Abahagarariye ubuyobozi n'imiryango ya sosiyete sivile mu nama nyunguranabitekerezo.

Abahagarariye ubuyobozi n’imiryango ya sosiyete sivile mu nama nyunguranabitekerezo.

Abapfakazi ba Jenoside yakorewe Abatutsi muri Mata 1994 babanaga n’abagabo babo mu buryo bnyuranyije n’amategeko  barasaba ubuvugizi kugira ngo babone uburenganzire ku mutungo w’ubutaka bagize uruhare mu gushakana na bo igihe bari bakiriho.

Abo bapfakazi bavuga ko bashatse abagabo mu gihe hari hakiriho ubujiji, ngo bamwe barateruwe  kuko abagabo babo babaga barashimwe bakabatega umutego  bakabura uko babigenza bakabana, kandi ubuyobozi bwariho muri icyo gihe ngo  ntibyaha  agaciro kubana kw’abashakanye byubahirije amategeko.

“Kiriya gihe cyacu umusore yaragukunda akaba yanaguterura ukanga kugenda, …mbese twari dufite umuco uvuga uti “ niba wabaye umugore ugume aho ngaho n’ubuyobozi ntibwari bufite n’ubushake niba unafashwe no ku ngufu ube wanabyerekana babe bakurengera

Muri icyo gihe byatumaga ugenda udasezeranye kubera ko umusore yaragukunze hari umutego aguteze ukabana nawe”, nk’uko Laurence Muhawenimana, umupfakazi wa Jenoside abivuga.

yemeza ko kubana n’umugabo batarasezeranye akaza kwicwa muri Jenoside byamugizeho ingaruka, kimwe nk’abandi bapfakazi  nta jambo yagize  ku mutungo wasize yafashwe  nk’indaya kuko n’itegeko ntiribarengera.

Ngo uretse kuba  waragize amahirwe ukabyarana na nyakwigendera, ukaba wemerewe gucungira umutungo w’abana  mwabyaranye, ubundi abandi bameneshejwe n’imiryango bashatsemo kuko baba bitwa indaya.

Avuga ko abagore babana n’abagabo batarasezeranye barabarengera kandi bagifite amahirwe yo gusezerana bakabana mu buryo bwubahirije amategeko kuko n’ubuyobozi bugaragaza ubushake bukangurira imiryango yose gusezerana ariko abo bapfakazi ayo mahirwe ntayo bafite.

Sabine Uwase ushinzwe amategeko mu Muryango AVEGA avuga ko harimo akarengane kuko nta burenganzira bafite ku mutungo ariko hakazamo n’ingaruka zo kubana mu buryo butubahirije amategeko, ngo bakwiriye ubuvugizi kugira ngo habeho n’itegeko ribarengera.

Ati: “Ariko kuri iki kibazo cy’umwihariko cy’abapfakazi ba Jenoside babanaga badasezeranye… mbere ya Jenoside  abagore n’abagabo  babanaga mu buryo butubahirije amategeko atari uko umugabo yanze umugore we ari uko umuco wari uteye abantu batakunda gusezerana,  Ubukangurambaga bwarakozwe abantu benshi barasezeranye.

Kuri abo bagore, abagabo babo bapfuye badasezeranye  ntibafite uburenganzire ku mutungo kuko bigaragara ko atari abagore b’isezerano ariko twumva bakwiriye ubuvugizi bwihariye kugira ngo habe hajyaho amategeko cyangwa ingingo zibarengera kuri iyo mitungo cyane cyane baba baragizemo uruhare mu kuyishaka.”

Abagore basezeranye n’abagabo bagira uburenganzire busesuye ku mutungo w’ubutaka nk’uko itegeko ribigena, bityo bakangurirwa kwirinda kwishyingira kuko bibagiraho ingaruka igihe batandukanye cyangwa abagabo babo bitabye Imana.

Mu nama nyunguranabitekerezo yabaye tariki 25-27/02/2014 mu Karere ka Gakenke, abayitabiriye bagaragaje ko nubwo umugore afite uburenganzira ku butaka usanga ashobora kubuhinga ariko ntashobora kubukoresha uko abishaka, ngo basaza be cyangwa umugabo we ntibabyemera.

Pelagie Mukandinda umukozi wa RCN Justice et Democratie yasobanuye ko  iyo nama yari igamije kunoza imikoranire hagati y’ubuyobozi n’imiryango ya sosiyete sivile, bose bakagire imyumvire imwe ku burenganzire bw’umugore ku mutungo w’ubutaka, yongeraho  ko babonye ko hari ingingo z’amategeko zitanoze bazakora ubuvuzi kugira ngo zihindurwe.

Ibi bifitanye isano n’umuco nyarwanda abantu bakuriyemo, icyakora habayeho gukomeza kwigisha no gukangurira abagore uburenganzira bwabo, bakigirira icyizere ngo byatanga umusaruro ushimishije.

No comments yet.

Leave a Reply

Rulindo: Women urged to work with financial institutions

MP Mukayijore asked women in Rulindo to get loans and start small income generating projects

Women in Rulindo district have been urged to be confident and work with financial institutions for sustainable development. The call […]

Rulindo: Ubujiji, kwitinya n’umuco ni bimwe mu bibangamira bamwe mu bagore batuye ibyaro mu kwiteza imbere

Depite Mukayijore arasaba abagore kwitinyuka bagakorana n'ibigo by'imari

Nk’uko bitangazwa na bamwe mu bagore bo mu karere ka Rulindo, ngo kuba hakiriho bamwe muri bagenzi babo bakiyumvamo umuco […]

Rulindo: Mukanyarwaya arashima Leta y’Ubumwe yamufashijwe kwitinyuka agakorana n’ibigo by’imari

Mukanyarwaya arashima Leta y’Ubumwe yamufashijwe kwitinyuka agakorana n’ibigo by’imari

Mukanyarwaya Consolee utuye mu murenge wa Tumba akarere ka Rulindo ngo kuba ari umugore wihagazeho kandi wifashije abikesha kuba haragiyeho […]

Kayonza: Women for Women beneficiaries making in sop manufacturing

Women for Women beneficiaries making in sop manufacturing2

Using appropriate technology women in Kayonza district today can now make beautiful soap bars using local materials. Women for Women […]

Bugesera: AVEGA to train more trauma councilors

AVEGA to train more trauma councilors

In a bid to control cases of trauma among Genocide survivors in Bugesera district which tend to rise during the […]

Twitezembire coop: changing women’s lives

The beauty of working through Cooperatives is that it gives its members a sense of identity, belonging, and community togetherness.  […]