rwanda : Yahereye ku biceri 40Uyu wahereye ku mafaranga 40 none akaba amaze gutera imbere ni uwitwa Mukandagano Annonciata, umubyeyi utuye mu Murenge wa Huye, ho mu Karere ka Huye. Kuba yariteje imbere, byamuviriyemo guhembwa n’ubuyobozi bw’akarere ka Huye, bwamuhaye icyemezo cy’ishimwe ndetse n’amafaranga 200.000. Hari ku munsi wo gutangiza igihe cy’iminsi 16 yo kurwanya ihohoterwa ryo mu ngo.

Mukandagano uyu ngo yapfakajwe na jenoside. Aho ahungukiye, nta kintu na kimwe yagiraga. Ngo agatenge yambaraga ni na ko yiyorosaga hamwe n’umwana we yari yarasigaranye. Na ko kandi ngo kari kamwe, ku buryo iyo kanduraga yakamesaga ninjoro agiye kuryama. Birumvikana ko iyo yabaga yameshe bararaga batiyoroshe.

Yaje kujya mu murima yari yarahinzemo amasaka -aya masaka ariko yahungutse asanga yarasaruwe- nuko ahumbahumbamo udusaka tungana na mironko ebyiri nuko aratugurisha akuramo amafaranga mirongo ine.

Aya mafaranga rero, Mukandagano ngo yayaguzemo ibibabi bitatu by’itabi, maze abikoramo bene rya tabi abantu, cyane cyane abagore, bakunda kujundika, bita ubugoro. Ubu bugoro yarabucuruje akuramo amafaranga 80, na yo arongera arayashora.

N’ikiniga cyinshi, Mukandagano ati “nagize ubuzima bubi, ku buryo nize gucuruza ubugoro kandi ntarigeze nywa n’itabi”.

Buke buke yagiye yunguka, amaze kugira amafaranga ibihumbi bibiri yikopesha amasaka maze atangira gucuruza ikigage, ubugoro arabureka. Nyuma y’ikigage yatangiye kujya abaga ingurube akagemura inyama zazo mu mugi aho yari afite umukiriya.

Kuri ubu, Mukandagano ngo asigaye akora ibikorwa binyuranye bimwinjiriza amafaranga harimo kugura nk’ishyamba ry’ibihumbi 500, agashyiramo abakozi baricamo amakara agurisha.Yunzemo agira ati « ubu umutungo mfite, nywegeranyije sinajya munsi ya miriyoni kandi naratangiriye ku biceri mirongo ine.

Yabaye umukangurambaga mu bukungu

Mukandagano ngo asigaye atoza bagenzi be kwizigama babinyujije mu matsinda y’intambwe. Uretse abaturanyi be, n’abo mu yindi mirenge arabagenderera akabatoza kwizigama no gutangira udushinga duto duto tugenda tubabyarira inyungu bukebuke.

Ngo impamvu nyamukuru yo kugira bagenzi be inama ku kuntu bakwiteza imbere, ni ukubera ko yabonye ko hari abahohoterwa n’abagabo babo kubera ko baba nta kintu kigaragara binjiza mu rugo, bakababera umutwaro aho kubabera abafasha.

Icyo Mukandagano yifuriza bagenzi be rero ni uko batera imbere, bakabasha kugira uruhare mu bukungu bw’ingo zabo. Ibi ngo bizatuma abagabo babo babakunda, boye kubasuzugura. Ni cyo gituma uretse kugira inama abagore uko bakwikura mu bukene, akora n’umurimo wo kurwanya ihohoterwa rikorerwa mu ngo. Ni umwe mu bakangurambaga batanga inama ku kurwanya ihohoterwa.

Tugarutse ku gihembo Mukandagano yagenewe n’ubuyobozi bw’Akarere, ku munsi wo gutangiza igihe cy’iminsi 16 yo kurwanya ihohoterwa, ngo ni ukubera ko ari umwe mu bagore babashije kwikura mu bukene bahereye ku busa, kandi bikaba bizwi ko ahanini impamvu y’ihohoterwa mu ngo ari ubukene : ngo umugore wabashije gukorera urugo akenshi yubahwa n’umugabo aho guhohoterwa.

 

Share Button

Tags: , , , ,

No comments yet.

Leave a Reply

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]

Bishimiye imbaraga babonye mu kurwanya ihohoterwa

Abahuguwe  bahawe inyemezabumenyi

Ubuyobozi bw’Umurenge wa Byimana mu Karere ka Ruhango, burashimira umuryango Global Community, umaze kubahugurira abazabafasha mu guhangana n’ihohoterwa ritandukanye. Ibi […]

Imirimo ivunanye ngo ibangamira iterambere ry’umugore

Umuyobozi w'Akarere ka Karongi wungirije ushinzwe ubukungu, Bagwire Esperance (Ibumoso) na Uwiragiye Anathole  umuhuzabikorwa w'uyu mushinga mu gikorwa cyo kuwutangiza

Umuryango Action Aid uvuga ko kuba umugore akora amasaha menshi kandi imirimo ivunanye, biri mu bibangamira iterambere rye. Imwe mu […]