A bategarugori bo mu murenge wa Kibirizi mu karere ka Gisagara, baratangaza ko batakigira ubwoba bwo kugana ibigo by’imali nko mu gihe gishize, ndetse bakanashima iterambere bari kugeraho babikesha Sacco, aho bahabwa inguzanyo bakabasha kwiteza imbere.

Gisagara: Abategarugori bamaze gusobanukirwa n’ibyiza byo kugana Sacco

Gisagara: Abategarugori bamaze gusobanukirwa n’ibyiza byo kugana Sacco

Mu bihe bishize byagaragaraga ko ubwitabire bw’abagore n’abakobwa mu kwizigamira muri Sacco buri hasi cyane, bagasobanura ko biterwa no kuba bumva nta cyizere barigirira ku bijyanye no kwihangira ibikorwa ngo bake inguzanyo bakore, abandi nabo bakavuga ko nta mafaranga bagira, ngo kuko atungwa n’abagabo gusa, bityo akaba ari nabo bagira konti muri Sacco.

Ibi ariko si ko ngo bikimeze muri uyu murenge wa Kibirizi kuko abategarugori bamaze guhaguruka bashakisha uburyo bakwiteza imbere babikesha inyigisho n’ibiganiro bahabwa n’ubuyobozi, abenshi ubu bakaba baragannye ikigo cy’imali Sacco bakizigamira ndetse abandi bakanahabwa inguzanyo nk’uko abo twaganiriye babitangaza.

Nyiraminani Pascasie umwe muri aba bategarugori ati “Mbere narinzi ko nta mugore ugira amafaranga, nzi ko n’iyo nayashaka ntayabona, nkumva ko ari bwo buzima, ariko aho maze gusobanukirirwa ko nanjye nshoboye ubu maze amezi 6 ndi muri Sacco maze no kugurizwa amafaranga ibihumbi 100 ubu ngiye gutangira gucuruza imyaka. Sacco sinabona uko nyishima”

Uwimana Liberata ni umukobwa w’imyaka 23 avuga ko nawe ubu ahagurukiye kwiteza imbere binyuze muri Sacco.

Ati “Natangiye guca inshuro mfite imyaka 15 ariko kugera n’ubu ntacyo nari bwagereho gifatika kuko amafaranga nakoreraga yose nahitaga nyangiza no mubidafite umumaro, namenye ko nta buzima budafite intego kandi ko n’abakobwa dushoboye none ubu nsigaye mbona na maganatanu nkayajyana kuri Sacco namara kugwira nzashaka icyo nkora gifatika niteze imbere”

Nkundabumviye Patrick umucungamutungo wa Terimbere Kibirizi Sacco avuga ko impinduka igenda igaragara cyane ku bwitabire bw’abagore, aho mu kwezi kwa munani bari bafite abanyamuryango b’abagore basaga ibihumbi bibiri, mu kwa 10 bakaba ibihumbi bitatu. Avuga kandi ko ikindi cyiza ari uko bitabiriye no kuguza kandi bakaba bishyura neza.

Ati “Ubwitabire bumaze kuzamuka abategarugori bamaze gusobanukirwa n’ibyiza byo kwizigamira muri Sacco kandi n’iyo bafashe inguzanyo bazishyura neza kurusha n’abagabo”

Mu banyamuryango basaga 6800 bari muri Sacco ya Kibirizi, kuri ubu abagera ku 3000 ni abagore n’abakobwa.

 

 

 

Tags: , , , , ,

No comments yet.

Leave a Reply

Tips for mothers of the bride and groom

Sometimes, parents too feel the pressure when it comes to organizing their children’s weddings. But as parents, there is a […]

Expelled, abused and looted by the Tanzanian Govt., Rwandan families begin adjusting to life back home.

Expelled, abused and looted by the Tanzanian Govt., Rwandan families begin adjusting to life back home.

Odette Bayagambe, 39, had always considered Tanzania her home, until the afternoon of August 9, 2013 when Tanzanian security operatives […]

Abagore barasabwa kwitabira ibikorwa by’iterambere ariko batarangaranye ingo zabo

Ba rwiyemezamirimo b’abagore barahamagarirwa kwitabira ibikorwa n’imishinga y’iterambere ariko bakanagenera umwanya ingo zabo no kwita ku mibanire myiza n’abo bashakanye […]

Why Rwanda may be the best place to have a baby

img (2)

BUGESERA-RWANDA—In Nyamata, a village town of Bugesera district, a 30 minutes’ drive south of Rwanda’s Capital City, Kigali, Jeanne Musabende’s […]

Bugesera: abagore bamaze kugera kuri byinshi babikesha umugoroba w’ababyeyi

Bamwe mu bagore bo mu karere ka Bugesera baravuga ko hari byinshi bamaze kugeraho mu ngo zabo birimo nk’imibanire myiza […]

KOPERATIVE ZABIGISHIJE KUBONEZA URUBYARO

Uretse guhuza imbaraga n’ibitekerezo biganisha ku iterambere, bamwe mu bagore bibumbiye mu makoperative y’ubuhinzi bw’ibigori mu karere ka Nyagatare bavuga […]