Gicumbi - abagore batwite baragirwa

Umugore utwite agira impinduka nyinshi mu mubiri we niyo mpamvu aba akwiye kwegerwa no kugirwa inama kugirango babone uko babungabunga ubuzima bwe muri cya gihe batwite.

Nk’uko bitangazwa n’umuforomo ku kigonderabuzima cya Kagogo kuri uyu wa 14/11/2012 ngo bigisha abagore batwite uburyo bagomba kwitwara mu rwego rwo kwirinda ibibazo bituruka kugutwita kwabo.

Kakuze Annonciate avuga ko baba bakwiye kugirwa inama kuko usanga benshi bagira impinduka ku mibiri yabo ntibabimenye aho usanga bamwe batangiye, gupfuka umusatsi, kuvunagurika kw’inzara, amabere aba manini, hakaba  n’impinduka z’uruhu, hari n’izindi mpinduka zibaho mu mikorere y’umubiri biturutse ku gutwita bitewe n’imisemburo yiyongereye.

Zimwe muri izo mpinduka ni nko kugira iseseme no kuruka, guta umutwe, gucibwamo, guciragura, kunanirwa no guhondobera, kugugara mu nda (constipation), guteragura cyane k’umutima n’ibindi.

Icyo gihe iyo abonye ibyo bimenyetso byose ku mubiri we agomba kumenya uko yitwara ndetse akaba yagana muganga igihe abonye ko ari ngombwa.

Avuga ko umugore utwite wahuye n’ibyo bibazo hari uburyo ashobora kwitwara kugira ngo amererwe neza, abashe gutwaza muri icyo gihe cyose aba ategerejanyije ibyishimo byo kuzibaruka uwo atwite.
Izo mpinduka ku mikorere y’umubibiri w’umugore utwite zigenda zibaho bitewe n’igihe inda imaze.
Kugira iseseme no kuruka bitangira mu kwezi kwa 1, bikagenda bishira mu mpera z’ukwezi kwa gatatu, rimwe na rimwe bikongera kugaruka umugore ari hafi ku byara.

Icyo wakora mu kurwanya iseseme no kuruka ni ugutegura ifunguro rito  (petit dejeuner) ku mugoroba mbere yo kuryama hanyuma ukaza kuyifata mu gitondo utarava mu buriri.

Wamara kuyifata ukagerageza kubyuka witonze. Ku manywa gerageza kurya inshuro nyinshi , hagati y’amafunguro ya saa sita na nimugoroba umuntu afata ku munsi, shyiramo andi yoroheje wirinde ko mu nda habamo ubusa.

Kumererwa nabi no guta umutwe bituruka ku kumara umwanya munini uhagaze cyangwa ku gabanuka ku isukari mu mubiri.  Kubirwanya rero  ni ukwirinda guhagarara umwanya munini no guhagarara ahari ikivunge cy’abantu, ukirinda urugendo rurerure n’ibikunaniza kandi ugafata amafunguro arimo ibinyasukari.

Kugugara (constipation) na byo bikunze kubaho ku bagore batwite. Umugore uhuye na byo, agerageza guhindura indyo .Agomba kwihatira kurya imboga, n’ibitonore n’ibindi byifitemo amazi bifasha amara gukora neza.

Kunywa cyane amazi n’umutobe w’imbuto ubyutse na mbere yo kuryama  bituma umwanda ugomba gusohoka woroha. Imyitozo ngororangingo yoroheje nayo irafasha na masaje (massage) ku nda bikangura amara agakora neza.

Hari utagugarirwa mu nda ahubwo agacibwamo ( diarrhée), bisaba rero ko agabanya kurya imboga, akihatira kurya umuceri na karoti.

Bamwe mu bagore batwite bakunze kugira ikibazo cyo kwihagarika buri kanya. Hari uwagabanya kunywa akeka ko ari uburyo bwo kubivura, ariko nyamara yakagombye  kurushaho kunywa cyane kugira ngo bifungure inkari, bityo ntagire ikibazo cyo kurwara impyiko.

Ibindi bibazo bijya bibaho ku mugore utwite ni uguteragura k’umutima ahanini biterwa n’icyo akoze, uturimo, urugendo, ari ko nyuma bigashira. Aha bisaba kwirinda kwinaniza no kuruhuka bihagije.

Muri ibibazo byose byavuzwe, igihe bibayeho ku buryo budasanzwe cyangwa bikabije, asabwa kujya kugisha inama muganga. Ni byiza kandi ko umugore utwite yipimisha kenshi kugira ngo imibereho ye n’uwo atwite yitabweho.

Share Button

Tags: , , ,

No comments yet.

Leave a Reply

Kagame Warns No Rwandan Child Should Be On Streets

Kagame Warns No Rwandan Child Should Be On Streets

Every Rwandan child should go to school for the country to prosper, otherwise there will be consequences. And President Paul […]

Umugore kudoda inkweto bimubeshejeho n’umuryango

Niyonsaba umubyeyi w’abana 4 udoda inkwetomu mujyi wa Nyagatare.

Niyonsaba Josiane yatangiye umwuga wo kudoda inkweto awusuzugura none awubonamo ifunguro, ukamwishyurira ubukode akinishyurira abana ishuri Niyonsaba atuye mu Mudugudu […]

Kagame UPs HeForShe Commitment to 500,000 Champions

President Paul Kagame greets excited locals in Ngoma District on 1st leg of his 3-day tour of the Eastern Province.

From 100,000 commitment to raise that number of Rwandans backing the global HeForShe campaign, Rwanda made a new move this […]

Bahamya ko basezeye ubukene kubera kwizigama amafaranga make

Abagore batishoboye basezeye ku bukene kubera kwizigama amafaranga make, babasha kwikenura bafungura amaduka, abandi bagura amatungo n’imirima kandi biyishyurira n’ubwisungane […]

Battle For Rwanda’s Most Innovative Girl Begins

Battle For Rwanda’s Most Innovative Girl Begins

This Saturday, April 30, a group of Rwandan girls talented in technology will be presenting highly innovative projects in a […]

Ibiganiro ku ihohoterwa byatangiye guhindura imibanire y’abashakanye

Abaturage bo mu Karere ka Muhanga baravuga ko ibiganiro bahabwa ku ihohoterwa rishingiye ku gitsina byatangiye guhindura imibanire y’abagore n’abagabo. […]