Muhanga : Ubuvumvu ntibukiri ubw’abagabo gusa, n’abagore barabwitabiriye

m_Ubuvumvu ntibukiri ubw’abagabo gusa, n’abagore barabwitabiriye

Imizinga y’inzuki

Abagore bakora umwuga w’ubuvumvu barashishikariza bagenzi babo gutinyuka no kwitabira uyu mwuga, kuko korora inzuki atari iby’abagabo gusa.

Bamwe mu bagore bakaba bavuga ko ubuvumvu bumaze kubateza imbere nyuma yo gutinyuka bakorora inzuki, cyakora ngo haracyacyenewe ubumenyi bwisumbuyeho kugirango abavumvu babashe kumenya neza uko bakurikirana ubuzima bw’inzuki.

m_Ubuvumvu ntibukiri ubw’abagabo gusa, n’abagore barabwitabiriye1

Abitabiriye amahugurwa ya ADRA Rwanda kubuvumvu

Ubuvumvu cyangwa se ubworozi bw’inzuki buri kuva kuri gakondo bukorwa nk’umwuga muri gahunda ya kijyambere, nyamara uyu mwuga wakunze kurangwa no gukorwa n’abagabo gusa, ugasanga abagore bahezwa.

 m_Ubuvumvu ntibukiri ubw’abagabo gusa, n’abagore barabwitabiriye2

Abagore nabo ntacyo bakoraga ngo binjire muri ubu bworozi, bituma butanatera imbere ugereranyije n’ubundi bworozi. Cyakora nyuma yo guhugurwa bagatinyuka korora inzuki, bamwe mu bagore ngo bagenda basobanukirwa uko ubu bworozi bukorwa nk’uko Bibiyana Uwayisaba abitangamo ubuhamya, « nta mugore wabaga umuvumvu ! Ariko ubu turi abavumvu, ubu nzi kwigira mu muzinga nkakuramo ikinyagu, ngakamura ubuki, maze no kumenya amoko y’inzuki atandukanye »!

 m_Ubuvumvu ntibukiri ubw’abagabo gusa, n’abagore barabwitabiriye3

Uwayisaba avuga ko kuba hari imvugo zipfobya abagore ku bworozi bw’inzuki ari imyumvire ishaje kuko nta mugore wica inzuki ahubwo ngo abagore nabo bavamo aborozi nk’abandi.

Uyu mwuga kandi ngo wateza imbere abagore baramutse bawutinyutse, nk’uko bigenda no ku bagabo, uwayisaba akomeza avuga uko ubuvumvu bumuteje imbere.

Ati « nk’ubu ngubu akarusho ndi umugore w’umupfakazi, maze imyaka 20 nta mugabo mfite, ariko mbasha kwigurira ibyo kwambara, nishyurira abana amashuri nkatanga MUTUELLE nta kibazo mfite » !

Uko uyu mwuga waguka ni nako ikibazo cy’aho kororera kivuka, kubera ko ubutaka bwo kororeraho bugenda buba buto, abavumvu basabwa kubukora mu buryo bwa kijyambere kugirango umusaruro urusheho kwiyongera nk’uko umukozi ushinzwe agashami k’iyamamazabworozi bw’inzuki mu kigo cy’igihugu cy’ubuhinzi n’ubworozi RAB Mukamurenzi Eugenie abivuga, « Turashaka ko abavumvu biteza imbere bakava ku buvumvu gakondo bakajya kuri kijyambere, ntibakomeze kwitwa ba rushati ».

Umwaka ushize ubuvumvu bwabashije kugeza ku musaruro wa toni eshatu ku mwaka, intumbero uyu mwaka akaba ari ukugera kuri toni eshatu n’igice.

Gufata neza ubuki no kurwanya ba magendu babwangiza bikaba ari byo aba bavumvu bashishikarizwa nyuma y’uko bigaragaye ko hari ababutubura bagamije kuronka inyungu nyinshi.

Naho ku bijyanye n’ubumenyi budahagije kubavumvu bashya barimo n’abagore, RAB n’abafatanyabikorwa bayo bavuga ko ngo hazakomeza kubaho ubufatanye mu kubongerera ubumenyi butandukanye nk’uko bisanzwe.

 

Share Button

Tags: , , , , ,

No comments yet.

Leave a Reply

Rusizi: Babeshejweho no gucuruza umushogoro

Bamwe mu bagore bo mu Karere ka Rusizi, bacuruza umushogoro bavuga ko ubafatiye runini kuko ubafasha kwikemurira ibibazo bitandukanye. Ngo […]

Abagore bakora ubucuruzi barasaba amahoro Uburundi

Abagore bakora ubucuruzi bwambukiranya imipaka mu Rwanda, Burundi na Congo Kinshasa barasaba abayobozi bo mu Burundi kugarura amahoro mu gihugu. […]

Yatorotse nyuma yo gukubita no gutwika imyenda y’umugore we

Yatorotse nyuma yo gukubita no gutwika imyenda y’umugore we

Ku wa 30/04/2016 Umugabo witwa Ndikumana Donat w’imyaka 34 y’amavuko yakubise umugore we anamutwikira imyenda ye n’iy’umwana. Byabaye saa saba […]

Nyagatare: Bamwe mu bagore ntibitabira umuganda

Nyagatare: Bamwe mu bagore ntibitabira umuganda

Bamwe mu bagabo batuye mu Mudugudu wa Mirama ya mbere bavuga ko abagore badakora umuganda baba biyambura agaciro bahawe. Babivuze […]

Kagame Warns No Rwandan Child Should Be On Streets

Kagame Warns No Rwandan Child Should Be On Streets

Every Rwandan child should go to school for the country to prosper, otherwise there will be consequences. And President Paul […]

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]