Rwanda : Kayonza Abahoze bakoraIshyirahamwe ryitwa Dushishoze ry’abagore n’abakobwa bahoze bakora uburaya mu karere ka Kayonza, riri gukangurira abakobwa n’abagore bagikora uburaya muri ako karere kubuvamo. Ni nyuma y’aho abo bagore bigishijwe n’imiryango itandukanye ifite kurwanya SIDA mu nshingano za yo.

N’ubwo abo bagore n’abakobwa bamaze imyaka myinshi bakora uburaya, bavuga ko nta nyungu babubonyemo, iyo ikaba ariyo mpamvu bari kwiyemeza kubuvamo nk’uko Mukashyaka Alice ukuriye iryo shyirahamwe abivuga.

We ngo yatangiye gukora uburaya kuva mu mwaka wa 2004, ariko icyo yavanyemo ngo ni ugukubitwa n’abagabo, kwamburwa no guteshwa agaciro. Ibyo ngo ni byo byatumye akora ubukangurambaga kuri bagenzi be bahuriraga mu buraya kugira ngo bishyire hamwe bityo bashake uburyo bakwiteza imbere.

Uretse kuba ahagarariye iryo shyirahamwe, Mukashyaka anahagarariye abagore n’abakobwa bari kuva mu buraya mu mirenge yose igize akarere ka Kayonza. Avuga ko afata umwanya wo kuzenguruka muri buri murenge akora ubukangurambaga ku ndaya zose zikorera muri uwo murenge, azishishikariza kuva mu buraya.

Ishyirahamwe Dushishoze rigizwe n’abagore n’abakobwa bari kuva mu buraya bagera kuri 27. Tariki 20/11/2012 bahawe imashini ebyiri zo kudoda kugira ngo zibafashe kubona icyo baheraho biteza imbere. Uretse izo mashini, abatari bazi gusoma no kwandika na bo bari kubyiga, bakavuga ko bizatuma babasha kujyana n’iterambere urwanda rugezemo.

Umuyobozi w’akarere ka Kayonza wungirije ushinzwe imibereho myiza y’abaturage, Mutesi Anitha, avuga abo bagore n’abakobwa bari mu murongo mwiza, akavuga ko nta mpamvu n’imwe yatuma akarere ka Kayonza katabafasha.

Avuga ko akarere kazabashakira aho gukorera hazwi, dore ko nta hantu bagiraga bakorera. Uyu muyobozi anashishikariza abandi bagore n’abakobwa bakora uburaya kubuvamo bagashaka ibindi bakora aho gushakira amaramuko mu mwuga ugayitse kandi na wo ntubabesheho.

Ati “Uburaya sibwo bukwiye kubeshaho umugore cyangwa umukobwa w’umunyarwanda, ashobora no guhera ku tuntu duto duto kandi tukamuteza imbere igihe afite ubushake bwo gukora”

 

 

Share Button

Tags: , , ,

No comments yet.

Leave a Reply

Gatsibo: Why pregnant women should avoid herbal cures

Gatsibo: Why pregnant women should avoid herbal cures

Pregnant women or those trying for a baby should not take herbal remedies because of the risk of dangerous side […]

Rwimiyaga: hari ibibazo bigaragara mu Akagoroba k’ababyeyi

Rwimiyaga: hari ibibazo bigaragara mu Akagoroba k’ababyeyi

Itsinda ry’akagoroba k’ababyeyi ryari rigizwe n’abagore bakorera mu isoko rya Rwimiyaga. Hari hibumbiyemo abagore 158 bizigamaga amafaranga 200 uko bateranye, […]

Gatsibo: Ababyeyi batwite barasabwa kwirinda imiti ya Kinyarwanda

Umuyobozi w’ibitaro bya Kiziguro Dr. Mukama Twagira Diocles

Ubuyobozi bw’ibitaro bya Kiziguro butangaza ko hafi 85% by’ababyeyi bagira ibibazo babyara, ngo ari ababa barabanje kwivuza mu Kinyarwanda. Ubwo […]

Ruhango: Umugore amaze kugera kuri byinshi abikesha igare

Ruhango: Umugore amaze kugera kuri byinshi abikesha igare

Uzabakiriho Agnes, utuye mu murenge wa Byimana, amaze imyaka 15 akora akazi ko gucuruza imyenda akoresheje igare, akavuvuga ko igare […]

Gisagara: Kwiteza imbere byagaruye amahoro iwabo

Abagore bo mirenge ya Kansi na Save mu Karere ka Gisagara bagabiwe inka na Jeannette Kagame, zabafashije kugarura umutuzo iwabo.

Abagore bahawe inka bahamya ko mbere batarahabwa izi nka bari bakennye ndetse bikabakururira umwiryane mu ngo kuko abagabo babaga bashinja […]

Ruhango: Umugore umaze imyaka 26 mu bucuruzi bw’inkweto arasaba bagenzi be kutitinya

Mukamana Tamari umudamu umaze umyaka 26 acuruza inkweto, avuga bimaze kumugeza kuri byinshi, we n’umuryango we, agasaba abagore bagenzi be […]