Rwanda | Hari aho abagoreMu muco nyarwanda wa cyera, abagore n’abakobwa cyane cyane abagiye imugongo cyangwa abari mu mihango babuzwaga kwegera imizinga y’inzuki kugirango batava aho bazitera umwaku.

Nk’uko bitangazwa na bamwe mu basaza ba cyera, bakoraga umwuga w’ubuvumvu no kugeza magingo aya bakaba bakiwukora, ngo byari bibujijwe ko umugore yakwegera umuzinga w’inzuki kuko yashoboraga gutuma zidakora ubuki nk’uko bisanzwe zikaba zakwigumura ntizinakore na buke kuko zumvise umugore uri mu mihango.

Umusaza witwa Kayijamahe wo mu karere ka Muhanga, avuga ko yemera iyi miziririzo kuko ngo no kugeza magingo aramutse acyorora inzuki ngo nta mugore cyangwa umukobwa wamugerera hafi y’ibyima by’inzuki ze kuko yemera ko bazitera umwaku.

Avuga ko mu rwego rwo kwirinda, ibi bibazo byose, ngo nta mugore numwe waba uwagiye mu mihango ndetse n’utayigiyemo wemererwaga kwegera inzuki cyangwa kurya ubuki bwazo kuko batabaga bafite ubushobozi bwo kumenye mu byukuri niba yagiye mu mihango cyangwa atayigiyemo.

Yongeraho ko ikibazo kinini ngo ni uko hari abagore badakundwa n’inzuki kurusha abandi, ati: “hari abagore bagira akaboko kabi cyane kuburyo aramutse yegereye inzuki zawe cyangwa akarya ubiki atarava mu mihango zahita zigumura zikaburya bwose ntugire icyo ucyura”.

Nyamara magingo aya Leta y’u Rwanda aho yimakarije, ubwuzuzanye n’uburinganire ndetse igakuraho na zimwe muri za kirazira n’amahame yahezaga bamwe cyane cyane abagore, hari bamwe mu bagore batangiye gukora imyuga yari igenewe abagabo kandi yari ikizira ku bagore.

Mujawabere Anna ni umukecuru w’imyaka 70, yatangiye gukora umwuga w’ubuvumvu mu mwaka w’1996 kugeza magingo aya akiwukora. Avuga ko yatangiye uyu mwuga yikandagira kimwe na bagenzi be kuko bari bazi ko ari ikizira ku bagore kandi bakumva ko bazahomba kuko inzuki zizabanena zikarya ubuki bwose.

Mu ishyirahamwe ry’abavumvu b’abagore bari barimo ngo bashakaga umuvumvu w’umugabo akaba ariwe ubahakurira.

Avuga ko uyu muvumvu yasangaga ubuki bwose nta buri mu byima kuko ngo inzuki zabaga zegerewe n’abagore, bimaze kuba inshuro nyinshi aba bagore bashatse uburyo bareba mu byukuri niba batera umwaku inzuki maze ahubwo basanga wa mugabo yarabanzaga akiba ubuki maze akababeshya ko hari umugore uri mu mihango wazikubaganije.

Ibi ngo byateje urujijo n’umwiryane muri aba bagore kuko buri wese yakekaga ko ari mugenzi we wagiye mu mihango maze akegera inzuki kandi bibujijwe.

Mujawabera avuga ko nyuma kumenya ko ibyo byose ari ubusambo bw’abagabo ngo bafashe icyemezo cyo kujya bigira mu mizinga bagahakura, none ngo ubu bamaze gutezwa imbere no kwihakurira.

Mushumba Desire, ushinzwe guhuza ibikorwa by’ishami rishinzwe ubuvumvu bwa kijyambere, mu muryango RDI avuga ko iyi miziririzo y’abanyarwanda ku nzuki yari ukwiharira ibyiza kw’abagabo kuko hari n’ahandi bahezaga abagore mu bikorwa byiza.

Mushumba avuga ko kuri ubu amakoperative y’ubuvumvu bafite ngo ni ay’abagore gusa kuko hagati ya 28 na 30% ari ay’abagore gusa kandi ngo n’andi yitwa aya bose agizwe ahanini n’abagore n’abakobwa.

 

 

Share Button

Tags: , , , ,

No comments yet.

Leave a Reply

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]

Bishimiye imbaraga babonye mu kurwanya ihohoterwa

Abahuguwe  bahawe inyemezabumenyi

Ubuyobozi bw’Umurenge wa Byimana mu Karere ka Ruhango, burashimira umuryango Global Community, umaze kubahugurira abazabafasha mu guhangana n’ihohoterwa ritandukanye. Ibi […]

Imirimo ivunanye ngo ibangamira iterambere ry’umugore

Umuyobozi w'Akarere ka Karongi wungirije ushinzwe ubukungu, Bagwire Esperance (Ibumoso) na Uwiragiye Anathole  umuhuzabikorwa w'uyu mushinga mu gikorwa cyo kuwutangiza

Umuryango Action Aid uvuga ko kuba umugore akora amasaha menshi kandi imirimo ivunanye, biri mu bibangamira iterambere rye. Imwe mu […]