Umubyeyi utwite agomba kwitongera indwara ya malariya

Umubyeyi utwite agomba kwitongera indwara ya malariya

Abaganga bavuga ko hari impamvu nyinshi zituma abagore batwite bibasirwa n’indwara ya malariya muri ibyo bavuga ko ubusanzwe uturemangingo tw’umubiri dusanzwe dukora abasirikare barinda umubiri  ntituba tugifite ingufu mu kurinda umugore utwite.

Iri gabanuka ry’abasirikare bakomoka ku turemangingo rituma ibyago by’umugore utwite byo kwibasirwa na malariya byiyongera kuko  abasirikare bakagombye gufasha umubiri we kurwanya iyinjira ry’udukoko twa malariya baba bagiye no kurinda  umwana  aba atwite nk’uko Dr Gedeon André Mulumba Mukendi, ushinzwe serivisi zifasha abagore batwite mu bitaro bya ADEPR Nyamata abitangaza.

Ati “ Si ibyo gusa bituma indwara ya malaliya yibasira abagore batwite ku buryo buyoroheye, kuko iyo umugore atwite ya ngobyi y’umwana (placenta) ikozwe mu buryo ibasha kwakira udukoko dutera malariya mu buryo bworoshye kuko ibice biyigize bigenda biha urwaho udukoko twa malariya kwinjira mu buryo bworoshye”.

Dr. Gedeon avuga ko iyo umugore agize ibyago byo kurumwa n’umubu w’ingore ukwirakwiza malaliya ukamushyiramo udukoko  tuyitera  mu maraso, utwo dukoko  duhita twirukira mu ngobyi  (placenta) aho dusanga twatundi twari tuhasanzwe maze tukororoka vuba kandi ku buryo bwihuse akaba ari nabwo  utwo dukoko dutangira kwibasira umugore utwite n’uwo atwite.

“Udukoko twa malariya duhita dusiba imiyoboro ivana umwuka mwiza duhumeka (oxygene) mu mubiri w’umubyeyi uyigeza ku mwana, Ku mubyeyi nawe ni ho atangira kugira ikibazo cyo kubura amaraso ndetse  n’umwuka mwiza duhumeka (oxygene) mu maraso ye ikagabanuka ari nayo mpamvu ituma umubyeyi utwite iyo afashwe na malariya ihita imumerera nabi ndetse we n’uwo atwite bakaba bahasiga ubuzima iyo ativuje hakiri kare kandi neza”.

Umugore utwite iyo arwaye malariya agerwaho n’ingaruka nyinshi zirimo kugira amaraso makeya (anemie), kugira umuriro mwinshi, kugabanuka kw’isukari mu mubiri, kugira amazi mu bihaha, kuzahara mu gihe cyo kubyara, bikaba byanamuviramo kuva cyane ndetse no gupfa rugeretse iyo adakurikiraniwe hafi kandi neza.

Udukoko dutera malariya ( plasmodium  Falciparum), dutuma  umugore utwite ajya ku bise igihe cyo kubyara kitaragera maze bigatuma abyara umwana utagejeje igihe cyangwa se akabyara umwana wamaze gupfira mu nda. Uku kwiyongera kw’ibise kukaba guturuka ahanini ku kwiyongera gukabije k’umuriro mu mubiri.  Na none bikunze kugaragara ko umubyeyi wahuye na malariya atwite abyara umwana unaniwe ndetse udafite umwuka uhagije ku buryo mu gihe atitaweho n’abaganga ashobora no gupfa mu gihe hatabaye imbaraga z’abaganga mu kumuha umwuka.

 

 

 

 

Share Button

Tags: , , , , , ,

No comments yet.

Leave a Reply

First Lady in Boston to Raise Funds For Rwanda’s First Cardiac Center

Rwanda is expected to establish its first-ever cardiac care center , a very vital facility in the care of patients […]

Huye:Umugore yafatanywe toni 20 z’imbuto y’ibigori

Huye:Umugore yafatanywe toni 20 z’imbuto y’ibigori

​Polisi ikorera mu karere ka Huye ifunze umugore ukekwaho kugura no gucuruza imbuto y’ibigori yari igenewe abahinzi. Ringuyeneza Odette ufungiye […]

Ngoma: Bamwe mu bagore bavutswa amahirwe n’abagabo babo

Imyumvire ya bamwe mu bagabo mu Karere ka Ngoma ituma abagore babo batabona amahirwe yo kwihangira imirimo banga kubasinyira ingwate […]

Nyirambarushimana avuga ko ahohoterwa n’umugabo babanye

Nyirambarushimana  Elizabeth wo mu Murenge wa Rwimiyaga aratabaza kuko umugabo batandukanye amusanga iwabo no mu isoko akamukubita akangiza ibyagatunze abana. […]

Bishimiye imbaraga babonye mu kurwanya ihohoterwa

Abahuguwe  bahawe inyemezabumenyi

Ubuyobozi bw’Umurenge wa Byimana mu Karere ka Ruhango, burashimira umuryango Global Community, umaze kubahugurira abazabafasha mu guhangana n’ihohoterwa ritandukanye. Ibi […]

Imirimo ivunanye ngo ibangamira iterambere ry’umugore

Umuyobozi w'Akarere ka Karongi wungirije ushinzwe ubukungu, Bagwire Esperance (Ibumoso) na Uwiragiye Anathole  umuhuzabikorwa w'uyu mushinga mu gikorwa cyo kuwutangiza

Umuryango Action Aid uvuga ko kuba umugore akora amasaha menshi kandi imirimo ivunanye, biri mu bibangamira iterambere rye. Imwe mu […]