akanemeza ko hari ingero nyinshi z’aho abacuruzaga ubuconco ku mutwe bagiye babona igishoro cyo gukora butiki, abataragiraga imirima bakaba barayiguze, n’ibindi byinshi.

 

 

Share Button

Tags: , , , , , , ,

No comments yet.

Leave a Reply

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]

Bishimiye imbaraga babonye mu kurwanya ihohoterwa

Abahuguwe  bahawe inyemezabumenyi

Ubuyobozi bw’Umurenge wa Byimana mu Karere ka Ruhango, burashimira umuryango Global Community, umaze kubahugurira abazabafasha mu guhangana n’ihohoterwa ritandukanye. Ibi […]

Imirimo ivunanye ngo ibangamira iterambere ry’umugore

Umuyobozi w'Akarere ka Karongi wungirije ushinzwe ubukungu, Bagwire Esperance (Ibumoso) na Uwiragiye Anathole  umuhuzabikorwa w'uyu mushinga mu gikorwa cyo kuwutangiza

Umuryango Action Aid uvuga ko kuba umugore akora amasaha menshi kandi imirimo ivunanye, biri mu bibangamira iterambere rye. Imwe mu […]