Rwanda | Rutsiro : Yiteje imbere abikesheje guhinga, korora no gutwika amatafari n’amategura

Yiteje imbere abikesheje guhinga, kororaYiteje imbere abikesheje guhinga, korora2

 

 

 

 

Umubyeyi witwa Uwiragiye Scolastique, utuye mu murenge wa Ruhango mu karere ka Rutsiro avuga ko yihaye intego yo kutazigera asabiriza isabune n’umunyu ku mugabo, iyo ntego ye akaba yarayigezeho abikesheje guhinga, korora ndetse no gutwika amatafari n’amategura.

Uwiragiye Scolastique arubatse, akaba afite umugabo, abana batandatu n’umwuzukuru umwe. Avuga ko yabayeho ari umukene uteye ubwoba ariko noneho kuri ubu ngo akaba yarashatse kwikorera ndetse no kuzuzanya n’umugabo we nk’uko leta ihora ibibakangurira.

Ati : “Kuko nabonaga guhora mvuga ngo umugabo mutezeho ikintu cyose, yaba isabune, yaba umunyu, nabona umushyitsi ngasaba umugabo agafanta ko kumwakiriza, ibyo bintu nagezeho numva ndabyanze”.

Kimwe mu byo Uwiragiye yatekereje ko yaheraho kikamufasha kwiteza imbere ni ubuhinzi, ariko bitewe n’uko nta sambu ihagije bari bafite, ngo yigiriye inama yo kujya yatisha mu baturanyi be ndetse no hafi y’ishyamba rya Gishwati mu bahafite amasambu manini. Yamaze imyaka itandatu ahinga imirima yatisha.

Ati : “Ibirayi nezaga, naryaga ibitoya, ibinini nkabihunika, nza kubigurisha ubwo nguramo amatungo arororoka aba menshi cyane”.

Uwiragiye ngo yaguze inka imwe imuviramo izindi umunani maze yungurana inama n’umugabo bagurisha za nka  umugabo na we yongeraho andi mafaranga bagura inzu, hanyuma barakomeza barakora kugira ngo bazabone izindi.

Bamaze kubona inzu, Uwiragiye yegereye undi mugore mugenzi we maze bakora umushinga wo gutwika amatafari n’amategura ku buryo ngo abaturage bo muri ako gace batajya babura amatafari n’amategura byo kubakisha.

Muri 2007 baje kumujyana mu ngando zabereye i Murunda mu karere ka Rutsiro amarayo ukwezi. Muri izo ngando bigishirijwemo amasomo menshi ajyanye no kwiteza imbere, isomo ry’ingenzi yakuyemo rikaba ngo ari “Gukora byinshi kandi vuba”.

N’ubwo umugabo we yaje gusezererwa ku kazi bitewe n’uburwayi ndetse n’izabukuru, Uwiragiye ngo nta kibazo cyo gutunga umuryango we yagize kuko afite ibikorwa byo kumubeshaho we n’umuryango we. Abasha kubona ibyangombwa by’abana be batanu biga mu mashuri yisumbuye, akabasha gutunga abasigaye mu rugo kandi na we akaba ngo abayeho neza.

Ati : “ Ubu mu murenge wacu nta mudamu ubayeho neza nkanjye”.

Uwiragiye arashishikariza abagore kudasabiriza abagabo babo agafanta ko kuzimanira umushyitsi, umwana ntiyifuze akanyama ngo bategereze ko umugabo ari we uzakagura, cyangwa se ngo usange basabiriza umunyu n’isabune ku bagabo.

Ati: “ Ibyo bintu tubicikeho dukore, twiteze imbere kuko n’igihugu cyacu kiradushyigikiye”.

Share Button

Tags: , , , ,

No comments yet.

Leave a Reply

Kagame Warns No Rwandan Child Should Be On Streets

Kagame Warns No Rwandan Child Should Be On Streets

Every Rwandan child should go to school for the country to prosper, otherwise there will be consequences. And President Paul […]

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]

Kagame UPs HeForShe Commitment to 500,000 Champions

President Paul Kagame greets excited locals in Ngoma District on 1st leg of his 3-day tour of the Eastern Province.

From 100,000 commitment to raise that number of Rwandans backing the global HeForShe campaign, Rwanda made a new move this […]

Bahamya ko basezeye ubukene kubera kwizigama amafaranga make

Abagore batishoboye basezeye ku bukene kubera kwizigama amafaranga make, babasha kwikenura bafungura amaduka, abandi bagura amatungo n’imirima kandi biyishyurira n’ubwisungane […]

Battle For Rwanda’s Most Innovative Girl Begins

Battle For Rwanda’s Most Innovative Girl Begins

This Saturday, April 30, a group of Rwandan girls talented in technology will be presenting highly innovative projects in a […]

Ibiganiro ku ihohoterwa byatangiye guhindura imibanire y’abashakanye

Abaturage bo mu Karere ka Muhanga baravuga ko ibiganiro bahabwa ku ihohoterwa rishingiye ku gitsina byatangiye guhindura imibanire y’abagore n’abagabo. […]