Nyamirama: Umubyeyi wiyemeje gukamira abana bafite ibibazo by’imirire mibi nta kiguzi yahawe indi nka y’ishimwe

m_Umubyeyi wiyemeje gukamira abana bafite ibibazo by’imirire mibi nta kiguzi yahawe indi nka y’ishimwe

Aba bana buri munsi bajya kwa yankurije kunywa amata

m_Umubyeyi wiyemeje gukamira abana bafite ibibazo by’imirire mibi nta kiguzi yahawe indi nka y’ishimwe1

Umubyeyi witwa Yankurije Eugenie, uha abana amata kubuntu

 Umubyeyi witwa Yankurije Eugenie wo mu mudugudu wa Rwinyana, akagari ka Shyogo, umurenge wa Nyamirama mu karere ka Kayonza, yahawe inka y’ishimwe kubera gahunda yafashe yo gukamira abana bafite ibibazo by’imirire mibi mu mudugudu atuyemo kandi akabikora nta kiguzi.

Iyo nka yayihawe n’umuryango Partners In Health nk’ishimwe ry’uburyo agira uruhare mu guteza imbere ubuzima bwiza bw’abana.

Ubwo Yankurije yatangiraga gukamira abana bafite ibibazo by’imirire mibi, nta bushobozi buhambaye yari afite kuko icyo gihe yari afite inka imwe gusa, kandi na yo idakamwa amata menshi kuko icyo gihe yakamwaga litiro esheshatu gusa ku munsi. Ibyo ngo byari imbogamizi kuri we kuko ayo mata atari ahagije ugereranyije n’umubare w’abana bari bayakeneye.

Kwa Yankurije hahora abana benshi kuva ku bafite munsi y’umwaka umwe kugera ku bafite imyaka 12. Abo bana bavuga ko Yankurije (bita nyirakuru) yabahaye amata bagakira indwara nyinshi.

Igitekerezo uyu mubyeyi yagize gishimwa n’abantu benshi by’umwihariko abaturanyi be. By’umwihariko ngo ngo yishimira kuba ibyo akora byaramenyekanye bikanagera no ku mufasha w’umukuru w’igihugu, Jeannette Kagame, akanamwohereza abantu bo kujya kumusura nk’umwe mu Banyarwanda bateza imbere imibereho myiza y’abana.

Yankurije agira ati “Nyakubahwa Jeannette Kagame rwose ndamushimira cyane kuko n’ubwo atarabona akanya ko kunsura ariko yanyoherereje intumwa kandi zangezeho”

Uyu mubyeyi afite abana be bwite batatu b’abakobwa. Babiri muri bo barashatse, undi yiga i Kigali. Yahoraga yifuza kubona inka ishobora gutanga umukamo cyane kugira ngo abashe kwagura umushinga we wo gukamira abana, dore ko yari akiwukorera mu mudugudu atuyemo.

Igitekerezo cyo gukamira abana ngo agikomora ku muco yasanze iwabo kuva akiri muto, kuko iwabo bakamiraga abana ndetse na bo bagakamirwa n’abandi. Nyuma ngo yashatse mu rugo rurimo inka akomeza umuco wo guha abana amata kugeza ubwo Jenoside yabaga mu 1994 inka zirashira.

Cyakora nyuma ya Jenoside ngo yaje kugabirwa inka na perezida wa Repubulika Paul Kagame, ari na yo imushoboza gukamira abo bana bafite ibibazo by’imirire mibi. N’ubwo uyu mubyeyi yabonye intumwa yohererejwe n’umufasha w’umukuru w’igihugu, ngo anifuza kubonana na we bakaganira, kuko ibyo akora byose abikomora ku muco  Madame Jeanette Kagame uhora atoza buri Munyarwanda gufata umwana wese nk’uwe

Tags: , , , , , , , , , ,

No comments yet.

Leave a Reply

Ruhango: Banze guheranwa n’agahinda bibumbira muri koperative ihinga ibobere ikorora amagweja

Umunyamuryango wa Koperative Imena Ruhango arimo gukora amasuku mu magweja

Abagore bapfakajwe na jenoside yakorewe abatutsi mu 1994 bibumbiye muri koperative Imena Ruhango ihinga iborere ikorora amagweja, barishimira uko babayeho [...]

Ruhango: Genocide widows urged to form cooperatives

Cheva Mujawandori, a member of Imena Ruhango

Members of Imena-Ruhango, a cooperative for 1994 Tutsi genocide widows in Ruhango district are in a sensitization drive to form [...]

Musanze: Abagore n’abakobwa babyariye iwabo barafashwa kwifasha ngo biteze imbere

GakenkeDist

Ihuriro ry’Abagore b’abaprotesitanti (Mothers’ union) rifatanyije na bagenzi babo bo muri Amerika bigishije abagore n’abakobwa babyariye iwabo gukora imitako n’ [...]

ABAKOBWA BAKORA MU TUBARI BOSE SI INDAYA

ABAKOBWA BAKORA MU TUBARI BOSE SI INDAYA

Nubwo bamwe mu bakobwa bakora mu tubari mu mujyi wa Nyagatare bavuga ko bibafasha kwiteza imbere atari uburaya, bamwe mu [...]

Gicumbi – Abagore barashishikariza bagenzi babo kwitabira ubuhinzi bw’imashini

Umugore ari guhingisha imashini

Umugore ari guhingisha imashini Nyuma y’aho akarere ka Gicumbi kitabiriye ubuhinzi bukoresheje ikoranabuhanga ryo guhingisha amamashini, ubu abagore bo muri [...]

Yahereye ku mafaranga 3000 yiteza imbere none ngo agambiriye kugura imodoka ye bwite

Yahereye ku mafaranga 3000 yiteza imbere none ngo agambiriye kugura imodoka ye bwite

Umugore witwa Nyirahaguma Anatalie utuye mu murenge wa Kinyababa, mu karere ka Burera, avuga ko amaze kwiteza imbere ngo kuburyo [...]