Mazane : Abagore bahatuye babangamiwe n’ubuharike abagabo babo babakorera

Abagore batuye mu kirwa cya Mazane kiri mu kiyaga cya Rweru mu karere ka Bugesera, baratangaza ko babangamiwe nuko abagabo babo babaharika abandi bagore.

Abo bagore bavuga ko akenshi abagabo babo babata kuri icyo kirwa maze bakazumva ko bashatse abandi bagore cyane cyane abatuye hakurya y’amazi mu kagari ka Jarama mu karere ka Ngoma nk’uko bivugwa na Nyiraminani Jeanine umwe mubahuye n’icyo kibazo.

Yagize ati “ ubu njye umugabo wanjye yarantaye ashaka undi muri iki kirwa tumaze kubyarana abana batatu, uwo baje gushakana nawe yaramutaye bamaze kubyarana abana babiri none yagiye hakurya aha Jarama yishakira undi mugore”.

Si uwo gusa kuko uwitwa Mukarugema Donatille nawe avuga ko umugabo we yamutanye abana bane maze ashaka abandi bagore babiri ubwo bakaba babaye batatu.

 Abagore bahatuye babangamiwe

Ndayizeye Alfred Mandela  umunyamabanga nshingwabikorwa w’akagari ka Mazane

“ kuva yansigana abana bajye ubuzima bwarankomereye kubarera birangora, ubu dutunzwe n’uko mba nagiye mu rufunzo nkashaka urwaba rwumye maze nkarugurisha. Umufungo umwe bampa amafaranga mirongo itanu, ubuse ko ataguze n’ikiro cy’ ifu y’igikoma ubona nabigira nte”.

Abo bagore n’abandi bavuga ko babayeho mu buzima bubi, kuko batajya mu mazi ngo barobe amafi yo kurya no kugurisha kuko bisaba ingufu z’abagabo.

“ uretse ko tutanabishoboye n’ubusanzwe amafi nta kiboneka nka mbere muri iki kiyaga, ikindi twajyaga dutunzwe no guhinga none aho twahingaga amazi yarahuzuye kuburyo ubu tubayeho nabi. Cyeretse badukuye muri iki kirwa bakaduha amasambu yo guhingamo nta kindi cyadukiza” ni Mukarugema Donatille ubivuga.

Ndayizeye Alfred Mandela n’umunyamabanga nshingwabikorwa w’akagari ka Mazane avuga ko aribyo koko bahangayikishijwe n’icyo kibazo.

Ati “ mu rwego rwo kugikemura ubu umugabo tumenye ko ashatse undi mugore tujya kumukurayo kuko n’abaturage ubu barabimenyereye, ikindi kandi dushishikariza abashakanye gusezerana imbere y’amategeko”.

 Abagore bahatuye babangamiwe1

Bamwe mu bana batuye mu kirwa cya Mazane usanga barangwa n’umwanda

Icyo kibazo cyo gusezerana imbere y’amategeko kikaba kitazashoboka kugerwaho ijana ku ijana muri ako kagari kuko ku ngo 216  izigera kuri 40 nizo zimaze gusezerana imbere y’amategeko, naho abandi ntibizashoboka kuko hari abagabo bafite abagore nka batatu cyangwa bane. Ndayizeye ukomeza ubivuga.

Kubera ubuharike buri muri icyo kirwa usanga abakobwa barongorwa bakiri bato, ndetse ugasanga nta kuboneza urubyaro bihari.

Ikirwa cya Mazane gituwe n’abaturage bagera kuri 972 n’ingo 216. Abenshi batunzwe n’umwuga w’uburobyi.

No comments yet.

Leave a Reply

Tips for mothers of the bride and groom

Sometimes, parents too feel the pressure when it comes to organizing their children’s weddings. But as parents, there is a […]

Expelled, abused and looted by the Tanzanian Govt., Rwandan families begin adjusting to life back home.

Expelled, abused and looted by the Tanzanian Govt., Rwandan families begin adjusting to life back home.

Odette Bayagambe, 39, had always considered Tanzania her home, until the afternoon of August 9, 2013 when Tanzanian security operatives […]

Abagore barasabwa kwitabira ibikorwa by’iterambere ariko batarangaranye ingo zabo

Ba rwiyemezamirimo b’abagore barahamagarirwa kwitabira ibikorwa n’imishinga y’iterambere ariko bakanagenera umwanya ingo zabo no kwita ku mibanire myiza n’abo bashakanye […]

Why Rwanda may be the best place to have a baby

img (2)

BUGESERA-RWANDA—In Nyamata, a village town of Bugesera district, a 30 minutes’ drive south of Rwanda’s Capital City, Kigali, Jeanne Musabende’s […]

Bugesera: abagore bamaze kugera kuri byinshi babikesha umugoroba w’ababyeyi

Bamwe mu bagore bo mu karere ka Bugesera baravuga ko hari byinshi bamaze kugeraho mu ngo zabo birimo nk’imibanire myiza […]

KOPERATIVE ZABIGISHIJE KUBONEZA URUBYARO

Uretse guhuza imbaraga n’ibitekerezo biganisha ku iterambere, bamwe mu bagore bibumbiye mu makoperative y’ubuhinzi bw’ibigori mu karere ka Nyagatare bavuga […]