Kayonza: Umugore wese ugitegera amaboko umugabo we ku byo akeneye byose ngo aracyari mu bujiji

m_Umugore wese ugitegera amaboko umugabo we ku byo akeneye byose ngo aracyari mu bujiji

Abagore bibumbiye mu matsinda agize impuzamatsinda yitwa Abatwaramucyo ikorera mu murenge wa Nyamirama mu karere ka Kayonza bavuga ko umugore wese ugitegera amaboko umugabo we amutegerejeho kumuha ibyo akeneye byose ngo akiri mu bujiji.

 m_Umugore wese ugitegera amaboko umugabo we ku byo akeneye byose ngo aracyari mu bujiji1

Impuzamatsinda abo bagore bibumbiyemo igizwe n’amatsinda 12 agizwe n’abagore bagera hafi kuri 80, bakaba bakora ubuhinzi bw’amatunda.

Abo bagore ngo batangiye batanga umusanzu w’amafaranga 100 buri cyumweru mu matsinda yabo, ariko ubu ngo bamaze kugira ibikorwa bifite agaciro gasaga miliyoni enye z’amafaranga y’u Rwanda mu gihe kitagera ku myaka ine bamaze bakorera muri ayo matsinda, nk’uko bivugwa na Kayumba Jean Marie Vianney uyobora iyo mpuzamatsinda.

N’ubwo mu mushinga wabo ngo babonyemo n’ubufasha bw’umuryango nyafurika w’ivugabutumwa (AEE) wabahaye agera kuri miliyoni hafi ebyiri, andi mafaranga ngo yaturutse mu misanzu y’abo bagore nyuma yo kwibumbira mu matsinda.

Nyuma yo gukusanya ayo mafaranga abo bagore ngo batekereje gukora umushinga w’ubuhinzi babifashijwemo n’umuryango wa AEE wabakoresheje urugendo shuri bakajya kugira ngo barebe uko abandi bakora ubuhinzi buvuguruye, maze na bo ngo bafata icyemezo cyo gukora ubuhinzi bw’amatunda.

Kugeza ubu ngo hari ibyo bamaze kugeraho muri rusange no mu miryango ya bo by’umwihariko babikesha kwibumbira muri ayo matsinda. Muri byo hakaba harimo korozanya, kugurirana za matora muri gahunda yo guca nyakatsi ku buriri, ndetse no gufashanya mu kwishyura imisanzu y’ubwisungane mu kwivuza.

Aha niho bahera bavuga ko umugore ugitegera amaboko umugabo we amutegerejeho kumuha ibintu byose ngo akiri mu bujiji, nk’uko bivugwa na Mukarukiriza Mariya Odeta, umwe mu bagore bagize impuzamatsinda Abatwaramucyo.

Agira ati “Kumva ko utegeye amaboko umugabo wawe kandi nawe ufite amaboko n’ibitekerezo ibyo tubyita ubujiji. Nabagira inama y’uko bakwishyira hamwe [abagore] bakatureberaho kuko ibikorwa byacu biragaragarira bose, n’abatarabashije kuba babigeraho baba babyifuza kuko ari byiza”

Impuzamatsinda abo bagore bibumbiyemo ngo ifite byinshi imaze kugeraho, ikana inafite gahunda z’ibindi bikorwa mu gihe kiri imbere kuko iteganya no kuzatangiza uruganda ruzajya rutunganya ayo matunda akavamo imitobe nk’uko umuyobozi wa yo abivuga.

Uretse kuba abo bagore babasha kugira ibyo binjiza mu miryango ya bo babikesha amatsinda bibumbiyemo, ngo banasobanukiwe n’akamaro ko kurya imbuto kuko buri mugore atahana nibura ibiro bibiri by’amatunda buri gihe uko bateranye, ibyo ngo bikaba bibafasha kunoza imirire myiza cyane cyane ku bana bakiri batoya.

Share Button

Tags: , , , , , , ,

No comments yet.

Leave a Reply

Pieces to wake up your work wardrobe

Pieces to wake up your work wardrobe

Do you ever feel like you are in a bit of a rut when it comes to getting dressed for work? […]

Household chores you should do every day

Make the bed

Getting out of bed in the morning is tough. Making the bed after you get out of it is totally […]

How to wear your flat shoes gorgeously

Although it is true that shoes with heels are often a bit more elegant and can be flattering for your […]

Umugore yafatanywe ibiro 30 by’urumogi mu gihe Polisi y’u Rwanda ikomeje ubukangurambaga bwo kurwanya ibyaha

Umugore ucyekwa gukwirakwiza  ibiyobyabwenge mu gihugu yafatiwe mu karere ka Rubavu ku itariki 26 Kamena ahagana saa kumi n’ebyiri za […]

Biyemeje kurwanya ingengabitekerezo ya Jenoside bahereye ku ishyiga

Hano abana bashyiraga indabo ku rwibutso rwa Jenoside rwa Rugarama

Abagore bo mu Karere ka Burera batangaza ko biyemeje kurwanya ingengabitekerezo ya Jenoside bahereye ku ishyiga, batoza abana gukora icyiza. […]

Abagore baributswa ko ari bo mbarutso y’amajyambere

Abagore bagize Inteko rusange bunguranye ibitecyerezo ku cyatuma barushaho gutera imbere

Abagore bo mu Karere ka Gatsibo bahagarariye abandi, bibukijwe ko ari bo mbarutso y’amajyambere bityo ko guhabwa agaciro bitavuze kwirengagiza […]