Korora ingurube byatumye abona amashanyarazi,

Mukeshamungu Felicita utuye mu murenge wa Rugarama, mu karere ka Burera atangaza ko kokora ingurube bimufite akamaro kuburyo byatumye yikura mu bukene maze imibereho yo mu rugo ikazamuka.

Uyu mugore yoroye ingurube imwe. Avuga ko agitangira gushaka umushinga wo gukora yatekereje korora inka ariko arayibura maze yigira inama yo korora ingurube. Abisobanura muri aya magambo:

“Nagerageje gushaka inka mu gihe cyashize ntabwo nabashije kuyibona noneho ntashoboye kuyibona…nagize gutya mfata icyana cy’ingurube nkigura amafaranga ibihumbi 20 ndacyorora, kirakura…”

Akomeza avuga ko iyo ngurube imaze gukura yatangiye kubyara. Kuri ubu abasha kugurisha ibyana by’ingurube akarihira ababana be amashuri. Yanabashije kandi gushyira umuriro w’amashanyarazi mu nzu ye byose abikesha iyo ngurube yoroye nk’uko abitangaza.

Ingurube yoroye ibyara kabiri mu mwaka. Ntabwo ibyara ibyana by’ingurube byinshi kubera ko ipima ibiro byinshi (ibiro 80). Ibyara ibyana batanu cyangwa batandatu. Icyana kimwe akigurisha amafaranga y’u Rwanda ari hagati y’ibihumbi 12 na 15 nk’uko Mukeshamungu abisobanura.

Yongera ho ko ayo mafaranga abona, iyo yagurishije ibyana by’ingurube, ariyo amukemurira ibibazo bitandukanye aba afite. Yizeye kuzakomeza gutera imbere abikesha ingurube yoroye nk’uko abivuga.

Usibye kuba Mukeshamungu yoroye ingurube, ni n’umuhinzi uhinga kijyambere kuburyo abaturanyi be bamwita “umugoronome” (n’ubwo ntabyo yigiye) kubera ukuntu ahinga neza k’umurongo.

Uburyo yorora mo ndetse n’uburyo ahinga mo abikesha inama zitandukanye agenda ahabwa n’abajyanama mu buhinzi n’ubworozi babifashijwe mo n’Ikigo cy’Igihugu gishinzwe Ubuhinzi n’Ubworozi (RAB) nk’uko Mukeshamungu abihamya.

 

 

Tags: , , , ,

No comments yet.

Leave a Reply

Tips for mothers of the bride and groom

Sometimes, parents too feel the pressure when it comes to organizing their children’s weddings. But as parents, there is a […]

Expelled, abused and looted by the Tanzanian Govt., Rwandan families begin adjusting to life back home.

Expelled, abused and looted by the Tanzanian Govt., Rwandan families begin adjusting to life back home.

Odette Bayagambe, 39, had always considered Tanzania her home, until the afternoon of August 9, 2013 when Tanzanian security operatives […]

Abagore barasabwa kwitabira ibikorwa by’iterambere ariko batarangaranye ingo zabo

Ba rwiyemezamirimo b’abagore barahamagarirwa kwitabira ibikorwa n’imishinga y’iterambere ariko bakanagenera umwanya ingo zabo no kwita ku mibanire myiza n’abo bashakanye […]

Why Rwanda may be the best place to have a baby

img (2)

BUGESERA-RWANDA—In Nyamata, a village town of Bugesera district, a 30 minutes’ drive south of Rwanda’s Capital City, Kigali, Jeanne Musabende’s […]

Bugesera: abagore bamaze kugera kuri byinshi babikesha umugoroba w’ababyeyi

Bamwe mu bagore bo mu karere ka Bugesera baravuga ko hari byinshi bamaze kugeraho mu ngo zabo birimo nk’imibanire myiza […]

KOPERATIVE ZABIGISHIJE KUBONEZA URUBYARO

Uretse guhuza imbaraga n’ibitekerezo biganisha ku iterambere, bamwe mu bagore bibumbiye mu makoperative y’ubuhinzi bw’ibigori mu karere ka Nyagatare bavuga […]