m_9

Bamwe mu bagore bo mu karere ka Rulindo, bavuga ko hari byinshi basanga ngo byaragezweho kandi byiza babikesha kuba haragiyeho inama y’igihugu y’abagore.

Bimwe mu bikunze kuvugwa n’aba bagore ngo ni uburyo babashije kwisobanukirwa ,kandi bagahabwa ijambo kimwe n’abandi banyarwanda b’igitsina gabo.

Aba bagore kandi ngo basanga kuba ihohoterwa ryakorerwaga abagore mu ngo naryo ryaragabanutse, ahanini babikesha kuba leta yarabashyiriyeho inama y’igihugu yabo, kuko ngo ibi byatumye abagabo babo babasha kumva ko nabo bagomba guhabwa agaciro,bityo ngo bigatuma bagabanya ibijyanye no kubahohotera.

Mukamana Penina yagize ati ”mu by’ukuri kuba twarashyiriweho inama y’igihugu y’abagore jye nsanga byaratwongereye agaciro mu muryango nyarwanda.Aho iyi nama igiriyeho byagabanije ihohoterwa mu ngo,kandi byanatumye bamwe mu bagore banabasha kumenya agaciro bafite mu gihugu cyacu n’ubwo bitaragera ku rwego rwiza ijana ku ijana ariko turashima Imana ko abagabo baduhaye agaciro natwe.”

Kangabe Claudine uhagarariye inama y’igihugu y’abagore mu karere ka Rulindo nawe avuga ko abagore bo muri aka karere bageze kuri byinshi babikesha kuba barashyiriweho inama yabo.

Yagize ati”iyi nama y’igihugu y’abagore yabafashije kwisobanukirwa, yagabanije ihohoterwa ryakorerwaga abagore mu muryango bituma abagabo bumva ko n’abagore ari abantu kubera ko babonye ko na Leta ibitayeho bitandukanye na kera,aho umugore atahabwaga agaciro gahagije mu muryango nyarwanda.”

Kangabe akomeza avuga inama y’igihugu ireba abanyarwandakazi kuva ku myaka 14 kuzamura,gusa bamwe mu bakiri abakobwa usanga batayisangamo cyane ,ngo kuko bumva ko abagore ari abashinze ingo zabo,bityo ugasanga abakiri abakobwa badakunze kwitabira ibikorwa by’inama y’igihugu y’abagore.

Mukase Claudine aracyari umunyeshuri mu mwaka wa gatandatu wisumbuye,ngo kubwe inama y’igihugu yumva ireba abagore gusa.

Yagize ati”Jye nta nama y’igihugu y’abagore nzi kuko ntaraba umugore,nzayijyamo nimba umugore nanjye.”

Kangabe akaba asaba abanyarwandakazi bose kuva ku myaka 14, kujya bitabira ibikorwa by’inama y’igihugu yabo ,ngo kuko nabo ibareba .

 

No comments yet.

Leave a Reply

Ngoma: Women commend good leadership over changing mindset

Ngoma: Women commend good leadership over changing mindset

Oda Gasingizwa, the minister of gender and family promotion commended good leadership over changing women’s negative attitude into striving for […]

Ngoma: Hari abagore babuzwa gukora business n’abagabo babo

Ngoma: Hari abagore babuzwa gukora business n’abagabo babo

Bamwe mu bagore bo mu murenge wa Sake akagali ka Nkanga,akarere ka Ngoma baravuga ko babuzwa gukora business n’abagabo babo […]

Gakenke: Women experiencing better life in a cooperative

Striding through Gashenyi sector in Gakenke district, Victoire Nyirandorero, 28, cuts a striking figure. Wearing a white dress, black jacket […]

Gakenke: Abagore barishimira ko hari aho bavuye naho bamaze kwigeza

Gakenke: Abagore barishimira ko hari aho bavuye naho bamaze kwigeza

Abagore bo mu karere ka Gakenke bishimira intambwe bamaze gutera mu rwego rw’iterambere kuko benshi bamaze gusobanukirwa no gukora imirimo […]

Musanze: Abagore basezereye ubukene babikesha gukorera muri koperative

Musanze: Abagore basezereye ubukene babikesha gukorera muri koperative

  Abagore bimbuye muri Koperative “Hagurukana umwete -Cyogo” yo mu Karere ka Musanze mu Murenge wa Muko bahamya ko ubuzima […]

Kirehe: Inteko y’abagore yasabwe kujya ikora igenabikorwa hagamijwe kwesa imihigo

Kirehe: Inteko y’abagore yasabwe kujya ikora igenabikorwa hagamijwe kwesa imihigo

Muri Kongere yateranye kuwa 24 Kamena 2015 yahuje inteko y’abagore bahagarariye abandi mu karere ka Kirehe bashimiwe ibikorwa by’indashyikirwa bagezeho […]