Umugore yiteje imbere ahereye ku  hihumbi 50, none arabara miliyoni ze zirenga 20

Mukangerageze Dancilla

Mukangerageze Dancilla utuye akagari ka kigararama, umurenge wa Masoro ho mu karere ka Rulindo ni umugore witeje imbere mu buryo bushimishije ,ahereye ku mafranga ibihumbi mirongo itanu, none ubu ku bwe avuga ko abaze ibikorwa bye byose asanga ahagaze mu mafranga y’u Rwanda arenga miliyoni 20.

Nk’uko uyu mubyeyi abivuga ngo mbere yari umuntu w’umutindi nyakujya ,ku buryo ngo yageze n’aho yajyaga atungwa no guhingira abandi, ariko muri we agahora yumva aziteza imbere.

Dancilla avuga ko yatse inguzanyo y’ibihumbi 50 agatangira  ahinga inyanya , zimaze kwera arazigurisha ,nyuma akora  ubworozi bw’inzuki asarura ubuki ,amafranga yakuye mu buki ngo yayaranguyemo inkoko ,atangira ubworozi bw’inkoko .ubu akaba afite inkoko zigera ku bihumbi 4 na 500.

Uyu mugore avuga ko gutera imbere biharanirwa, ku bwe ngo ntiwakwiyicarira ngo uvuge ko uzatera imbere, akaba ari muri urwo rwego avuga ko we buri gihe inzozi ze zahoraga ari ugukora akaziteza imbere.

Avuga ko amaze kugera ku bintu byinshi .Ngo afite inzu y’ibyumba  umunani atuyemo, n’umuryango we ,ngo yubakiye nyirabukwe utari wishoboye nawe inzu igaragara yo kubamo, ikindi kandi ngo afite umuhigo wo kugura imodoka ya Daihatsu ,izajya imufasha kugemura amagi mu mujyi wa Kigali.

Gutera imbere kwe kandi ngo si we wenyine byagiriye akamaro kuko kugeza ubu hari abaturanyi batari bake amaze kugeza kuri byinshi ,barimo bane  yoroje inzuki,n’abandi 13 yoroje inkoko kandi ngo atanga n’akazi muri iyo mirimo ye y’ubuhinzi n’ubworozi akora,aho abara abakozi bagera kuri 21 ahemba.

Kuba umugore adakora mu rugo ngo hari ingaruka nyinshi yabibonyemo,aho avuga ko Ingaruka z’ubukene yahuye nabwo muri icyo gihe  ,ngo yagiye ahura n’ubwunvikane buke murugo n’umutware we ,kandi n’abana ango ntibagire umutekano kubera ubushyamirane bwahoraga mu rugo.

Akaba asaba abagore bagenzi be ko bagomba gufungura ubwonko bagakora ,ngo kuko yasanze bituma umuryango ugira umutekano n’amahoro.

Tags: , , , , ,

No comments yet.

Leave a Reply

Ruhango: Banze guheranwa n’agahinda bibumbira muri koperative ihinga ibobere ikorora amagweja

Umunyamuryango wa Koperative Imena Ruhango arimo gukora amasuku mu magweja

Abagore bapfakajwe na jenoside yakorewe abatutsi mu 1994 bibumbiye muri koperative Imena Ruhango ihinga iborere ikorora amagweja, barishimira uko babayeho [...]

Ruhango: Genocide widows urged to form cooperatives

Cheva Mujawandori, a member of Imena Ruhango

Members of Imena-Ruhango, a cooperative for 1994 Tutsi genocide widows in Ruhango district are in a sensitization drive to form [...]

Musanze: Abagore n’abakobwa babyariye iwabo barafashwa kwifasha ngo biteze imbere

GakenkeDist

Ihuriro ry’Abagore b’abaprotesitanti (Mothers’ union) rifatanyije na bagenzi babo bo muri Amerika bigishije abagore n’abakobwa babyariye iwabo gukora imitako n’ [...]

ABAKOBWA BAKORA MU TUBARI BOSE SI INDAYA

ABAKOBWA BAKORA MU TUBARI BOSE SI INDAYA

Nubwo bamwe mu bakobwa bakora mu tubari mu mujyi wa Nyagatare bavuga ko bibafasha kwiteza imbere atari uburaya, bamwe mu [...]

Gicumbi – Abagore barashishikariza bagenzi babo kwitabira ubuhinzi bw’imashini

Umugore ari guhingisha imashini

Umugore ari guhingisha imashini Nyuma y’aho akarere ka Gicumbi kitabiriye ubuhinzi bukoresheje ikoranabuhanga ryo guhingisha amamashini, ubu abagore bo muri [...]

Yahereye ku mafaranga 3000 yiteza imbere none ngo agambiriye kugura imodoka ye bwite

Yahereye ku mafaranga 3000 yiteza imbere none ngo agambiriye kugura imodoka ye bwite

Umugore witwa Nyirahaguma Anatalie utuye mu murenge wa Kinyababa, mu karere ka Burera, avuga ko amaze kwiteza imbere ngo kuburyo [...]