Uwimana Doroteya, utuye mu murenge wa Rugarama akarere ka Burera, ufite imyaka 52 y’amavuko, avuga ko nubwo ageze mu zabukuru bitamubuza gukora imirimo isaba ingufu. Nyamara hari abo usanga bafite imyaka nk’iye ariko batashobora akazi akora.

 Burera: Nubwo ageze mu zabukuru aracyabasha gukora imirimo isaba ingufu

Mu masaha ya nyuma ya saa yita  tariki 20/5/2014 Uwimana arashishikaye ajya kuzana isima ivanze n’umucanga abyikoreye ku mutwe mu kijerekani gishaje ubundi akabihereza umufundi uri kubaka. Aho ni ku ishantiye ahari kubakwa Agakiriro, mu murenge wa Rugarama.

Kuri iyo shantiye abakorayo bose abaruta mu myaka. Kuko baba ari abayede ndetse n’abafundi bose biganjemo urubyiruko. Nubwo bigaragara ko ageze mu za bukuru, aracyafite imbaraga zo gukora akazi k’ubuyede.

Ikindi ni uko kuba ku ishantiye hakorera urubyiruko ari ibintu byumvikana kuko akazi kahakorerwa ko guponda isima yo kubakisha, kubaka, guhereza abafundi amatafari cyangwa se isima, bisaba ingufu.

Mukecuru Uwimana, ukorana n’urwo rubyiruko ku ishantiye, avuga ko akazi kose k’ubuyede urwo rubyiruko rukora, nawe agakora. Kandi ngo arabyishimira kuko yumva afite imbaraga zo gukora ako kazi.

Akazi uyu mukecuru akora si abakecuru bose bari mu kigero cye bagakora. Gusa ariko we avuga ko iyo umukecuru adafite ibibazo by’uburwayi akora.

Agira ati “Ubundi umukecuru, umubi ni uwarwaye cyangwa uwamugaye. Naho utaramugaye ufite akazi ko gukora, wakora.”

Mukecuru Uwimana ukora ako kazi k’ubuyede kuva mu gitondo saa moya kugeza nimugoroba saa kumi n’ebyiri. Ku munsi ahembwa amafaranga y’u Rwanda 1200 kimwe n’abandi bayede bakorera kuri iyo shantiye.

Avuga ko amafaranga akorera ayizigamira kandi akanakuraho ayo atungisha umugabo we ndetse n’abana be bane.

Agira ati “ (udufaranga nkura hano) nzajya ndatujyana kuri SACCO ubundi nguremo agahene ubundi n’abana barye.

Mukecuru Uwimana asanzwe ari umuhinzi. Avuga ko icyo agambiriye kandi ashyize imbere ari ukugera ku iterambere ngo niyo mpamvu yahisemo kujya yizigamira.

Uyu mukecuru kandi akomeza avuga ko ku ishantiye akoraho ariwe uhagarariye abagore ndetse n’abakobwa bahakora,kuko ariwe mukuru ngo arabahwitura bagakora bashishikaye.

Share Button

Tags: , , , , , ,

No comments yet.

Leave a Reply

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]

Kagame UPs HeForShe Commitment to 500,000 Champions

President Paul Kagame greets excited locals in Ngoma District on 1st leg of his 3-day tour of the Eastern Province.

From 100,000 commitment to raise that number of Rwandans backing the global HeForShe campaign, Rwanda made a new move this […]

Bahamya ko basezeye ubukene kubera kwizigama amafaranga make

Abagore batishoboye basezeye ku bukene kubera kwizigama amafaranga make, babasha kwikenura bafungura amaduka, abandi bagura amatungo n’imirima kandi biyishyurira n’ubwisungane […]

Battle For Rwanda’s Most Innovative Girl Begins

Battle For Rwanda’s Most Innovative Girl Begins

This Saturday, April 30, a group of Rwandan girls talented in technology will be presenting highly innovative projects in a […]

Ibiganiro ku ihohoterwa byatangiye guhindura imibanire y’abashakanye

Abaturage bo mu Karere ka Muhanga baravuga ko ibiganiro bahabwa ku ihohoterwa rishingiye ku gitsina byatangiye guhindura imibanire y’abagore n’abagabo. […]

Muhanga: Ababyeyi batewe impungenge no kunanirana kw’abana

Bamwe mu babyeyi bo mu Karere ka Muhanga baravuga ko bahangayikishijwe n’abana babananira kandi batabuze ibibatunga mu iwabo. Ababyeyi bavuga […]