Abakobwa bo mu Karere ka Bugesera baravuga ko nyuma y’igihe kirekire baraheranwe n’amateka yo kuvuga ko hari imirimo imwe n’imwe batakora, bavuga ko ngo yagenewe basaza babo. Kuri ubu ngo bafashe icyemezo cyo gukora mirimo yose batarobanuye.

Ibi barabivuga nyuma y’uko umuryango Never Again uri kubaha ibiganiro bibashishikariza kwitabira imirimo.

Aba bakobwa barangije amashuli yisumbuye mu karere ka Bugesera, mbere babaga bategereje ko bazabona akazi runaka bakora bahembwa, benshi muri bo ugasanga bahanze amaso imirimo bavuga ko idasaba ingufu nk’uko bivugwa na Muhimpundu Ancilla wo mu murenge wa Ruhuha.

Agira ati “ kenshi twavugaga ko hari imirimo igenewe abahungu , bakobwa ariko kubera ko duhura n’ibibazo bitandukanye byose bishingiye kukubura amikoro, ibi bigatuma umwana w’umukobwa ashobora kwishora mu ngeso mbi zirimo uburaya, kugira ngo abone amikoro, ibi bibagira ho ingaruka zirimo nko kubyarira iwabo utaretse no kwakundura icyorezo cya SIDA”.

Nyuma y’uko bakomeje guhabwa ibiganiro bibashishikariza kwigirira icyizere mu mirimo yose, kuri ubu baragaraza ko bagiye nabo guhagurukira iyi mirimo; nk’uko Uwizeyimana Jose na Claudine Nyirankunzineza babitangaje.

Rwandan Women

Abakobwa barahugurirwa kudasuzugura umurimo ndetse no gutinyuka gukora

Baragira bati “bitewe n’ibibazo duhura nabyo byo kubura amikoro; tugiye kujya twemera gukora imirimo yose tutarobanuye, irimo nko kwitabira imirimo y’ubwubatsi n’iyindi”.

Ibi aba bakobwa bavuga, ubuyobozi bw’umuryango Never Again buvuga ko bubifitiye icyizere, biturutse ku kuba aba bakobwa bo ubwabo barafashe icyemezo cyo gushyira ho ihuriro ribahuza mu karere kose nk’uko bivugwa na Omar Ndizeye ushinzwe imiyoborere n’uburenganzira bwa muntu muri uyu muryango.

“ cyakora aha niho mpera nsaba urubyiruko muri rusange ko izi ndoto zarwo rugomba kuzishyira mu bikorwa; ntizibe amasigaracyicaro”.

Akarere ka Bugesera, gafite urubyiruko rugera kuri 60%  by’abaturage bagatuye, abasaga kimwe cya kabiri cyarwo kikaba ari igitsina Gore.

Kuba abakobwa aribo bari kwibandwaho cyane mu biganiro bibashishikariza kwitabira umurimo, no kwigirira icyizere; biraterwa nuko abakobwa ari itsinda rigerwaho n’ibishuko byinshi bibageza ku ngaruka z’imibereho mibi, nko gushaka igihe kitageze no guterwa inda zitateganijwe.

 

Share Button

Tags: , , , , ,

No comments yet.

Leave a Reply

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]

Kagame UPs HeForShe Commitment to 500,000 Champions

President Paul Kagame greets excited locals in Ngoma District on 1st leg of his 3-day tour of the Eastern Province.

From 100,000 commitment to raise that number of Rwandans backing the global HeForShe campaign, Rwanda made a new move this […]

Bahamya ko basezeye ubukene kubera kwizigama amafaranga make

Abagore batishoboye basezeye ku bukene kubera kwizigama amafaranga make, babasha kwikenura bafungura amaduka, abandi bagura amatungo n’imirima kandi biyishyurira n’ubwisungane […]

Battle For Rwanda’s Most Innovative Girl Begins

Battle For Rwanda’s Most Innovative Girl Begins

This Saturday, April 30, a group of Rwandan girls talented in technology will be presenting highly innovative projects in a […]

Ibiganiro ku ihohoterwa byatangiye guhindura imibanire y’abashakanye

Abaturage bo mu Karere ka Muhanga baravuga ko ibiganiro bahabwa ku ihohoterwa rishingiye ku gitsina byatangiye guhindura imibanire y’abagore n’abagabo. […]

Muhanga: Ababyeyi batewe impungenge no kunanirana kw’abana

Bamwe mu babyeyi bo mu Karere ka Muhanga baravuga ko bahangayikishijwe n’abana babananira kandi batabuze ibibatunga mu iwabo. Ababyeyi bavuga […]