A bagore bakunze kubona inkunga nyinshi zigamije kubateza imbere, ariko kenshi izo nkunga ntizigire icyo zihindura ku mibereho ya bo. a bagore bakunze kugira ibibazo bituma badatera imbere biganje mu bice by’icyaro, kandi nanone benshi muri bo ugasanga bari mu cyiciro cya ba ntahonikora bigatuma bamwe bishora mu myuga idahesha agaciro umugore.

Rurarangwa Majoro Anselme uyobora ishami rishinzwe iterambere ry’umugore mu nama y’igihugu y’abagore

Rurarangwa Majoro Anselme uyobora ishami rishinzwe iterambere ry’umugore mu nama y’igihugu y’abagore

N’ubwo bimeze gutyo ariko ngo hari igihe haboneka inkunga zigamije guteza imbere abagore, ariko izo nkunga banazishyikirizwa ntizigire icyo zihindura ku mibereho ya bo, ahanini ngo bitewe n’uko ziba zatanzwe hatabanje gukorwa ubushakashatsi ku bibazo byihariye abagore bafite by’umwihariko ibikeneye gukemuka mbere y’ibindi nk’uko umuhuzabikorwa w’inama y’igihugu y’abagore ku rwego rw’intara y’Uburasirazuba, Uwingabiye Alice abivuga.

Agira ati “Uje wese aza afite gahunda ngo yo guteza imbere umugore. Wenda umuterankunga azanye amafaranga aje guteza imbere umugore ariko hatarabayeho umwanya wo kumenya ngo wa mugore baramuteza imbere mu biki, noneho na bwa bufasha buze nk’ibisubizo bushingiye kuri bya bibazo”

Inama y’igihugu y’abagore iri gukora ubushakashatsi butegerejweho kuzakemura icyo kibazo, bukaba buzagaragaza ibibazo bibangamiye abagore hirya no hino mu gihugu. Tariki 18/06/2014 mu karere ka Kayonza hahuriye abantu batandukanye mu nama nyunguranabitekerezo yari igamije gukusanya ibitekerezo ku bibazo bibangamiye abagore n’amahirwe ahari yakwifashishwa mu kubateza imbere.

Iyo nama yitabiriwe n’abantu bari mu byiciro bitandukanye birimo abari mu nzego z’abagore mu turere tugize intara y’Uburasirazuba, abari mu nzego zifite aho zihurira n’abagore ndetse na bamwe mu bagore bahagarariye abandi mu byiciro binyuranye birimo icy’abacururiza ku dutaro, abasigajwe inyuma n’amateka, abahoze bakora uburaya n’ababana n’ubwandu bwa virusi itera SIDA.

Icyo benshi muri bo bahurizaho ni uko ngo babura amikoro yatuma bakora udushinga twabafasha kubaho ku buryo burambye, bagasaba ko ko bakongererwa ubushobozi kugira ngo bashake uko biteza imbere aho gukomeza gukora imyuga itabahesha agaciro nk’uko Umutesi Gloriose wari uhagarariye abahoze bakora uburaya yabivuze.

Yagize ati “Ibibazo duhura na byo ni ubukene tukabura mitiweri, abana bakabura ibyo kurya, ugasanga benshi barimo baranasubirayo [mu buraya]. Twasaba kongererwa ubushobozi tubonye nk’abaterankunga dufite amaboko dushoboye gukora, ubushobozi ni bwo bubura”

N’ubwo hakigaragara ibibazo byihariye kuri bamwe mu bagore hirya no hino mu gihugu, ngo hari intambwe ikomeye yatewe mu gukemura bimwe mu bibazo byatumaga batsikamirwa. Muri byo ngo harimo kuba basigaye bafite uburenganzira ku izungara, uburenganzira bwo kwiga, ndetse n’ubwo kujya mu myanya y’ubuyobozi nk’uko Rurarangwa Majoro Anselme uyobora ishami rishinzwe iterambere ry’umugore mu nama y’igihugu y’abagore abivuga. Cyakora ngo kuri ubu ikiri gukorwa ni uguhangana n’ikibazo cy’ubujiji kicyugarije bamwe mu bagore, aho bigishwa gusoma no kwandika ari na ko bigishwa ibijyanye n’imishinga.

Ubu bushakashatsi butezweho kuzagaragaza ibibazo by’abagore ku buryo bwimbitse, ku buryo ibizabuvamo bibaye bigaragaza ukuri nyako kuri mu midugudu hirya no hino mu gihugu byagira ingaruka mu guhindura imibereho y’umugore nk’uko bamwe mu bagore bari bahagarariye abandi babidutangarije.

Share Button

No comments yet.

Leave a Reply

Tips to make your polish last longer

Tips to make your polish last longer

Well who doesn’t want a perfect nails through the week or even have the pedicure/manicure last longer? With these tips, […]

Would you really take on natural hair over long curls?

Would you really take on natural hair over long curls?

It is a common adage that a woman’s respect is her hair but why would one want to cut it […]

Kanombe: Women say President Kagame is their hero

Kanombe: Women say President Kagame is their hero

As the country commemorated its heroes for the 22nd time on Monday, women said they raise with high esteem President […]

Breastfeeding campaigns pay off as Rwanda ranked high globally

Breastfeeding campaigns pay off as Rwanda ranked high globally

Rwanda’s efforts to promote breastfeeding among lactating mothers have paid off as the country was ranked highest in breastfeeding worldwide. […]

Gisagara: Kwiteza imbere babishyize mu nshingano zabo

Gahunda zitandukanye  zifasha abagore kwiteza imbere   Kwiteza imbere abagore babigize inshingano Abagore bo mu karere ka Gisagara bavuga ko […]

Miss Rwanda 2016: « La beauté ne compte pas beaucoup dans les critères de sélection »-Miss Carine

Miss Rwanda 2016: « La beauté ne compte pas beaucoup dans les critères de sélection »-Miss Carine

Miss Carine Rusaro est l’une des trois membres de jury pour Miss Rwanda 2016. Elle affirme que « la beauté ne […]