Nk’uko yabidutangarije ubwo twamusuraga mu rugo iwe aho yororera izi nkoko,  Alphonsine Nyiranzakizwanayo  w’imyaka 37 y’amavuko, utuye mu mudgudu wa Burunga, umurenge wa Gihudwe, mu karere ka Rusizi, avuga ko igitekerezo cyo kuzorora yagitangiye amaze kurangiriza amashuri yisumbuye  mu buvuzi bw’amatungo ariko akamara igihe kirekire atarabona akazi ngo n’aho akabonye akakabona kure y’umuryango we ngo ku buryo yumvaga atajya kugakorayo  ngo anawiteho, ngo nibwo yicaye atekereza icyo yakora adasabirije akazi Leta cyangwa abigenga, abifashijwemo n’umugabo we,yiga umushinga watuma ahubwo atanga akazi asanga agomba korora inkoko.

Rusizi: Alphonsine Nyiranzakizwanayo amaze kugera ahashimishije mu iterambere abikesha ubworozi bw’inkoko.

 Yatangiye umushinga wo korora izo nkoko  mu mwaka wa 2010, atangirira ku nkoko 100 gusa none ubu ageze ku nkoko 3000.

Izo nkoko ngo zirimo ibyiciro 2, harimo iz’inyama n’iz’amagi ku buryo inkoko imaze amezi 2 ivutse ayigurisha amafaranga 3000 y’amanyarwanda kandi ngo yatangiye kuyobokwa n’abakiliya b’ingeri zose, barimo n’abanyekongo baza kuzirebera iwe  ku buryo ubu atekereza kwagura umushinga we ukagera kure.

Avuga ko ubwo bworozi bw’inkoko bwamufashije cyane mu rugo, bukaba bwaratumye yiga kaminuza akaba yaranayirangije, ubu akaba afite impamyabushobozi ya A0 mu kwiga no gutunganya imishinga, akaba afasha umugabo we mu  kurihira abana amashuri no kubabonera ubwisungane mu kwivuza, atibagiwe no kubagaburira neza kuko ngo amafunguro yabo ya buri munsi amagi atabura mo kandi n’akanyama ntibirirwe bajya kukagura ku isoko keretse iyo bashaka izikomoka ku yandi matungo, kandi ubu ngo akaba yakwibarira nibura umushahara w’amafaranga 400,000 y’amanyarwanda mu kwezi yakuyemo ayo guhemba abakozi 5 akoresha muri ubwo bworozi akaba ateganya no kubongera.

Avuga kandi ko ubwo bworozi bwe bumaze kumenyekana kuko yanabiherewe igihembo cya mbere mu marushanwa y’aborozi , yari yahuje aborozi 8 bo mu karere ka Rusizi muri Mutarama 2013,akabihererwa amafaranga 200,000 y’amanyarwanda n’ibikoresho bitari bike by’ubworozi , bigeretseho n’impamyabushobozi, akaba yumva  atanatinya kurushanwa mu rwego rw’igihugu ,ndetse na mpuzamahanga .

Ubu amaze gutera intambwe yo kugira imashini imufasha guturaga amagi ku buryo atagikenera cyane gutuma imishwi aho yayitumaga mu gihugu  cy’uBubiligi, akaba ateganya kugura imashini nk’iyo yo mu rwego rushimishje ngo igura 6,000,000 z’amafaranga y’uRwanda ikazamufasha guturaga imishwi imeze neza, akazajya agurisha iyo mishwi ku bayishaka bose bo mu gihugu ndetse no hanze yacyo.

Nk’uko madame Alphonsine Nyiranzakizwanayo akomeza abivuga, ngo mu nzozi afite akoresheje ubwo bworozi bw’inkoko, arateganya gukora ubworozi bw’amafi yororerwa I musozi, akorora n’ingurube nyinshi akoresheje ibisigazwa by’izo nkoko, kandi ngo mu bushake n’ubushobozi buzaboneka abigereho.

Avuga ko ibiryo by’izo nkoko bitamugora kubibona kuko ngo abyikorera, ubu akaba amaze no koroza abantu bagera ku 100, akaba anatanga inama ku byerekeranye n’ubworozi bw’inkoko kubazishaka, kandi n’abaturanyi, ngo ibyiza bikomoka kuri ubwo bworozi ntibibura kubageraho.

Yasoje ikiganiro twagiranye asaba abagore bagenzi be, cyane cyane abarangije amashuri, yaba ayisumbuye cyangwa na kaminuza kutitinya ngo bumve ko badakoreye abandi  batabaho, abakangurira kwihangira umurimo no kuwunoza  badategereje ak’imuhana, kandi ko ahari ubushake no gutinyuka byose bishoboka.

Share Button

Tags:

No comments yet.

Leave a Reply

Biyemeje kurwanya ingengabitekerezo ya Jenoside bahereye ku ishyiga

Hano abana bashyiraga indabo ku rwibutso rwa Jenoside rwa Rugarama

Abagore bo mu Karere ka Burera batangaza ko biyemeje kurwanya ingengabitekerezo ya Jenoside bahereye ku ishyiga, batoza abana gukora icyiza. […]

Abagore baributswa ko ari bo mbarutso y’amajyambere

Abagore bagize Inteko rusange bunguranye ibitecyerezo ku cyatuma barushaho gutera imbere

Abagore bo mu Karere ka Gatsibo bahagarariye abandi, bibukijwe ko ari bo mbarutso y’amajyambere bityo ko guhabwa agaciro bitavuze kwirengagiza […]

Umuco nk’imbogamizi ku bucuruzi bw’umugore

Bamwe mu bagore bari mu biganiro

Bamwe mu bagore bavuga ko umuco Nyarwanda ukiri imbogamizi ku bucuruzi bwambukiranya imipaka kuko baba basize imiryango. Babivuze kuri uyu […]

RNP, local leaders in Nyabihu in nutrition drive

The District Police Unit of Nyabihu and local leaders have reinforced the campaign to ensure healthy feeding. On June 21, […]

Congo Gender Minister visit Isange One Stop Centre

Inès Nefer Ingani, the Minister of Gender of Congo Brazzavile accompanied by her counterpart of Rwanda being welcomed at Isange by the director, Supt. Shafiga Murebwayire.

  The Minister of Gender of Congo Brazzaville, Inès Nefer Ingani visited the Rwanda National Police (RNP) Isange One Stop […]

Kutandikwa mu gitabo cy’irangamimerere bituma umugabo amuhohotera

Guvrineri yasabye ko ibibazo byabo baturage bikemurwa vuba

Mukamana Gaudence wo mu Murenge wa Rutare mu Karere ka Gicumbi gusezerana n’umugabo we ntibandikwe mu gitabo cy’irangamimerere bituma umugabo […]